رحت من يومين فرع إتصالات داون تاون التجمع الخامس علشان أشتري عرض التابليت اللي هما عاملينه ....



العرض عبارة عن التابليت + خط داتا 6 جيجا لمدة 6 شهور = 2000 جنيه


و لما جه الموظف يعملي العقد بتاع شريحة النت طلب بطاقتي و لقى إن في خط فاتورة كان متأكتف بإسمي ورقم بطاقتي في سنة 2009 و الخط عليه مديونية 1600 جنيه و لازم أدفعها الأول و بعدين يديني التابليت والشريحة الجديدة ...

قولتله أنا عمري ما كان عندي خط فاتورة بإسمي في إتصالات ... قاللي ده اللي واضح عندي على الشاشة .... قولتله والحل ؟؟؟

قاللي نقدم شكوى للشئون القانونية و هما يبعتوا لنا صورة العقد من الأرشيف ونشوف الإمضاء اللي عليه مطابقة لإمضتك ولا لأ .......

قولتله إنتم إزاي أصلا تأكتفوا خط بإسمي و رقم بطاقتي وأنا أصلا مش عامل توكيل لحد ... قاللي ما أعرفش ده اللي عندي ....

قولتله و إفرض صاحب الخط ده كان عمل بيه مصيبة وللا أي نصباية ألبسها أنا بقى .....

================

قولوا لي يا أهل الخبرة ... أتصرف إزاي أنا دلوقتي علشان أكون سليم من الجهة القانونية و أتصرف إزاي مع إتصالات ؟؟؟؟؟؟؟؟؟؟؟؟؟