بطاقة الانترنت من بنك مصر

**MRBEBO** · 15-01-2012 11:50 AM

حد جرب بطاقة الانترنت من بنك مصر

ممكن تقولولي ايه ظروفها

انا عاوز استخدمها في الشراء من سيتات داخل مصر او دفع فواتير

وهل ممكن تستخدم للشراء من امازون مثلا

عاوز اعرف مصاريف الاصدار والاجراءات والحد الادنى وكده

مميزاتها عيوبها هل فيه عمولة عن كل عملية داخل مصر مثلا زي فواتير وكده ؟

ياريت تقولولي تفاصيل التفاصيل

**DreAmO** · 15-01-2012 02:28 PM

فيزا انترنت بنك مصر

رقم البنك المختصر 19888 .. علشان اي استفسارات او مشاكل .. الخ الخ

روح الفرع الرئيسي .. علشان الفروع العاديه فيها موظفين هيعصبوك

بتدفع 22 جنيه وبتملى استماره وبيصوروا بطاقتك .. بس

وبتستلمها بعد 10 ايام .. وهي صالحه لمدة عامين .. بعدها او قبل ماتخلص الفتره تقدر تطلع غيرها

وتقدر تطلع اكتر من كارت ... براحتك

بعد ما تستلم الكارت .. روح لنفس الموظف اللي عملك الفيزا .. قوله عايز اضيفها عالنت .. علشان تدخل على موقعهم تعرف رصيدك واخر عمليه وكدة

تقدر تتعامل بيها على اي موقع عادي .. لكن طبعا في مواقع زي امازون مش بتشحن لمصر منتجات .. دة موضوع تاني

اي عمليه بتعملها البنك بياخد عليها حوالي 5 جنيه

انت بتحوط الفلوس في الفيزا بالمصري .. وهي بتتحول بالدولار عالفيزا لما بتيجي تشتري حاجة بالدولار

في حد اقصى للشراء بها في الشهر انا مش فاكره بس اعتقد 10 الاف

ماتقدرش تسحب فلوسك منها كاش .. يا اما تشتري بيهم عالنت .. يا اما تنتظر لما صلاحيتها تنتهي وتسحب فلوسك من البنك

لما تيجي تحوط فيها فلوس .. بتكتب رقم الكارت فقط في ورقه ( اوعى تكتبه غلط ) وتروح اي فرع تحوط الفلوس اللي انت عايزها برقم الكارت مع موظف الشباك

نوع البيانات اللبي مطلوبه في الاستماره .. اسمك عربي وانجليزي
تاريخ ميلادك
الاميل ( اوعى تكتبه غلط ) بيجيلك عليه تقرير شهري
العنوان
رقم التليفون الارضي والمحمول
المهنه

وفي فيزا البنك الاهلي .. وفي بنوك تانيه ... كلهم نفس النظام .. وفي بنوك بتدهالك وانت واقف في نفس الوقت

بالتوفيق

**Dr_Mido** · 15-01-2012 04:30 PM

المشاركة الأصلية كتبت بواسطة dreamo

فيزا انترنت بنك مصر

رقم البنك المختصر 19888 .. علشان اي استفسارات او مشاكل .. الخ الخ

روح الفرع الرئيسي .. علشان الفروع العاديه فيها موظفين هيعصبوك

بتدفع 22 جنيه وبتملى استماره وبيصوروا بطاقتك .. بس

وبتستلمها بعد 10 ايام .. وهي صالحه لمدة عامين .. بعدها او قبل ماتخلص الفتره تقدر تطلع غيرها

وتقدر تطلع اكتر من كارت ... براحتك

بعد ما تستلم الكارت .. روح لنفس الموظف اللي عملك الفيزا .. قوله عايز اضيفها عالنت .. علشان تدخل على موقعهم تعرف رصيدك واخر عمليه وكدة

تقدر تتعامل بيها على اي موقع عادي .. لكن طبعا في مواقع زي امازون مش بتشحن لمصر منتجات .. دة موضوع تاني

اي عمليه بتعملها البنك بياخد عليها حوالي 5 جنيه

انت بتحوط الفلوس في الفيزا بالمصري .. وهي بتتحول بالدولار عالفيزا لما بتيجي تشتري حاجة بالدولار

في حد اقصى للشراء بها في الشهر انا مش فاكره بس اعتقد 10 الاف

ماتقدرش تسحب فلوسك منها كاش .. يا اما تشتري بيهم عالنت .. يا اما تنتظر لما صلاحيتها تنتهي وتسحب فلوسك من البنك

لما تيجي تحوط فيها فلوس .. بتكتب رقم الكارت فقط في ورقه ( اوعى تكتبه غلط ) وتروح اي فرع تحوط الفلوس اللي انت عايزها برقم الكارت مع موظف الشباك

