الموضوع: محتار انقل لشقة جديدة ولا

بص هو اى منطقه لو اتسابت من غير رقابه و لا محاسبه مهما كانت راقيه ممكن تتحول لأسوأ من اللى حضرتك بتقوله ده و ده كمان بالاضافه الى اصل الناس و تربيتهم بيفرق جامد فلا تتوقع من واحد عاش طول عمره عشوائى و راح سكن فى منطقه راقيه هيبقى راقى اتوماتيك. لا ممكن يبقى ساكن فى منطقه راقيه جداً و راكب عربيه اخر موديل و تلاقيه بيرمى الزباله من الشباك او مش عايز يشارك فى حاجات بسيطه زى مصروفات الصيانه بتاعه العمارة و لا التكييف بتاعه بينقط على الناس مثلا. الخلاصه ان النظام محتاج لرقابه و تنفيذ صارم و كمان ناس متحضره و اصلها كويس بصرف النظر عن الغنى او الفقر و علشان كده لو عايز تدور يبقى شوف حاجه مثلا فى كومباوند يكون ساكن فعلا و شوف الدنيا عامله ازاى على الطبيعه و طبعا هتلاقى حاجه زى كده غاليه بس ممكن تبتدى تحاول تستعد و تدخر تمهيدا لعمل الخطوة دى عندما تتوافر الامكانيات الماديه و بكده الدنيا تتحسن معاك و لازم تبقى عارف انك مع ده ممكن تلاقى شويه منغصات برضه للامانه لكن اكيد احتمالها هيقل كتير عن اللى حضرتك بتحكى عليه ده طبعا

اكيد المكان الراقي مش هيبقي كل القرف ده

انا ساكن في سيدي بشر قبلي وكل يوم زعيق وناس تتخانق وصناعيه ودي جي البشوات يحطوه في البلكونات واي فرح الشارع كله يتقفل وحاجه اخر قلة ادب

دلوقتي انا قاعد في مدينة نصر الحي التامن مش بسمع صوت النمله بس في جاره لاسعه شويه طول الليل والنهار اغاني بصوت عالي بس دي مش عاملالي مشكله يعني

المكان الراقي تمنه فيه ولو تقدر تنقل فيه يبقي احسن علي الأقل الخدمات احسن

المشاركة الأصلية كتبت بواسطة ahmed_rahem

انقل المدن الجديدة وانت تشوف الهــــــــــــــــــــــ ـــــــــــــــدوء على الاخر

مهو انا اساسا من اسكندرية ومعندناش مدن جديدة قريبة كلها برج العرب والكلام دا وبعدين انا كنت قريت مشاركة لاحد الاخوة هنا , كان برضوا نقل لمدينة جديدة وفى الاول كان الكلام جميل وحلو وهدوء بعد كدا ظهرت بقي مشاكل وقرف

المشاركة الأصلية كتبت بواسطة wshawky

بص هو اى منطقه لو اتسابت من غير رقابه و لا محاسبه مهما كانت راقيه ممكن تتحول لأسوأ من اللى حضرتك بتقوله ده و ده كمان بالاضافه الى اصل الناس و تربيتهم بيفرق جامد فلا تتوقع من واحد عاش طول عمره عشوائى و راح سكن فى منطقه راقيه هيبقى راقى اتوماتيك. لا ممكن يبقى ساكن فى منطقه راقيه جداً و راكب عربيه اخر موديل و تلاقيه بيرمى الزباله من الشباك او مش عايز يشارك فى حاجات بسيطه زى مصروفات الصيانه بتاعه العمارة و لا التكييف بتاعه بينقط على الناس مثلا. الخلاصه ان النظام محتاج لرقابه و تنفيذ صارم و كمان ناس متحضره و اصلها كويس بصرف النظر عن الغنى او الفقر و علشان كده لو عايز تدور يبقى شوف حاجه مثلا فى كومباوند يكون ساكن فعلا و شوف الدنيا عامله ازاى على الطبيعه و طبعا هتلاقى حاجه زى كده غاليه بس ممكن تبتدى تحاول تستعد و تدخر تمهيدا لعمل الخطوة دى عندما تتوافر الامكانيات الماديه و بكده الدنيا تتحسن معاك و لازم تبقى عارف انك مع ده ممكن تلاقى شويه منغصات برضه للامانه لكن اكيد احتمالها هيقل كتير عن اللى حضرتك بتحكى عليه ده طبعا

انا اقصد النوعية دي فعلا يعني مش حتلاقي الكمال , يعني حتي لو سكنت فى حته هادية وراقية ممكن الاقي جار مستفز او مشكلة وساعتها حتخنق اكتر , يبقي من البداية اخدها من اصرها وخليني فى شقتي طالما ازعاج بازعاج

المشاركة الأصلية كتبت بواسطة shaddadfalcon1

اكيد المكان الراقي مش هيبقي كل القرف ده

انا ساكن في سيدي بشر قبلي وكل يوم زعيق وناس تتخانق وصناعيه ودي جي البشوات يحطوه في البلكونات واي فرح الشارع كله يتقفل وحاجه اخر قلة ادب

دلوقتي انا قاعد في مدينة نصر الحي التامن مش بسمع صوت النمله بس في جاره لاسعه شويه طول الليل والنهار اغاني بصوت عالي بس دي مش عاملالي مشكله يعني

المكان الراقي تمنه فيه ولو تقدر تنقل فيه يبقي احسن علي الأقل الخدمات احسن

اهو الجارة اللاسعة دي حتبقي بالنسبة ليا مشكلة , انا بحب الهدوء اوي وبصراحة لو كان عليا عايز اسكن فى الصحرا بس للاسف الصحرا مفهاش خدمات .
بصراحة محتار جدا , خايف انقل واوضب فى شقة جديدة وفي الاخر اتراظا بجار او جارة لاسعة , يبقي تعبي وفلوسي راحوا علي الارض

المشاركة الأصلية كتبت بواسطة wa7d

اهو الجارة اللاسعة دي حتبقي بالنسبة ليا مشكلة , انا بحب الهدوء اوي وبصراحة لو كان عليا عايز اسكن فى الصحرا بس للاسف الصحرا مفهاش خدمات .
بصراحة محتار جدا , خايف انقل واوضب فى شقة جديدة وفي الاخر اتراظا بجار او جارة لاسعة , يبقي تعبي وفلوسي راحوا علي الارض

لو تعرف تجيب في سموحه يبقي توكل علي الله