الله يبارك فيك انا كلمتهم على 19728 وانا الى اختارت اليوم والفتره الى يجولى فيها وفعلا جأوم فى المعاد
الف الف مبروك يا عمرو تغيير الزيت و فعلا تجربة هايلة
و شكرا جزيلا علي التقرير الرائع
الله عليك .. تقرير فى الجون بصراحة ياعمرو
وتسمحلى انسقلك الموضوع واخلى الادارة تحط الصور بين الكلام
بصراحة تقرير فى الجون بامانة
قولى بقا هى العربية لتر .. ولا 4 لتر .. وبكام اللتر لوحده
عشان بقارن بينه وبين ليكوى مولى فى زيت الفتيس
وبعدين هو مفروض الكتالوج بيقول 4 لتر زيت للاتوماتيك صح ولالا
تحياتى ليك على التقرير الاكثر من رائع يا عمور
ودايما بتفيدنا بكل جديد ومفيد بصراحة .. وبحبك وافادتك للصقور
تحياتى
كولك زوق ياعم احمد الواحد بيحاول يتعلم منك ومن احبائنا الصقور كيفيه تنسيق المواضيع وتقديم تقرير مفيد ومنسق
طبعا دى اول تجربه لى فى رفع الصور وانا كنت فعلا حاطت كل صوره فى المكان المناسب فى التقرير بس للاسف اخذت اللينك الخطاء ثم راجعت التقرير الى عامله الاخ الكريم يوسف عن كيفيه رفع الصور وقمت برفعها بعد ذلك وطبعا معرفتش اعدل فى التقرير الاصلى (( اعزرونى))
فاكون شاكر ليك ولاداره المنتدى لو قمتم باعاده تنسق الموضوع وارفاق الصور فى مكانها
والف شكر
بنسبه للسعر
1ليتر= 70ج
عدد اللترات = المفروض اربعه او اقل حسب احتياج الفتيس وده بتعرفه من مقياس الزيت لانه هو المعيار الحقيقى يعنى تاخد اكتر او اقل المهم المقياس
بس بعد سؤالى فى الموضوع قلك متغيرش اقل من 3.5 ليتر ومينفعش تنزل كل الزيت الى فى الكارتيره( حوالى 7-8 ليتر) لان ده بيبوظ الجير بوكس
شكرا يا باشا على نقل التجربه
غيرته و عربيتك عامله كام كيلو ؟
مش فيه فلتر لزيت الفتيس بيتنضف او بيتغير ولا مش موجود في الصني ؟
العربيه عامله 45000 كيلوميتر
فلتر الزيت موجود فعلا بس داخل الكرتيره وده طبعا مينفعش تفكه كده.. ده لازم تروح التوكيل او ميكانيكى متخصص وهينزل الزيت كله والموضوع ده ليه اصول معينه
غير ان الفلتر مبيتغيرش غير بعد 150000 كم او اكثر بدليل ان الزيت الى نزلته كان نظيف ولونه احمر كانه جديد بس لزوجته قلت
يعنى باختصار مش زى فلتر زيت الموتور خالص
تم تنسيق صور الموضوع بالاتفاق مع الادارة
وكل صورة اصبحت فى مكانها وسط الكلام
تحياتى
منسق القسم
الف شكر لاداره المنتدى على تنسيقها للموضوع ووضع الصور فى مكانها الصحيح واتمنى لهذا المنتدى الجميل التفوق الدائم باذن الله
واشكر اخويا وحبيبى احمد مصطفى الى اهتم بموضوع التنسيق واخراجه بهذه الصوره برغم من تكرار الموضوع فى المنتدى ( فعلا تستحق لقب منسق القسم عن جداره) الف شكر