نوع البيانات اللبي مطلوبه في الاستماره .. اسمك عربي وانجليزي
تاريخ ميلادك
الاميل ( اوعى تكتبه غلط ) بيجيلك عليه تقرير شهري
العنوان
رقم التليفون الارضي والمحمول
المهنه

وفي فيزا البنك الاهلي .. وفي بنوك تانيه ... كلهم نفس النظام .. وفي بنوك بتدهالك وانت واقف في نفس الوقت

بالتوفيق

بنوك ايه اللى بتديهالى وانا واقف دى لو تكرمت

**MRBEBO** · 15-01-2012 05:20 PM

طب مفيش بنك عنده كارت النت بس بدون مصاريف يعني مصاريف تجديد بس مش على كل عملية ؟؟

يعني عاوز افضل كارت متوافر وبخدمات كويسة و باقل تكاليف ممكنة

**grand hand** · 16-01-2012 12:20 AM

عندى كارت النت من بنك مصر
مفيش مصاريف او رسوم على اى عمليات دفع حصلت معايا
رسوم استخراج الكارت 20 جنيه مرة واحدة
صلاحية الكارت سنتين فقط غير قابلة للتجديد
الكارت بيطلع بعد 10 - 15 يوم من ملء الاستمارة
كشف حساب شهرى عالايميل بكل عمليات الدفع بالتفصيل والرصيد المتبقى
لحد الان متعاملتش بيه فى مواقع اجنبية كله جوه مصر ومفيش اى خصم او رسوم من اى نوع
وايداع الفلوس فى الكارت بيتم فى دقيقة بتدى الموظف رقم الكارت وبتاخد ايصال
ومفيش حد ادنى للكارت

**MRBEBO** · 16-01-2012 10:41 AM

المشاركة الأصلية كتبت بواسطة mohamadfawzy

عندى كارت النت من بنك مصر
مفيش مصاريف او رسوم على اى عمليات دفع حصلت معايا
رسوم استخراج الكارت 20 جنيه مرة واحدة
صلاحية الكارت سنتين فقط غير قابلة للتجديد
الكارت بيطلع بعد 10 - 15 يوم من ملء الاستمارة
كشف حساب شهرى عالايميل بكل عمليات الدفع بالتفصيل والرصيد المتبقى
لحد الان متعاملتش بيه فى مواقع اجنبية كله جوه مصر ومفيش اى خصم او رسوم من اى نوع
وايداع الفلوس فى الكارت بيتم فى دقيقة بتدى الموظف رقم الكارت وبتاخد ايصال
ومفيش حد ادنى للكارت

طيب بعد السنتين بيحصل استرداد للمبلغ المتبقي في الرصيد ؟ وهل بتاخد المبلغ كامل ولا فيه خصم ما

ممكن اسحب من الكارت ده كاش ولا مينفعش ؟ ( انا اقصد من الشباك عادي )

**grand hand** · 16-01-2012 12:00 PM

المشاركة الأصلية كتبت بواسطة mrbebo

طيب بعد السنتين بيحصل استرداد للمبلغ المتبقي في الرصيد ؟ وهل بتاخد المبلغ كامل ولا فيه خصم ما

ممكن اسحب من الكارت ده كاش ولا مينفعش ؟ ( انا اقصد من الشباك عادي )

بعد السنتين لو فى مبلغ بتسترده وبدون خصم
واعتقد كمان ممكن قبل السنتين بس مش متاكد
ومينفعش تسحب من الكارت كاش سواء من الشباك او الات الصرف
لانه مخصص فقط للاستخدام من خلال النت
وده الرقم المختصر لخدمة العملاء 19888

**م/مصطفى محمود** · 16-01-2012 12:45 PM

انا مشترك فى العربي الأفريقي ، الرسوم 10 جنية فتح الحساب ، بتاخدة وإنت واقف وتقدر تشغلة فى نفس اليوم

مش عارف بياخد فلوس على العمليات ولا لأ بس معتقدش

الصلاحية 4 سنين ، ومينفعشي تاخد فلوسك كاش غير بعد ما يخلص أو تروح تلغي الكارت

بس كان فية مشكلة مش عارف هل هي برضوا فى بنك مصر ولا لأ ، لو مثلا الحساب كان وصل ل 20 ج وانت عايز تشتري حاجه ب 50 ج ، لازم تحط 100 ج فيبقى الحساب 120 ، يعني مهما كان فى الحساب فأقل إيداع 100 ج - (المشكلة إنك بتحاول تخلي الحساب على طول فاضي ولما تحتاج تشتري بتشحن علشان متبقاش راكن الفلوس )