الموضوع: sony or samsung or lg lcd 40 inch

على فكره القنوات التى تعمل بتقنية اتش دى جودة الصوره المرسله 720p يعنى اى تلفزيون ردى اتش دى (لان الردى اتش دى 720p) حيشتغل بكفاءة الفول اتش دى 1080p

المشاركة الأصلية كتبت بواسطة shakshak2011

شباب .. انا لسه شارى تليفزيون سونى 40 بوصه من يومين .. و خلاصة بحثى لمدة 3 أسابيع الأتى:
1 - الفرق بين ال LED و ال LCD فعلاً موجود .. لكن مش مع كل الماركات .. ولا كل الموديلات .. على سبيل المثال .. ماحستش نهائى بفرق بين ال LCD و ال LED فى سامسونج فى الموديلات القديمه (سيريس 3 و 4 فما تحت) .. لكن من سيريز 5 حسيت بفارق واضح فعلاً
فى نفس الوقت فى LG لم أشعر بفارق كبير بين ال LED و ال LCD
فى نفس ذات الوقت وجدت أن SONY مع أنها LCD فقط لكن ال Brightness و Contrast أعلى بكثير عن موديلات LG و Samsung القديمه (فئة ما تحت 4000 جنيه) .. و مع إنها فى بعض الموديلات كانت LCD فقط .. لكن حسيتها فعلاً أوضح من شاشات LG ال LED على سبيل المثال

2 - حاجه مهمه جداً لازم تبص عليها بما إنك هتستخدمة كتلفزيون .. ألا و هو ال (معالج الصورة) .. وظيفة هذا المعالج هو أن يعمل Up-scaling للصورة الى الرزليوشن فيها تعبان (كل إرسال التليفزيون الحالى) ليوصلها ل Full HD بأقل قدر من التشويش .. وفى هذا تتفوق SONY بنجاح ساحق بأقوى معالج للصورة فى العالم X-Reality و BE3 فعلاً فارق جداً

3 - لا تشترى تليفزيون مش Full HD 1080P هتقولى ليه .. هقولك إن فرق التفاصيل ما بين HD Ready و Full HD مرعب فعلاً .. و خلال سنه مش أكثر كل القنوات التليفزيونيه هتبقى Full HD .. ليه تحرم نفسك من المتعه ديه و تخلى التلفزيون يقلل الريزليوشن و يقلل كفائة العرض .. فى حين إن الفرق بين الإثنين دلوقتى فى السعر مش كبير

4 - تقنية ال 3D لا تجعلها هدفك الأول و الأخير .. لأن صدقنى التقنيه مع روعتها لكن ليها عيوب كثيره تجعلها غير أساسيه .. أولها و أهمل انها بتغمق الشاشة و بتضيع ألوانها .. و ال Brightness بيقل بشده .. و المصيبه الكبرى إنها بتقلل كواليتى الفيلم من FHD ل HD Ready أو أقل .. شاشات قليلة جداً هيا الى بتعرض 3D Full HD .. و بالمناسبة شاشات LG بتقلل اليزليوشن فى ال 3D و ده بيقلل من كواليتى الفيلم .. هذا فضلاً على أنها بتعمل صداع لو لبست النظاره لأكثر من ساعتين متواصل ..

5 - إتأكد إن الشاشه مافيهاش عيب Blackout Clouding و ده معناه إن بانل الشاشه مصنع بحرفيه عاليه و اللون الأسود فيه أسود قاتم فعلاً .. معظم شاشات LG ذات المستوى المتوسط فيها العيب ده .. لو شغلت فيم سكوب عليها هتلاقى فى الأطراف اللون الأسود مش نقى و كأن فيه إضائة خفيه من الأطراف
بص هنا و إنت هتفهمنى ..


الشاشات الوحيده الى فعلاً كانت قاتمه فى السواد و لو مضلم الدنيا ممكن ماتحددش ملامح التليفزيون من كثر ما هو مظلم .. هو شاشات SONY و TOSHIBA و الموديلات العاليه من SAMSUNG و LG

6 - الهرتز مهم جداً جداً .. ماتقلش عن 100 .. أن نقدر نقول ال Response Time مش أقل من 5ms

7 - و ده الأهم .. سونى عامله عرض فظيع على تليفزيون LCD Full HD 40" Model No. BX420 و سعره نازل ل 4000 جنيه بدل 4650 .. أنا لسه شاريه و بنصح بيه الجيع .. فعلاًَ شاشات سونى تحفة
Sony Bravia KLV-40BX420

بالتوفيق للجميع و لو فيه أى إستفسار انا حاضر.

م. محمد الشافعى

شكرا لك علي المعلومات القيمه
اولا انا اشتريت شاشه سوني cx520 سعرها 3350 جنيه عايز اعرف رايك فيها
ثانيا موضوع Response Time مش عارف اوصله ومش عارف كام بالنسبه للشاشه ومش مكتوب عنه شئ وبقرا في المنتديات ان شاشات سوني ال Response Time بيكون 8ms وكده يكون عالي ؟
بس انا موصلتش لاي معلومه عنه خلال موقع سوني فنعرف منين ؟
ومبروك علي شاشتك