محتار انقل لشقة جديدة ولا
عندي مشكلة فى المكان اللي انا ساكن فيه , مكان شعبي
ادام البيت واحد فاتح بلايستيشن وحاطط طرابيزة بينج وكمان عيال الشارع ما شاء الله ليل نهار صيع وصريخ وشتيمه من اللي قلبك يحبها .
عندي جيران زي العسل بقي , اللي ساكنين فى الشقة اللي فى وشي طول النهار زعيق وخناق وجاري اللي فى البيت اللي جنبي مربي حمام وطول الليل والنهار الحمام بيعمل اصوات مزعجة .
جيراني اللي فوق عندهم بنت زي العسل بس حركتها ما شاء الله , صدعت من خطواتها ولعبها باللعب علي السقف بتاع الشقة .
دماغي بقت عبارة عن مقلب زبالة من كتر الاصوات والازعاج اللي انا فيه .
فكرت اني انقل فى حته اهدي شويه والحمد لله اقدر انقل فى حته كويسه بس خايف الاقي جار او الاقي مشكلة ظهرت فى المكان الجديد وفي الحالة دي مش حينفع بقي انقل لحته تانية وافضل طول حياتي انقل لمكان
فيا تري اللي انا بحكيه دا كل الناس عيشاه وفي كل المناطق حتي الراقية مش لازم بس الشعبية , يعني فعلا بتسمع زعيق جيرانك وبتسمع دبدبت العيال بتوع جيرانك اللي فوق ولا انا البيت اللي انا ساكن فيه بيت ورق ؟
ياريت النصيحة اعزل ولا الموضوع مش مستاهل لان كل البيوت كدا ؟