امارات مصر مفيهاش انهارده الساعة 2 pm
عرض للطباعة
لسه داخل البيت
مدينه نصر مفيهاش بنزين نهائي
اجتماع طارئ بهيئة البترول لبحث أزمة نقص البنزين والبوتاجاز
علمت "اليوم السابع"، أن المهندس هانى ضاحى رئيس الهيئة العامة للبترول يعقد اجتماعا طارئا مع المهندس عمرو مصطفى نائب رئيس الهيئة العامة للبترول للعمليات، والمهندس أحمد غراب رئيس شركة بتروجاس، لبحث أزمة السولار والبنزين والبوتاجاز، والتى عجزت الحكومة عن إيجاد حلول لها، رغم ضخ كميات كبيرة من تلك المنتجات تضاعف الكميات التى كان يتم استهلاكها السنوات الماضية.
وكانت المحافظات قد شهدت وجود أزمة فى توفير البنزين والبوتاجاز والسولار، وقال عدد من سائقى المكروباص بالقاهرة أنهم يجدون صعوبة فى الحصول على البنزين والسولار، مؤكدين وجود نقص شديد فى الكميات المطروحة من البنزين والسولار.
ورجحت مصادر بالبترول، أن يكون السبب وراء تجدد الأزمة رغم ضخ كميات كبيرة من المنتجات البترولية، إلى تصريحات العديد من المسئولين بالوزارة البترول والهيئة العامة للبترول حول ضرورة إلغاء الدعم الحكومى لتلك المنتجات، وهو ما يؤكد شائعات تحرير أسعار البنزين والسولار والبوتاجاز، ويؤكد شائعات ارتفاع الأسعار بما يدفع المواطنين للتكالب على شراء كميات كبيرة منها تحسبا للارتفاع أسعارها.
ورغم البيانات المستمرة التى تخرج عن وزارة البترول والتى تنفى فيه عدم وجود أية اتجاهات حكومية نحو تحريك أسعار المنتجات البترولية، إلا إن التصريحات التى تخرج عن المسئولين بالوزارة تؤكد وجود توجه حكومى نحو تحريك الأسعار.
وتقوم الهيئة العامة للبترول بضخ كميات إضافية من كافة البنزينات بواقع 300 طن يوميا من جميع أنواع البنزين، 80، و90 و92 بمعدلات زيادة بلغت 12.5% عن المعدلات الطبيعية، حيث يصل حجم استهلاك مصر من البنزين بكافة أنواعة إلى 15 ألف طن يوميا فى أثناء الأزمات، وتتراوح المعدلات الطبيعية فى الاستهلاك مابين 14 إلى 14.5 ألف طن يوميا طبقا لتصريحات عمرو مصطفى نائب رئيس الهيئة للعمليات.
الوضع كالتالي !! انا فولت من موبيل الرحاب النهاردة الصبح ولكن بعد انتظار 45 دقيقة !!! وطنية اللي على طريق السويس الإنتظار قدامها ببنطنية وسرير لأنه الطابور فوق الـ2 كيلو الناس خايفة تطلع دائري وتقطع منهم !! موبيل 1 الدراسة واحمد سعيد بخ مفيش فيهم نقطة !! موبيل 1 اللي في المرغني الطابور واقف لحد بعد ابو شقرة بـ 5 او 7 محلات كمان !! موبيل 1 الإتنين اللي في مساكن شيراتون فيهم بس بيدوا 20 لتر فقط لكل عربية !! كالتكس اللي في شيراتون مش عارف بصراحة الوضع مش وليد اللحظة الوضع ده بقاله اكتر من 4 ايام ولكن مع شحه اكتر ومفيش علاج توسع النطاق اكتر واكتر !!
بالنسبة للجيزة و مناطقها حتى التاسعه مساء الموقف كالتالى :-
انا كنت مستنى نسيبى عند مستشفى طب الاسنان اللى فى المنيل (قبل كوبرى الجامعه) الساعه 7 مساء و عندنا مشوار واجب عزاء فى ش العشرين فى فيصل (قبل اخر ش العشرين بشويه) و كان عندى حاجات للبيت كنت هجيبها من محل فى الهرم ناحيه ش العريش فقلت اروح الاول نجيب حاجات البيت و بعدين نخلص مشوارنا و نروح مره واحده (لانى طبعا كنت عازم الراجل عندى النهارده) و كان خط سيرنا مرورا بالبنزينات كالتالى :
التعاون المنيل (قبل كوبرى الجامعه) : مفيش و البنزينه مقفوله بأقماع
مصر للبترول ش مراد فيها بنزين (80-90-92) بس الطابور ما شاء الله ممتد من اول سور جنينه الحيوانات علشان فيها كمان تموين غاز طبيعى للتاكسى و ميكروباصات الفولكس
موبيل اللى قبل نفق الهرم على اليمين : مفيش و البنزينه مقفوله بأقماع
مصر للبترول اللى بعد موبيل على طول فيها بنزين (80-90-92) و الطابور ممتد ما شاء الله بس مش زى اللى فى ش مراد (انا مونت منها 80 الساعه 7:30 مساء)
شيل اللى فى اول الهرم (اللى عند الخزان) سواء اللى على اليمين او الشمال : مفيش و البنزينه مقفوله بأقماع
توتال اول الهرم (اللى بعد شيل بشويه) : يوجد 95 فقط
موبيل الهرم اللى بعد شركه سيد (الطالبيه) : مفيش و البنزينه مقفوله بأقماع
موبيل الهرم اللى فى العريش : مفيش و البنزينه مقفوله بأقماع
بالنسبه لشارع فيصل (انا لفيت من ش العريش من الهرم الى فيصل لانى رايح العشرين)
التعاون (محطه التعاون) : مفيش و البنزينه مقفوله بأقماع
مصر للبترول (محطه الطوابق) : مفيش و البنزينه مقفوله بأقماع
توتال (قبل المطبعه على اليمين) : يوجد بنزين 92 - 95 فقط
التعاون (بعد الطالبيه بشويه) : مفيش و البنزينه مقفوله بأقماع
لما دخلت ش العشرين فيه بنزينه كالتكس امام التوحيد و النور : برضو مفيش و البنزينه مقفوله بأقماع
و انا راجع كان فيه كذا حد راكبين تكاتك و معاهم جراكن كبيره اكيد مليانه بنزين هيبيعوه فى السوق السوداء
اخيرا : حسبى الله و نعم الوكيل .....
بنزينة مصر اللى فى المريلاند شغالة و اللى فى روكسى شغالة بردو بنزينة مصر
خلال مسيرتي من الهرم الي العجوز بنزينة واحد الي شغالة الي هي في الهرم قبل الخزان في الطريق الي الجيزة
وانا راجع شارع عرابي بنزينة مصر باين بعد عمر افندي في الاتجاه الي شارع جامعة الدول ..
بنزينة الرماية موبيل ..
وطبعا طوابير طوابير في كلة .. وكانوا موقفيين الشارع ..
ربنا يرحم