الموضوع: نداء ( عودي يا نونيتا عودي يا نونيتا )

المشاركة الأصلية كتبت بواسطة nonetta

السلام عليكم ورحمة الله وبركاته

شكرا لدونزي الصديقة المخلصة ليا وللمنتدى

بصراحة انا اتفاجئت بموضوعها دة بس حبها فيا وفي المنتدي خلاها عملته

انا سجلت في المنتدي في 18 ابريل 2008 لما كان زوجي عاوز يشتري سيارة
شاهدت الموضوعات وما شاركتش
وفي سبتمبر 2010 بدأت اشارك لرغبتي في شراء سيارة لي
لقيت انه منتدى محترم جدا وكل الناس اللي فيه متعاونين وخدومين وبيحبوا بعض جدا
ولقيت في كنترول جامد على اي تجاوزات

ومن بداية دخولي المنتدى وكنت باستقبل رسائل كتير لا القى لها بالا وطبعا عمري ما رديت على اي منها
كنت باستغرب من اللي بيبعت عاوز يتعرف والفيس عنده مليان
ولا فكرته ان انثى داخلة منتدى رجال يبقى هيا عاوزة تتصاحب ولا تتعاكس
واغلب السيدات هنا عالمنتدى متزوجات وعندهم اولاد

انا اطالب ادارة المنتدى اضافة خانة الحالة الاجتماعية وعدد الاولاد في الملف الشخصي عشان كل واحد ليه مزاج يهزر يقف عند حده

انا من النوع اللي باسيب اشتراكي في المنتدى مفتوح مش باسجل خروج يعني لو صادف وزوجي دخل لاي سبب ولقي رسالة من الرسايل دي يكون شكلي ايه ادامه
ابسط رد فعلا ما تدخليش المنتدى دة تاني وممكن لومتشدد مفيش نت تاني اصلا

كل واحد عنده ام واخت وزوجة ما يقبلش عليها انها تتعرض لكدة لمجرد انه عاوز يهزر او يضيع وقت

انا باشكر دونزي
وباشكر كل الاعضاء اللي يعرفوني كويس ويعرفوا انا مين وعارفين مشاركاتي وكتير منهم اصدقاء عالفيس ومع ذلك عمر ما حد منهم وجه ليا اي كلام من اي نوع الا مجرد كومنت على بوست حطيته

انا فعلا بدأت ما ادخلش المنتدى نهائيا الا فيما ندر وبطلت اشارك في اي موضوع والاقي اني اتخنقت واخرج تاني
فيما عدا اخر موضوع عملته وسبته بصيت عليه مرتين ومشيت

وتقريبا كنت خلاص هافارق المنتدى واكتفي بشوية الناس المحترمين اللي عرفتهم منه
بس عشان خاطر دونزي وباقي الاعضاء اللي فعلا محترمين جدا و عشان ادارة المنتدي المحترمة انا هارجع اشارك

Welcome Back

ما تخيلتش ابدا ان حاجة زي دي بتحصل هنا !
بصراحة انا شايف ان لا تهاون في حاجة زي كده , تقرير مشاركة سيئة للادارة فورا من غير رد اصلا !