الموضوع: مشكلة مع البطارية

المشاركة الأصلية كتبت بواسطة angeleyes_919

طيب معلش فى رايكانهى احسن للعربية دينامو عادى ولا الكترونى وبطارية سايلة ولا جافة ... الموديل 79
وايه احسن طريقة عشان البطارية تعيش اطول
تسلم يا باشا على الرد

بصراحة انا اول مرة اسمع عن حاجة اسمها ديناموا الكتروني او دينامو عادي
اما بالنسبة للبطارية
رايي الشخصي انا بقالي 5 سنوات معايا 127 فيوا و اول ما اشتريت العربية غيرت البطارية بتاعتها وجبت بطارية كلورايد سائلة 70 امبيرب375جنيه (سنة 2007) و فضلت معايا لمدة سنتين و نصف بدون اي مشاكل شغاله تمام و جت في أخر ايامها و خرفت شوية تدور العربية و شوية لاء لغاية لما اتخنقت منها
اروح كل يومين للكهربائي يشحنها شوية و ياخد 5 جنيه و تشتغل يومين و ترجع تهييس تاني
روحت رايح زي الغبي بدون ما آخد رأي حد لواحد بتاع بطاريات و استبدلتها بواحدة سايلة جديدة نفس النوع كلورايد 70 امبير و دفعت الفرق كان تقريبا 300 جنيه ( شهر مايو سنة 2010 ) و الحمد لله كانت شغالة فل اوي
مع الأسف الشديد الشهر الماضي ( يناير 2012 ) كان بيطلع عيني في تدوير العربية يوميا و احيانا كنت بزق عشان تدور
روحت لواحد كهربائي محترم قاللي البطارية بدأت تودع - لأنه جيه يفتح الغطيان عشان يكشف علي المية لقينا في ربع مفهوش مياه إلا قليل اوي و لونها اسود لدرجة ان الغطاء كمان لونه اسود
قاللي هاتلي ميه نار 30 من اي بنزينة ( جبت 6 ازايز )
عسل البطارية و نظفها كويس و حط مية نار جديدة و نظيفة و شحن البطارية من تاني لمدة ساعة و شغالة معايا فل بقالها 20 يوم اهوه
بس برده مش قوية في التدوير بمعني لو جيت ادور العربية الصبح و مادارتش من اول مرة او تاني مرة بالكتير هتلاقي البطارية بقت ضعيفة و مش قادرة تقوم العربية

الخلاصة
عشان انا طولت اوي في الكلام

انا اول ما البطارية دي تجيب آخرها هروح اشتري الجافة و اجربها لأن في ناس كتير من اصحابي قالولي الجافة بتوصل عمرها الي 5 سنوات و ممكن اكتر
فأنا عايز اجرب الجافة
انصحك انت كمان هات الجافة و جربها

من عيوب البطارية السايلة انها بتسرب مياة احيانا و بتعمل املاح
الأملاح دي أكلت قاعدة البطارية و مبهدلة الحوض عندي