الموضوع: تجربة قيادة اكسنت rb اية رأيكوا اكمل ولا مافيش داعى ؟

المشاركة الأصلية كتبت بواسطة hany63

بالنسبه للرموز حضرتك عكستها عشان الموتور ال 122 حصان حرف I بس هو لونه احمر و ال 160 ال SI لونهم احمر

أيون, انا فعلا عكستها, الحرفين الأخيرين هما اللى لونهم أحمر فـ الـGT 160HP..

نرجع لموضوع ال DSG اتفق مع حضرتك ان اللي راكب في ال 160 حصان هايستحمل بسبب وزن العربيه الاقل (بجد العالم بتستهبل عاملين الخفيفه 160 و التقيله 122) و قوه الموتور مش هاتحمل على الاسطوانه في بدايه الحركه بس في الاخر هيحصل بوش بسبب التأكل في الاسطوانات
و هيزيد يوم عن يوم بسبب الاستخدام العادي وبعدين هيعملوا مسكن و ينزلوا سوفت وير (ال version بتاعه يعتمد على نسبه البوش) يكتف ام العربيه لحد ما الفتيس بعد كده يرجرج جامد و بالسلامه

ياباشا (مع شديد احترامى) بس ياريت الكلام يبقى علمى ومنطقى..؟!!
أزااااااااااااى الجولف الـ160 حصان أخف من الجولف الـ122 حصان؟؟؟!! مستحيــــــــــــل..

الـGT أو الـSuper+Turbocharged وزنها من 1290-1360 كجم (حسب التجهيز ومناطق التسويق, ده الرينج)
والعادية 122 حصان Turbocharged بس, وزنها من 1216-1280 كجم..

هأقولك, تعالى نحسبها بالورقة والقلم (1+1=2)..
الحاجات الزيادة فـ الـTSI GT 160HP أيه هى؟؟ أو فروق الأوزان هتيجى من أيه:
- السوبرتشارجر (مش موجود أصلا فـ التانية).. يترتب عليه Exhaust مختلف, ووو..
- عفشة غير, فرامل أكبر.. دا حتى الجنط أكبر 17" أو 18", ماينفعش ينزل عليها 16" زى العادية..؟؟!!!
- الـESP بينزل فيها أساسى (ده وزن برضه), والـAirbags أكثر..
- الفتيس غير (من أول الـShafts لحد الـPumps والـValves) كله أكبر واثقل..
- الـClutch/ Flywheel أو الديسكين والأسطوانة اللى حضرتك بتقول بيتآكلوا.. اسمحلى أفآءجك واقولك ان النسخة الـ160HP بتبقى Dual-Mass Flywheel و Re-inforced Clutch plates
عشان تستحمل فرق العزم, والباور.. مش بس للعمر الأفتراضى.. لأ عشان كمان ما تعملش Slip؟؟!!!

كل الحاجات دى ماتعملش فروق أوزان كبييييييييييرة لصالح الـ160HP, أكييييييييييييد تعمل وأثقل طبعا؟؟!!
أصل حضرتك بتتكلم فـ أساسيات, ماتعديش على Tuning-Shop (مش هأقول شركة كورى.. ههههههههه).. لكن VW؟؟!!! ماينفعش يا بيه؟؟!!!

بالنسبة لموضوع السوفتوير اللى حضرتك ذكرته:
السوفت اللى بينزل على الفتيسات دى فـ الصيانة (احنا برضه فـ فيات بينزلولنا Soft-Update/ Patch للفتيس من فترة للتانية).. لفتيسات الـDualogic/ Selespeed

دى يا باشا مالهاش دعوة خااااااااااالص بتآكل الكلتش؟؟!!
دى بتبقى تغيير فـ الـShift-Points بتاع الفتيس مع الـrpm عشان تقلل احساس النقلات.. أو توفر بنزين.. etc

اللى انت قصدك عليها, حاجة تانى:
ان الـECU/TCU بتعوض التآكل بتاع الكلتش حسب الكيوات اللى مشيتها العربية, بتعيد تعديل الـpin-point اللى الكلتش بيلقط عندها, مع تعديل مشوار الـFork هيدروليك..؟؟!!!
كل ده بيحصل automatic, الوكيل مالوش دعوة بيه..؟؟!!!

بيقولوا فـ المانيوال كده (فيات Dualogic, فولكس DSG):
"The System Automatically Compensate For Clutch-Plate Wear"
زى ماحنا فـ العربيات المانيوال, بتغير فـ مشوار دوسة الدبرياج, كل ما الديسك والأسطوانة تتآكل.. عشان تاخد الغيار..؟؟!!!

و ياريت حضرتك ترشح لي عربيه اوروبي عائليه و قويه و سريعه انا سني بالمناسبه 48 سنه بس باحب العربيات جدا وباحب استمتع بالسواقه و حساس جدا لاي ملحوظه

ماشاء الله,
للأسف يا هانى بيه: المشكلة فـ "عائلية" دى.. هتبقى غالية.؟؟!!
يعنى: عشان تلاقى عربية أوروبى سريعة, متطورة ثباتها عالى, رياضية.. وحجمها معقول لأسرة صغيرة, ممكن فـ حدود 160-220 ألف:
- جولف TSI
- برافو T-JET
- بيجو 308 THP
- أسترا Turbo

بس يا سيدى.. هما دول, ومش هنزل بيك للفئة الأصغر (B-Segment) عشان تكفى الأسرة..!!

المشاركة الأصلية كتبت بواسطة Bunsh_Fox

وليا استفسار تانى لية معظم (او بعض) ملاك(شباب) هونداا سيفيك بيبقى مقضيهااااااا غرز وجرى وشد ولا اكنووووا راكب gtr ويقولك انا طلعت من دة وعلمت على دة وعملت كذا وممكن جدااا حتة مرسيدس او بى ام دبليو تعلم علية تعليمة كبيرة كمااااااااااان

أى حد شاب وبيحب السرعة (الـAdrenaline Rush).. وتحت رجله عربية سريعة, قوية, ثابتة, أمان, فراملها جامدة.. أبعادها رياضية وحلوة فـ الغرز..:
لااااااااااازم يجرى ويشد بيها من فترة للتانية..غصب عنه, لا اراديا كده, أصل دى غريزة.. حب السرعة؟؟!!!

انما لو عنده مشكلة فـ واحدة من الحاجات اللى انا قلتها..؟!! (آه قصدى كورى يعنى ههههههههه)
يبقى لااااااااااااااازم يخلى باله, ومايعملش زى الناس اللى راكبة عربيات "بتاع جرى"..؟؟!!!
هى طبعا مالهاش كبير, السرعة خطر.. بس الأخذ بالأسباب وااااااااااجب برضه..
وربنا يستر طريقنا جميعا,