وعليكم السلام ورحمة الله وبركاته
نورت الكافيه بس للاسف المشروب الى حضرتك بتسال عليه ناقص من السوق اليومين دول
عرض للطباعة
ليه بس الاحراج ده يا هندسة
عموما بحثت علي اللاب توب الان فلم اجد الا صورة واحدة منفردا و اري انها افضل الصور لانها في المدينة المنورة و من خلفي جبل احد في حج العام قبل الماضي اللهم اكرم كل مسلم به يا رب
http://a7.sphotos.ak.fbcdn.net/hphot...54893409_n.jpg
انا لا استطيع الاستغناء عنك يا دكتور احمد
و لا تقلق اضرب بس النسكافية بتاع اختنا دونزي و ارجع لك حالا نكمل و قفة الشارع بتاعتنا هناك
تحياتي لك
م.حاتم السباعي
المهندس حاتم عندنا والله زمان يا صديقى بقالك كتير مش بتخش عندنا
متفكرنيش بالسلطانية اللى شربتها اللى كانت مش عاوزه تخلص الله يسمحه ياسر
وقال ايه نسكافيه ده انا عملت دماغ قعدت يومين مش عارف انام ...
لمشروبات هنا تقدم برعاية اختنا الشيف دونزى
وبنتحاسب اخر اليوم ....مع انها بقلها يومين موردتش الفلوس بس هتروح منى فين .
ومش عاوزين سيرة العربيات يا شيف.
خالد باشا ايمن منورنا يا كبير خلص قعدتك وهتلاقى بنزينك ال 80 فى العربية .
متجمعين ديما فى الخير يا رجالة واعملو حسابكم على المقابلة باذن الله هتكون فى اجازة
نص السنة ( اللى مش عارف هتبدى امتى )
ايه اخباركم يالى فى الكافيه ؟؟
انا زعلان جدا كل يوم اجى و مفيش حتى كوباية حمص الشام تنزلى فى السقعة دى ز معاها برطمان شطة
بالنسبة للمقابلة مستنيها بفارغ الصبر بس ياريت تكون فى الرحاب اى حتة فى اول القاهرة كدا انا هاجى من اسماعيلية
السلام عليكم
بتنمو عليه .......... حبيبي والله يا باشمهندس حاتم
اتاريني حلمت بيك امبارح يا ابو ليلى غرقان في حلة نسكافيه
اسمي ياسر محسن يوسف
مهندس معماري دفعة 2002 - عندي 23
شكرا جزيلا على الدعم المعنوي دا يا فندم
يا استاذ ابو ليلى ما احنا قلنا اول يومين المشروبات على حساب صاخب المخل عشان نجر رجل الزبون و بعد كدا هانبتدي نحاسب بقى من انهاردة ان شاء الله
بس ماينفعش نبقى في كافيه كيا و هانتكلم عن تطوير القسم و في منتدى السيارات الاول في مصر و ماجيبش سيرة العربيات !!! انا شيف اه لكن من محبي العربيات اولا و اخيرا و لو شغلانة الشيف دي مش هاتخليني اتكلم في العربيات يبقى بلاها احسن
المهم بقى محدش رد على سؤالي ليه فيما يخص السيراتو ؟؟
ماشي يا ابو ليلى و الله غلط في الكتابه بس الواحد كتب اللي نفسوه فيه
عمري 23 + 10 = 33
ياتلتوميت مرحباااا بالناس الحلوة ومتجمعيش على الخير دايما
أنا بقه محمد حمدى 25 سنة
بكالوريا :d إدارة أعمال ونظم معلومات
بشتغل فى مجال النظارات ونحمد الله لنا اسم وسمعة طيبة فى دمياط
وبجهز فى شقتى وطالع عين أمى :)) يعنى ياأبوليلى مفروض تفتحلى موضوع خاص لمساهمة أخوكوا الغلبان
هاااااااا يا أبوليلى هتساهم بكااااااااااام؟؟؟؟؟؟
اوعوا تفكروا انى بستغلكوا ولا حاجة لاسمح الله :d دانتوا حبايبى :))))
السلام عليكم يا أهل الكيا
أنا عماد عبد الله
39 سنة - صحفي في وكالة رويترز للأنباء - متزوج وأعول بنوتتين عفريتتين
للأسف زياراتي قليلة بسبب ظروف العمل لكن فعلا قسم كيا مميز جدا (مش عشان معايا ريو) لكن لاني شفت الناس عاملة ازاي في اقسام تانية غريبة جدا!!!!
