خير اللهم اجعله خير .. أخدت شهر حبس مع الشغل

**greenday** · 12-01-2012 01:32 PM

المشاركة الأصلية كتبت بواسطة tyler_durden

أنا كان عليا ٧٢ ساعة حبس بسبب ٥٠ جنيه رسوم قضية صحة توقيع
و إكتشفت الموضوع ده صدفة ، مع إن ماجاليش إخطار و لا زفت
بلد عجيبة

هى قضايا صحة التوقيع فيها حبس اول مرة اعرف

**hossam_elwani** · 12-01-2012 02:07 PM

المشاركة الأصلية كتبت بواسطة greenday

هى قضايا صحة التوقيع فيها حبس اول مرة اعرف

فيها حبس لو جالك اعلان بالحضور لجلسة اثبات صحة التوقيع ومحضرتش بيجيب عليك رسوم 50 مصاريف محكمة وطبعا مفيش حد بيطالبك رسمى ومع نفسهم بيعملو حجز وتبديد وبعدين حكم غيابى والقاضى قدامه ورق وبس كله فى البتنجان وانصح صاحب الموضوع بالمعارضه بنفسه على الحكم النهارده قبل بكره وياخد افاده من النيابه بكده وبعدين يشوف محامى كويس يباشر القضيه وفى الاخر ان شاء الله حترسى على براءه وبدون دفع مليم واحد بس تاخد معاك كل الورق الى يفيد بوقوف المصنع

**Abo_Lina** · 12-01-2012 02:14 PM

المشاركة الأصلية كتبت بواسطة greenday

هى قضايا صحة التوقيع فيها حبس اول مرة اعرف

ال ٧٢ ساعة دول مش بسبب حاجة في صحة التوقيع لكن رسوم للقضية

مفروض فيه محصل يجي ياخد ٥٠ جنيه مش عارف بقى هو ماجاش و لا جه و أنا مش موجود و لا إيه المهم ال ٥٠ جنيه دي إتعملت قضية ،
أنا خلصت الموضوع عن طريق محامي و مستني شهادة كده من المحكمة عشان أقدر أشيل القضية و الحكم من على الكمبيوتر
موضوع تافه و مبلغ تافه و عقوبة تافهة و مش عدل إن الواحد ياخد حكم و هو مش عارف في الخفاء كده

**greenday** · 12-01-2012 02:20 PM

المشاركة الأصلية كتبت بواسطة tyler_durden

ال ٧٢ ساعة دول مش بسبب حاجة في صحة التوقيع لكن رسوم للقضية

مفروض فيه محصل يجي ياخد ٥٠ جنيه مش عارف بقى هو ماجاش و لا جه و أنا مش موجود و لا إيه المهم ال ٥٠ جنيه دي إتعملت قضية ،
أنا خلصت الموضوع عن طريق محامي و مستني شهادة كده من المحكمة عشان أقدر أشيل القضية و الحكم من على الكمبيوتر
موضوع تافه و مبلغ تافه و عقوبة تافهة و مش عدل إن الواحد ياخد حكم و هو مش عارف في الخفاء كده

طيب احنا من سنين طويلة بعنا شقة انا وعمامى وصاحب الشقة عمل صحة توقيع واغلبنا محضرش ولا دفعنا حاجة ومفيش حاجة حصلت هل معنى كده ان الواحد عليه حكم وهو مش عارف طيب اطمن ازاى