هشترى الجين 2 قولوا لو فى حاجه من اولها ......

**Ahmad_Eissa** · 16-01-2012 01:54 PM

سلام عليكم
ان شاء الله نويت اشترى الجين 2 بس سمعت حاجات تخوف منها كتير بالرغم ان فى ناس اعرفها معاها وبتشكر فيها بس للاسف اللى سمعته مش قليل عن
- مشاكل فى قطع الغيار واسعارها وكمان عز العرب اللى شرد العربيه دى معاه (بصراحه انا مقتنع بيها جدا )
-مشاكل فى تسويقها واعادة البيع (ملهاش سوق )
-مشاكل فى التيل والطنابير وكمان الجنوط (سمعت ان جنوطها محدوده ومش اى جنط يتركب عليها لوجود بوش خفيف فيها )

ارجو الافاده وعرفونى من اولها .....دى فلوس حلال :d

**Ahmad_Eissa** · 16-01-2012 02:02 PM

؟؟؟؟؟؟؟؟؟؟
ارجو الافادة

**ramyar** · 16-01-2012 02:46 PM

اولا كعربيه ممتازه لاقصي درجه وتماثل الالماني في الثبات والامان
فعلا عز العرب مبهدل العربيه لاقصي درجه
قطع الغيار موجوده لاكن مش بوفره زي كيا وهيونداي لان بروتون مش منتشره زي كيا وهيونداي وعشان كده قطع الغيار الموجوده اصلي او تايوان مفيش صيني
الجنوط ابعادها 114 وموجوده لاكن مش كتير اكن موجوده
التيل موجووووووووووووود وانواع كتير اسباني وماليزي وايطالي والماني
الطنابير كويسه و موجوده في التوكيل وبره
سعر اعاده البيع مش تمام عشا عدم انتشار العربيه عرض وطلب
زي رينو وفورد كده لاكن في الاخر عربيه قويه متينه امان ثبات وكفايه انها عربيه مسلمه

**amrelsha3er** · 17-01-2012 04:21 PM

لد بدور على الثبات والامان والسرعه وقوه موتور وشكل رياضى انسيابى وامكانيات هائله تزيد عن الفلوس اللى هتدفع فيها يبقى توكل على الله انما لو عاوز تركب عشان تبيع او عشان هتدور على قطع غيار رخيصه مع العلم ان قطع غيار البروتون بقت موجوده برضو وليها بدائل كتير والحمد لله غير الاول يبقى بلاش احسللك موضوع شراء العربيات ده بيرجع للشخص وسواقته وتفكيره ونمط حياته ازاى وربنا يباركلك فيها او فى غيرها

**Ahmad_Eissa** · 17-01-2012 06:53 PM

توكلنا على الله وميرسى جدا على ردودكم الجميله واتمنى نبقى دايما على اتصال

**ali_elsefy** · 28-01-2012 02:51 PM

المشاركة الأصلية كتبت بواسطة amrelsha3er

لد بدور على الثبات والامان والسرعه وقوه موتور وشكل رياضى انسيابى وامكانيات هائله تزيد عن الفلوس اللى هتدفع فيها يبقى توكل على الله انما لو عاوز تركب عشان تبيع او عشان هتدور على قطع غيار رخيصه مع العلم ان قطع غيار البروتون بقت موجوده برضو وليها بدائل كتير والحمد لله غير الاول يبقى بلاش احسللك موضوع شراء العربيات ده بيرجع للشخص وسواقته وتفكيره ونمط حياته ازاى وربنا يباركلك فيها او فى غيرها

دى اول مشاركه ليا .. سلااااااام عليكوا
كلامكوا حلو اوى وانا ان شاء الله هجيبها موديل 2008 حالتها حلوه ونضيفه اوتوماتيك الراجل اخره 63الف .. المهم انا فى الغردقه وان شاء الله موضوع قطع الغيار هنشوفله حل بما ان البدائل موجوده وكله تمام .. بس انا خايف من موضوع البنزين يعنى سمعت ناس بتقول بتاخد صفيحه لكل 200كم .ز مش عارف ده حلو ولا وحش .. يا ريت حد يفيد اخوكو الغلبان فى موضوع البنزين ده وبرده ايه رايكوا فى سعرها ؟؟!

**Ahmad_Eissa** · 30-01-2012 01:05 PM

بص كلامك تقريبا قريب وربنا يسترها فى البنزين بس انا سمعت انها بتسحب جامد فوق 130
بس فى 100 بتكون كويسه والله اعلى واعلم :)

**abdoumahros** · 30-01-2012 09:57 PM

كل كلام الزملاء مظبوط
بخصوص قطع الغيار موجوده الاصلي والبدائل
بالنسبه لسعر اعاده البيع فده في تحسن مستمر نظرا لانتشار العربيه في السوق
بخصوص استهلاك البنزين في المانيوال داخل البلد حوالي 220 كيلو في الصفيحه وطبعا ممكن تزيد شويه او تقل حسب طريقه السواقه وضغط الهواء والتكييف وحاجات تانيه كتير
وده معدل استهلاك معقول بالنسبه لموتور 1600وعربيه وزنها تقيل وده من احد اسباب ثباتها
وعموما بعد سرعه 90 كم كل العربيات بيزيد معدل استهلاكها موش بروتون بس