السلام عليكم
انا معايا جوليت 2004 عامله 81500 كم و مغير لها سير و بليه الكاتينه من 500 كم و الزيوت تمام
اللى بيحصل الاتى
لما اكون ماشى بالعربيه على الخامس و نازل منزل ممتد و الطريق فاضى و رحت ممور الاقى الrpm نزل مثلا من 3000 الى 1500 و يفضل ثابت على كده طول ما العربيه بتتحرك بالاندفاع الذاتى و بعدين لما اقف تماما و افرمل ينزل ل 900
و ساعات نفس التجربه و انا نازل منزل و ممور يثبت على 1200 يعنى عمره ما ينزل لل900 و العربيه متحركه (ده بغض النظر عن مبدأ ضروره استخدام المحرك كفرمله اثناء نزول المنحدرات)
ثانيا و الموضوع ده مضايقنى جدا فى العربيه انى لما انقل من غيار لغيار اعلى ال rpm ما ينزلش للوضع الطبيعى على طول و لكن يثبت حوالى 2 ثانيه على اخر الغيار ( عاده 2500-3000) و ده بيسبب ارتفاع صوت المحرك لغايه ما ادى الغيار الاعلى رغم ان كان معايا فيات 124 سبور قبل كده و بمجرد رفع رجلى من البنزين الrpm ينزل هوا على ال800
عايز اعرف هل ده طبيعى فى كل العربيات الجوليت و لا محتاج اصلح حاجه
و لو طبيعى مش معنى كده انه حيزود استهلاك البنزين
و هل السلانسيه بيكون على 900 و لا ده كتير