موضوع للمناقشة .... ايه رأيكم فى اسامة بن لادن

**محمد بلال** · 15-01-2012 08:22 PM

سؤال ايه رأيكم فى اسامة بن لادن ... افعاله ومنهجه وتضحياته

انا شخصياً موافق على مجمل افعال الشيخ اسامه بن لادن وليس كلها وما من بشر معصوم الا النبى صلى الله عليه وسلم واحتسبه عند الله شهيداً .... اللهم ارحمه وادخله فسيح جناتك مع النبيين والصديقين والشهداء وحسن اولئك رفيقا .

**rompo10** · 15-01-2012 08:33 PM

والله انا بحترمه جدا

**eng.octooo** · 15-01-2012 08:36 PM

من غير ما حد ياخد كلامى على شكل شخصى او بشكل تانى

انا مع اسامة بن لادن وضد اسامة بن لادن

مع : وقفتة ضد الاستعمار و التطرف الاعلامى الامريكى وتدخلهم فى كل كبيرة وصغيرة وانة كان عاملهم رعععب
ضد : ضحايا التفجيرات والعمليات الى كانت بتحصل حتى لو الى ماتو امريكان او نصارى او مسلمين او يهود ف دة مش من حقة انة يعمل حاجة زى كدة !!
حاجة زى تفجيرات 11 سبتمبر الضحايا الى ماتو دول ذنبهم اية ؟؟

مع العلم اختى الصغيرة اتولدت يوم11 سبتمبر كانت بتتولد واول صرخة ليها جت مع اعلان خبر تفجير البرج !!!!

**MRBEBO** · 15-01-2012 08:47 PM

قاتل ومجرم و ارهابي و متطرف

**م/مصطفى محمود** · 15-01-2012 09:03 PM

ممكن يكون عمل حاجات خير ، بس للأسف إرتكب حاجه من أبشع الأفعال فى الإسلام ، قتل نفسا بغير نفس ، ومش نفس واحدة لأ مئات ، ده الرسول نهى عن قطع شجرة فى الحرب ، فما بالك بقتل بشر

**mohamed_mohsen** · 15-01-2012 11:06 PM

المشاركة الأصلية كتبت بواسطة mrbebo

قاتل ومجرم و ارهابي و متطرف

+1
حسابه عند ربنا و ربنا هينتقم منه إن شاء الله
أي حد بيستخدم أسم الدين و مهما كانت القضيه النبيله اللي بيسعي لها
و يستخدم اسم الدين في قتل ناس ابرياء مالهمش ذنب
يستاهل كل اللي يجراله بصراحه

**shaddadfalcon1** · 15-01-2012 11:07 PM

معاه واحتسبه من الشهداء عند الله وان كنت اري انه لم يوفق في بعض الأفعال

ومسالة قتل الأبرياء فمش عارف حكمها ايه في الشرع في مثل هذه الظروف

**wassim_nasser** · 15-01-2012 11:34 PM

رأيى ف أسامة بن لادن هو نفس رأيى ف أي ارهابى متطرف سفاح .. ليه؟ .. مبدأيا هو صنيعة المخابرات الامريكية بهدف استخدامه ف تنفيذ عمليات اغتيال و تفجيرات لصالح المخابرات الامريكية بشكل غير رسمى .. يعنى أي حد يقولي مجاهد و مناضل و مش عارف ايه يبقى ده كلام فارغ .. هو كل القصة اختلف مع المخابرات الامريكية فإنشق عليهم .. بالظبط زي تاجر المخدرات اللي الفلوس بتجري ف ايده يقرر يجيب لمراته ضرة قوم مراته ترشد عنه .. وفي النهاية هو قاتل نفس (هى نفس واحدة؟) و أزهق العديد من الأرواح عن عمد و صدقونى لو كان (لاقدر الله طبعا) أحد افراد أسرتكم توفي ف تفجير من دول ماكانش هايعتبره حتي انسان

**mik_e30** · 15-01-2012 11:48 PM

منة للة علي الي عملي في البشر
اكيد ربنا مش هيسيب حق كل روح قتلها او حرمها من اهلها او ابنها
دا حرام يتقال علية انسان
وبجد انا بتعجب لما بشوف المصريين الي هم اصل الاعتدال فيهم كتير يقولو علية الشهيد
هو عشان تشهد لدينك تبق ارهابي؟؟؟ بتشهد بالقتل والعنف؟؟؟
ربنا يستر علي مستقبلنا وينتقم منة ومن اي حد زية

الموضوع: موضوع للمناقشة .... ايه رأيكم فى اسامة بن لادن

LinkBack

أدوات الموضوع

عرض

-

-

-

-

المواضيع المتشابهه

موضوع للمناقشة .. ليه ستروين لا ؟

اسامة بن لادن فى الميزان

موضوع للمناقشة

موضوع للمناقشة.......هام

موضوع للمناقشة... أيه رأيكم فى سوق المستعمل ... مدينة نصر

الكلمات الدلالية لهذا الموضوع

المفضلات

المفضلات

ضوابط المشاركة