الموضوع: احسن نوع كاميرا و احسن نوع حساس

لحضرتك عايزه للكرولا ولا ايه عشان افيد حضرتك لأنى بتعامل مع الأجهزه فى عربيتى وعربيات اصحابى فممكن افيدك لكن يفضل نوع العربيه

المشاركة الأصلية كتبت بواسطة beso516

لحضرتك عايزه للكرولا ولا ايه عشان افيد حضرتك لأنى بتعامل مع الأجهزه فى عربيتى وعربيات اصحابى فممكن افيدك لكن يفضل نوع العربيه

بعد اذن صاحب الموضوع اولا

انا عايز كاميرا للاوكتافيا

بالنسبه للتويوتا :

ده اخر اشكال الأجهزه اللى نزلت للتويوتا كرولا وبتركب مكان الكاسيت بالظبط بدون اى تعديل وامكانياتها عاليه جدا جدا كل الأنواع دى مش عندنا فى مصر لكنها فى الصين وممكن انك تلاقيها هنا فى مصر وده اللى بيركب مكان الكاسيت يعنى مش شماسه ولا مخادع ولامرايه ولا فوق تابلوه لأ ده اللى بيركب مكان كاسيت العربيه بالظبط

وبدون كلام كتير نيجى بقى للمواصفات :

- تاتش سكرين
- بلوتوث
- كاميرا خلفيه
- تلفزيون
- GPS
- DVD
- V.CD
- RADIO
- USP
- AUX
-TV
-CD CHANGER
-وبعض الأجهزه بينزل معاها وايرليث

وده فى اغلب الأجهزه لجميع الماركات ونيجى بقى للصور ( واعذرونى لأن ده اكتر موديل نزلت ليها صور ) :

وطبعا انا مش تاجر ولا ببيع فيهم عشان محدش يفهم غلط ولكن انا جبت الصور والمواصفات وكمان السعر اللى هقوله كمان شويه ولكن للى عايز يشترى امامه 3 طرق :
1- اون لاين عن طريق الفيزا او الماستركارد .
2- ان يكون لك صديق فى الصين يرسله ليك عن طريق خدمات النقل الجوى .
3- ان يكون فى مركز ساوند يقدر يشترى الجهاز بكميه بس ساعتها هيبيعه غالى جدا جدا .


- الجهاز ايا كان نوعه هيتراوح سعره بالجنيه المصرى من الصين :
من 3000 : 4800 ج مصرى على حسب النوع والشركه المنتجه




- اقل حركه بيع تتم ل10 اجهزه على الأقل .

- للشراء اون لاين امامك موقعين هما :
ALIBABA
E IN CHINA
وممكن تزود عليهم
ALI EXPRESS


ومن مصر ممكن تلاقيهم فى شركتين :

فيديو باص ايجيبت : بجانب نادى السكه الحديد - مدينه نصر -عمارات الفردوس
او : مدينه العبور النطقه الصناعيه

وفى شركه موتيفو : وليها فرع فى ميدان الحجاز داخل المركز اليابانى امام عمر افندى

وبالنسبه للكاميرا الخلفيه انضف واحسن نوع بيعمل من 120:150 ج واى استفسار انا تحت امرك

بالنسبه للأوكتافيا حضرتك عايز تعرف تجيب منين الكاميرا ولا صور للجهاز اللى ممكن يركب عندك ولا ايه ؟؟؟؟

المشاركة الأصلية كتبت بواسطة BESO516

بالنسبه للأوكتافيا حضرتك عايز تعرف تجيب منين الكاميرا ولا صور للجهاز اللى ممكن يركب عندك ولا ايه ؟؟؟؟

الف شكر ياباشا على الصور والاهتمام

انا عندى الكاسيت dvd بتاع الاوكتافيا
بس ناقص الكاميرا فبدور على نوع نضيف