السلام عليكم

الحقوووووووووووووووني ضرسي هيموتني ومش قادر اقفل بقي حتي ههههههه

كله من الجوافيايه بنت اللذين خدعتني وافتكرت مفيش بذره وقطمت جامد والبذره جت بين الضرسين جابت الضرس اللي فوق نصين

رحت لدكتور اللي متابع معاه بس في كفر الدوار قالي الكسر وحش قوي بس هنحشيه ونجرب ويعيش زي مايعيش وفعلا حشيته واستريحت حوالي شهر ونص وكان ساعات ينقح عليا شويه ويرجع يبقي كويس حتي لما رجعت الأسبوع اللي فات قلت اروح اخلعه لقيته حلو قلت خلاص

جيت البارح الصبح صاحي علي الم غبي جدا ونقح في ضروسي دماغي هيموتني
قلت اسيبه يوم واشوف النظام صاحي الصبح حسه ملتهب ومش قادر حتي اجيب الفك السفلي علي الفك العلوي
والمسكن مش بيعمل حاجه اخره نص ساعه وتاثيره بيروح مع انه قبل كده كان بيعمل شغل جامد

انا اعرف مركز الذرقاني اللي في شارع الطيران بس المشكله انه حراق قوي
حشو عادي من 250 الي 400
حشو عصب من 650 الي 850
طربوش 900

اكيد الخلع مش هيقل علي 150 مثلا

عايز دكتور نضيف ويكون حنين وايه اسعار الخلع كمان

ردو عليا ضروري الله يكرمكم عشان لازم ارروح النهارده لاني هيجلي انهيار عصبي من الالم