العربية نازلة فئتين 210 الف والثانية 240 الف للhighline
العربية 1600 سى سى تربو 156 حصان
عرض للطباعة
العربية نازلة فئتين 210 الف والثانية 240 الف للhighline
العربية 1600 سى سى تربو 156 حصان
هيه نزلت التوكيل ؟
اليوم فى الأهرام الإعلان على 5008 و لمحتها امبارح فى معرض المعادى، بس 508 شديدة جدا الحقيقة و لو نزلت ل 190 او 200 ممكن تعمل شغل كويس المفروض اليورو نزل و الجمارك أقل جدا على السيارات الأوروبية فلو نزلت شوية حتغطى على الفانتاسيا الكئيبة
هى تقفيل ايه؟
غالبا فرنساوى بس مش متأكد
بس أكيد مش صييييييييييييينى :36_2_33:
سبحان الله يا آخى. الجماعه الصينين دول من كتر ما قلدوا منتجات غيرهم الموضوع ده علق معاهم لدرجه لما حتى عملوا بيجو اصلى المره دى برضه لما تشوفها تحس انها تقليد و فيها حاجه مش مظبوطه. :)
لو كانت فرنساوى تبقى حلوة لكن لو كانت صينى و لا مغربى و لا حتى تركى بالسعر ده يبقى شكرًا
شكلها كده صيني :
بس الموديل اللي 1.6 مش موجود في المجموعة دي ( ممكن يكون مخصص للسوق الأوروبي و بكده يبقى فيه امل )
dongfeng Peugeot 508 | ChinaAutoWeb
هي غالبا فرنساوي
بس حتى لو صيني ماهو مصنع بيجو إيه المشكلة يعني
الجيتا بتيجي من المكسيك
الكورولا من جنوب افريقيا
في سيفيك في السوق من تركيا
النيسان تيدا من المكسيك
الميجان من تركيا
هوندا سيتي من تايلاند
الخ الخ
المشكلة إن الناس اتعقدت من البيجو الايراني, بس الحقيقة إن الايراني ده كان سفالة بحتة من التوكيل, كان بيجيب عربيات غير موجودة في أوروبا ولا عمرها شافت فرنسا, زي الرؤا والبارس وال 206 سيدان ...
عربيات مش مفروض يبقى عليها بيجو, مفروض يبقى عليها "ايران خردو" و لما طلعت زبالة (و ده كان متوقع من أول يوم و بصراحة العيب على اللي اشتري من غير ما يعرف اصلها و فصلها) الناس كرهت البيجو والتوكيل و كله
سعرها ف اوروبا بيبدأ من 20 الف استرلينى..يعنى 185 مصرى...يبقى ازاى هاتبقى هنا ب 210؟؟؟ الا اذا كانوا هاينزلوا النسخه الصينى
لان الجمارك+الضريبه+رسم التنميه يخللى ال 185 دول 282 قبل ربح الوكيل
بالضبط حتى لو نزلوا الجمارك على الاوروبى برضه عمرها ما هتبقى فرنساوى بالسعر ده :nemoflow:
بس السيتروين ds3 < ds4 في رينج السعر ده
و 508 مشتركة معاهم في حاجات كتير
و بتتصنع في نفس المصنع
عشان كده اتوقع انها تنزل بالاسعار دي او قريبة جدا منها
ليه لأ، 407 كانت فى حدود 190-200 موتور ديزل صناعة فرنسية و كان الجمرك وقتها 40%
هناك أيضا ستروين سى 5 الرهيبة ب 230 ألف فرنساوى 100% بس التوكيل الفاشل أبو غالى ده مشكلة كبيرة لوحده
اسعار انجلترا عالية
شوف سعر أي عربية 1600 من بتوعنا عندهم كام (جولف, فوكس, مازدا 3 ...)
ما هي هي ال c5 مفيش فرق
وال c5 فرنساوي و بالسعر ده
عامة توكيل بيجو شد حيله جاااااااااامد الفترة اللي فاتت و رجع يعمل ضمان 3 سنين 100 ألف بدل السنة و 20 ألف المسخرة اللي كان عمله و بقى عنده تشكيلة موديلات ممتازة بعد ما قعدنا فترة عايشين على الزبالة الإيراني
انهارده كل عربياته جايبها فرنساوي و موديلات بتنزل أوروبا بنفس المواتير اللي عندنا فيما عدا ال 408 و ده لا يقلل منها في حاجة لانها معمولة للأسواق اللي بتحب السيدان أكتر من الهاتشبك زي امريكا الجنوبية والصين
استنتاج منطقي جداً
شوفت العربيه اللي ب 240
فيها bixenon و كرايسى كهرباء مع تدعيم للفقارات القطنيه و فرش جلد و فتحت سقف و سينسورس (بارك و نور و مطر) ومساعده للنور العالي و ستائر جانبيه و خلفيه و مرايات ضم و نظام الدخول بدون مفتاح .... الصراحه تقفيلها ممتاز و الخامات ممتازه
العربية فعلا تحفة فرنساوى 100%
والسعر معقول جدا
فيها نافيجيشن سيستم ولا لأ؟ وفتحة السقف عادية ولا بانوراما؟؟
لأ مفيش نفيجيشن لأنه مش شغال فى مصر اصلا وفتحة السقف عادية البانوراما دى بتنزل فى الستيشن بس
http://www.nilemotors.net/Nile/www.t...t=69574&page=1
الرابط ده يوجد به شكل الفانوس الزينون اللى نزل مصر بالرشاشات بتاعته
استأذن حضرتك ممكن تكتبه حيشتغل معاك
برضه مش شغال
عموما انا ساكن جنب وجيه اباظة عباس العقاد و هسال على العربية عندهم بكرة
ألف شكر يا رجالة ... بس هم يعني ما كانوا يخلو الشاشة اللي فوق الكاسيت كبيرة وألوان زي اللي بتبقى في الصور عالنت كانت هتبقى أحلى كتير ... لإن بحس دلوقتي بقى خلاص أي عربية محترمة لازم يبقى فيها شاشة ألوان كبيرة
السلام عليكم ياريت ال يعرف مواصفات وسعر بيجو 5008 2012 بس تكون معلومات اكيدة وشكرا
توكيل ستروين عز العرب مش ابوغالي
وعلي فكرة شكل المعرض أحسن من البيجو وعندهم كل العربيات معروضة -- وممكن كمات تعمل تست درايف --- كل ده مش موجود في البيجو -- المعرض الرئيسي في المهندسين مافيهوش عربيات ( الا العربية الأيراني )( العربية الي كانت في معرض المعادي متباعة وصاحبها ممكن ياخدها في اي وقت ) و ماعندهمش تست درايف -- الستروين مديه 3 سنين ضمان و3 سنين صيانة مجانية
شكرا لجميع الاخوة على المعلومات والمشاركة ولو قى معلومات اكثر رجاء ارسال اى معلومات زيادة
شكلها تحفة
الحمد لله وبأذنه تم اليوم دفع مقدم ال 508 لزوجتى العزيزه واستلام العربيه يوم الاحد بعد وصول ورق الافراج..
اللى يحب يتفضل معانا واحنا بنستلمها اهلا وسهلا به..معرض منصور اول جوزيف تيتو من ناحيه الاسماعيليه تحت الكوبرى