الموضوع: أيهما تفضل سيارات الكروس اوفر ام السيدان ولماذا ؟

المشاركة الأصلية كتبت بواسطة m_elkhishin

طبعا لنفس الفئة السعرية، السيدان بتكون أهدأ وأسرع و أثبت وأكثر فخامة

الكروس اوفر ما هي الا هاتش باك أو ستيشن واجن عالية عن الأرض وبالتالي فقدت جزء من ثباتها بالاضافة ان انسيابيتها أقل من السيدان فبتكون أبطأ وصوت الهواء فيها مرتفع مع السرعات العالية خصوصا في فئة السيارات الاقتصادية ضعيفة العزل.
بس للأسف مصر وضعها مختلف تماما، ومينفعش مع شوارعها غير السيارات المرتفعة عن الارض

حضرتك انا سوقت وركبت قاشقاى كذا مرة وعن تجربة .. القاشقاى ثبات روعة كدااا .. عزل روعة جداااااااا ولا تسمع اى شئ من ماتور ولا حتى الشارع بره لما تقفل الزجاج .. ومفيش صوت هواء ولا الكلام ده

المشاركة الأصلية كتبت بواسطة mostafa53

السلام عليكم ورحمة الله وبركاته
أنا أختار السيدان لهذه الفئة السعرية لأن كل الكروس أوفر فى حدود هذا السعر 1600 وهذا يفقد الكروس أوفر الكثير من مزاياه المفترض استعماله لأجلها, وأنا أظن أن الكروس أوفر فى هذه الفئة لن يكون عمره طويلا فى الإستعمال وستكثر أعطاله هذا بخلاف السيدان الذى يحتوى فى هذه الفئة على ماركات أكثر احتراما ومميزات أحسن بالنسبة للماكينة مما يعطى للسيارة عمرا أطول وأعطالا أقل, يعنى, وأنا مضطر هنا لذكر الماركات لتوضيح وجهة نظرى, أركب هوندا سيفيك أو فولكس جولف أو جيتا أو أوكتافيا والا كورى أو يابانى ضعيف

انا معاك فى الكلام ده لو كنا زمان من كام سنة على الفكر القديم والكورى بلاش وبديله اليابانى والتوب خاليك فى الاوروبى .. لكن دلوقتى الكورى حسن من وضعه جدااااا وهيونداى فى اروروبا منتشرة جداااااا وفى امريكا سواء السيدان من عربياتها او العربيات الجيب والمينى فان

والاوروبى هنا فى مصر تخاف منه بسبب اعطاله مش الكورى او اليابانى .. واغلب الميكانيكية بيفتوا كتير ونادر ما تروح لواحد فاهم وهو بيشتغل فى العربية .. لان اعطال الكهرباء فى العربيات الاوروبى تدوخ

هو بس النقطة فى العربيات الكروس اوفر يراعوا فيها بس ان سحبها يكون كويس
فده عايز ماتور ووزن وجيربوكس التلاتة كويسين عشان تاخد منها عزم كويس وسحب كويس
لان التلاتة مرتبطين ببعض

وتقبلوا مرورى

اكيد هاختار الكروس اوفر لنفس الاسباب اللى قالها باقى الزملاء

واعتقد ان دا رأى الاغلبيه من المستهلكين وخاصه فى ظروف الطرق بتاعتنا

اللى حايش الناس عن الكروس اوفر انه مكانش موجود كتير وغالى , لكن لما نزلت قاشقاى وسبورتاج وان شاء الله تنزل موديلات كتير من شركات مختلفه , ابتدت تنتشر بسرعه رغم انها مش رخيصه

كروس اوفر 100% وده بعد ما عملت test drive للقاشقاى مانيوال
بجد احساس تانى وركوبة مختلفة وممتعة جدااااااااااااا
--------------------------------------

المشاركة الأصلية كتبت بواسطة Elawany13

سؤال
أنا أول مرة أعرف مصطلح كروس أوفر من هذا الموضوع
الماتريكس والكيا كارينز تعتبر عربية كروس أوفر ؟

لا يافندم ... دى عربيات mpv او multiple purpose vehicle او سيارات متعددة الاغراض او الاستخدامات
وعن نفسى باسميها العربيات العائلية او (سبت الغسيل)
وفى اوروبا والدول المتقدمة العربيات دى معمولة لسيدات البيوت وافضل استخدام ليها هو اصطحاب الاطفال للنادى او المدرسة وجلب حاجيات البيت من السوق