الموضوع: مصنعية بتاع الكرانيش والنقاش كام؟

المشاركة الأصلية كتبت بواسطة ahmedkhairy

أولا الأسعار المطلوبة مختلفة من مكان لأخر فياريت تحدد مكان الشقة .
ثانيا أسعار متوسط للمصيص من 5 - 8
ثالثا أسعار الكرانيش الجر أو التركيب من 15 - 50
رابعا أسعار النقاشة متوسط 7 - 12
ملحوظة الأسعار دى صنايعية إمتياز وهام جدا الشغل بالمتر وليس مقاولة هام
أى مساعدة بالنسبة لأى صنايعية فى أى بند تحت أمرك

المشاركة الأصلية كتبت بواسطة mado83

لو انته فى القاهره انا اعرف نقاش كويس جدا من هنا لبعد بكره
عارف الشغل اللى بتشوفه فى الافلام والتليفزيون هتحس انك قاعد فى استديو ديكور فى بيتك
وسعره بالمقارنه بشغله لا يوجد مقارنه لو عايز ابعتلى تليفونك على الخاص واقولك تتعامل معاه ازاى

ياريت الله يكرمك ابعتلى رقم النقاش علشان محتاجه لدهان شقتى

ولك منى جزيل الشكر

الاخ الكريم اللي بيقول مش لازم الضهارة وتدهن علي السقف على طول فى هذه الحالة لازم الاسقف تكون تخشين زي الحوائط ودي مفيش صنايعي بتاع محارة هيعملها وبالتالي لازم المصيص لانه على سقف متبطن وليس متخشن ولو حبيت تخشن الاسقف هتكون تكلفتها اكتر من البطانة والضهارة المصيص يعني الافضل طبعا انك تمشي على الكلام الصح وهو المصيص والحاجة التانية ان المصيص لو اتعمل صح من صنايعي كويس هيعيش العمر كله ان شاء الله
بالنسبة للكرانيش وبيت النور احب اقول ان الجاهز بيكلف وبيوقع بعد فترة من التركيب ام العمولة على الحوائط بالطريقة التقليدية هو الافضل ويعيش العمر كله واوفر من وجهة نظري الاسعار طبعا على حسب الفورمة والصنايعي وكفاءته فى الشغل المتر يبدأ كرانيش من 15 ولا يوجد حد اقصي وفي بيت النور من 50 وطالع
اي استفسارات موجود معاكم ان شاء الله (مهندس معماري)

هو ايه المقصود بالمصيص الجبس ولا اسمنت ابيض على بودره على جير ؟؟