تحية خاصة الى دونزي وكل ملاك الريو :)))
Donzi كدا هنزعل من بعض بقا اليومين الفرى خلصوا و انا طالب الحمص من امبارح
لا يا احمد عندي دي
http://img515.imageshack.us/img515/3...1298151093.jpg
احمد عبد الرحمن 29 سنه محاسب تكاليف فى شركه موبيكا للصناعات المتكامله ( ال بتعمل كراسى العربيات فى مصر ) عندى مهند عنده سنه واسبوع ومطلع عين امى ... حد ياخد مهند واخد نسكافيه
السلام عليكم احمد بك
تسمحلى استغل صداقتنا فى المنتدى :nemoflow:بعد اذنك............
معا واحد قريبى عربيه فيكترا a 95 و الكراسى الاماميه هبطانه بفعل الاستخدام و المده
السؤال
ينفع نعمل لها قالب فوم اصلى - موش تزويد سفنج - لان معلوماتى ان موبيكا كان معاها التعاقد مع جنرال موتورز مصر وقتها .
لك تحياتى............:flower4u:
تحت امرك يا باشا
واحد زميلى فى الشغل كان عنده نفس المشكله وهنا فى ماده بتزود الفوم وتخليه اكنه معمول بالظبط لان اكيد اسطمبه بتاعه الكرسى مو 96 اكيد مش موجوده اطلاقا بس ممكن يتعمل عادى مش مشكله اطلاقا بس هيتكلف كتير كام بالظبط مش هقدر اقولك لان لازم تتشاف العربيه وكدا بس ال انا اقدر اقوله حسب اسعارنا انها هتتكلف كتير
السلام عليكم
اولاً الفكرة تحفة بجد تسلم ايدك يابو ليلى عليها
انا اسمى محمد حسن داخل فى 24 سنة
أعزب ولا أفكر فى السجن او الإعتقال
صاحب شركة ميريتال للإستيراد والتصدير
بكالريوس نظم معلومات
وبحضر لدبلومة ادارة اعمال ... إدعولى
اشتركت فى المنتدى 20/4/2008 اعتقد من بدياته يعنى وكنت فى قسم سيات اما كانت معايا الإبيزا وكنت لازم اخش كل يوم وبعدت شوية بعد مابعتها واما جبت السيراتو رجعت تانى لأن المنتدى ده بصراحة ماشفتش منتدى سيارات زيه وهو المنتدى الوحيد اللى انا مشترك فيه شئ جميل جدا اما تلاقى كل الناس بتساعد بعضها وهى مش مستنية اى مقابل كمان اللى خلانى اتمسكت بالمنتدى ده اوى موقف كان حصلى ايام عربيتى القديمة كانت مشكلة كبيرة اعتقد ان قسم سيات كله فاكرها فاكان فى عضو اسمه محمد مصطفى جالى لحد عندى بالجهاز وكشف عليها وقالى على العيب فادى من الحاجات اللى انا مش قادر انساها للمنتدى ده والناس الجميلة اللى فيه .
انا رغيت كتير اوى انا عارف بس كافيه بقى والرغى بيحلى مع المشاريب اللى مدقنهاش لحد دلوقتى بس شكرا على القاعده الحلوة دى .
http://imageshack.us/photo/my-images/811/311220113.jpg/
مالسه بدرى يا استاذ يعنى الموضوع بقاله 4 ايام وجى ترد دلوقتى يخسارة المشبك فيك
انا عمرى ما هشترك فى الجريمة دى ..تتجوز ....فرحان اوى وانت بتقولها
حبيبى يا محمد وحشنى يا كبير
اهلا وسهلا يا استاذ عماد شرفتنا وياريت نشوفك معانا على طول
ربنا يخليه وييارك فيه .....اوعى تقولى انك اخترت اسمه من المسلسل التركى .
منورنا يا محمد واهلا بيك وهى دى عادة اعضاء المنتدى ومش غريب على محمد مصطفى لانه شخصية فعلا محترمة جدا .
احنا كنا عاملين البوفيه مفتوح والشيف دونزى هى القائمة عليه شوف تشرب ايه
السلام عليكم ورحمة الله وبركاته
انا جيت الكفايه فاتح ولا انا جيت متاخر
تقريبا كده ملحقتش وانا كمان شكلى جيت بدرى اوى مكنش لسه فتح
محسوبك. محمد عبد الحميد Username1
محامى بالإستئناف العالى
و المكتب فى فيصل. والسكن ٦اكتوبر
السن. ٤٠ عام
مريم و عبد الرحمن نتيجة زواجى من مراتى
سبب دخولى المنتدى المشاريب المجانية فى الكافيه.
أصبحنا وأصبح الملك لله وحده لاشريك له, له الملك وله الحمد وهو على كل شيئ قدير. أعوذ بالله السميع العليم من الشيطان الرجيم من همزه ونفخه ونفثه. بسم الله ذي الشأن عظيم السلطان شديد البرهان قوي الأركان ماشاء الله كان أعوذ بالله من كل شيطان أنس وجان. اللهم أني أسألك خير هذا اليوم فتحه ونصره ونوره وبركته وهداه وأعوذ بك من شر مابعده. اللهم لاتدع لنا ذنبا الا غفرته ولا عيبا الا سترته ولا هما الا فرجته, ولا دينا الا قضيته ولاحاجه من حوائج الدنيا والأخره هي لك رضا ولنا صلاحا الا قضيتها ياأرحم الراحمين وصلي اللهم على محمد وعلى اله وصحبه اجمعين
ياصباح الخير يلى معانا .....( ام كلثوم ) اغنية من ساعة ما اتولدت وانا بسمعها
صباح الخير عليكم واتفضلو الفطار جاهز
احلى فطار لاحلى قسم
http://img252.imageshack.us/img252/9974/breakfast16.jpg
وكمان المنيو النهارده فطار تشطيب سوبر لوكس
http://img33.imageshack.us/img33/682...82f778feb0.jpg
سيبكو بقى من العينات دى هو ده الفطار ولا بلاش
http://img848.imageshack.us/img848/1610/51622260.jpg
والله انا لسه جى الشغل حالا ونفسى اكل ودخلت لقيت اجمل فطار فى انتظارى ههههههههههههههه
انا سميت ابنى مهند لانه اسم سورى بمعنى السيف الحاد مش علشان المسلسل التركى خالص مع ان مهند بيطلع فى كل المسلسلات بنفس الاسم مش ناوى يغير الاسم ولا ايه
يا سلام اه الفطار الجميل ده .
احجزلى واحد مخصوص من الفطار ال 3 و اتوصى ههههههههههههه.احلى اكل ,اكل اللمه .بالف هنا و شفا يا رجاله و عقبال مقابلة العيد
انا إسمى محمد مراد بشتغل مدير مالى ف شركة والحمد لله وسنى 35
نفسى يكن فى معلومات كتير عن كيا سبورتاج 2012 انا لسه مشتريها
معلش حضرتك طلبت نتكلم بعيد عن العربيات بس حبى للسارات يطغى على
الفكرة تحفة عشان الأعضاء يتعرقوا على بعض ممكن شاى بالنعناع
ممكن نتناقش فى بعض الأفكار لترتيب منتدى كيا حيث انا بحترم جدا المنتدى عامتا لأنى استفدت منه كتيير
وربنا يقدرنى وارد
السلام عليكم يا جماعه
ممكن اطلب حاجة في الكافيه ده والا شطبتوا
:)
انا اسمي احمد حازم
عندي ٣٥ سنه
خريج فنون تطبيقيه...
وعندي كيا سبكترا ٢٠٠٥
وبحاول استطلع راي الناس بقالي فتره على السيراتو
بس ناس كتير مخوفاني منها
هاطلب حاجة والا ايه يا رجاله
ياريت حاجة تدفي بس
والا ممكن نطلب شويه بنزين
٩٢ لو سمحتوا
:36_2_33:
عربيتك حلوه يا احمد والسيراتو برضو حلوه بس عفشتها نشفه شويه بس ثبات افضل من الالنترا بكثير وعلى فكره انا محمود حسابات
بلاش السيراتو عشان حاجة واحدة بس ( السرقة ) غير كدا العربية ممتازة
و دا طقم سحلب لكل اللي يحب يتدفى
http://img804.imageshack.us/img804/2564/87495khleeg.jpg
لو ع السرقه بسيطه
ممكن نكهربها......هههههههههههههه
معندكوش حمص الشام........
حبيبى يا أبوليلى واحشنى والله
قولى بس اعمل ايه أفشكل الجوازة? :d
ولا أقضيها بطولى وأبقى زى خالج عجاج وأغنى وحدانى :)))
وبعدين بقه أنا ساكت من الصبح ومش عايز أتكلم ودونزى عمالة توزع فى مشروبات وحاجات حلوة كده
ولا حد عبرنى بكوباية قصب حتى :(
أنا حقا أعترض (أوبجكشن) :d
http://img580.imageshack.us/img580/8008/fruitsalad.jpg
58.45 بس :verygood:
صباح الفل على أحلى كافيه
هوا مفيش هنا فطار؟؟؟
والا كله مشروبات بس؟