خصومات جديدة من السبع اوتوسيرفيس لمدة شهر فقط

**Youssef.Awad** · 18-01-2012 11:09 PM

المشاركة الأصلية كتبت بواسطة maged george

شكرا يا جماعة على الاخبار الحلوة ديه بس هو الخصومات ديه للعربيات اللي في الضمان بس ولا كل العربيات لان عربيتي 2007 خارج الضمان وكنت محتاج اظبط العفشة وتيل الفرامل وزيت الفتيس والسيور والذي منه ومعلش هتعبكم معايا.

العرض سارى على اى عربية نيسان
بضمان او بدون ضمان
لأن الكل اكيد كسبان

**Youssef.Awad** · 18-01-2012 11:18 PM

وصلتنى قبل يومين رسالة على التليفون ومحتواها الاتى:

المحمل موتورز يدعوكم لمهرجان الخصومات
من 21 يناير الى 23 فبراير

فلتر الزيت مجانا + خصومات
10% على قطع الغيار
25% على المصنعيات
20% على صيانة التكييف
25% على السمكرة والدهان
50% على مصنعيات تغيير الزيت والفلتر

كما تمتع بفحص السيارة مجانا
وغسيل السيارة مجانا
ولا تنسى استلام هديتك عند سداد الفاتورة

**Youssef.Awad** · 18-01-2012 11:57 PM

المشاركة الأصلية كتبت بواسطة m_khalifa

يعني العرض ده في كل مراكز الخدمة و لا لأ

لحد دلوقت العرض فى السبع والمحمل
والباقى لسه محتاجين تأكيدات من اعضاء راحوا او عندهم اخبار موثوق فيها

**hfshaaban** · 20-01-2012 09:34 PM

حملة نيسان ليها فترة وخصلت من 17 الى 29 ديسمبر ..
وتفعيل الخصم بتعها فى خلال شهر وايام محددة بعد الحملة يعنى حيكون فى يناير ..
وكانت الحملة فى بنزينة توتال .. والحملة كانت عبارة عن 10% قطع غيار و 20 % مصنعيات ..
وللعلم مكنش داخل فيها كل مراكز الخدمة .. ومنهم كان اتو ايجيبت مكنتش داخلة فى الحملة بتاعت نيسان .. والله اعلم هل السبع كان هو كمان كدا ولالا

ولكن
لو قولنا حتى ان كان داخل فى الحملة اللى فاتت .. فاكيد خلصت .. لان الحملة اللى عملها السبع بدات من 21 يناير الى 23 فبراير وكمان عرض السبع هنا مختلف .. 10 قطع غيار و25 %مصنعيات وفحص شامل للسيارة وكمان الكاوتش وفلتر زيت مجانا .. يعنى مختلف عن عرض حملة نيسان اللى كان فى توتال

فمين اللى قال لحضرتك المعلومة دى .. وبلغك غلط .. ياريت حضرتك متسمعش منه تانى لان بيعطيك معلومات غلط
ده غير ان لو اعتمدت عليه ممكن يعطيك معلومة غلط وشكله كدا بيفتى .. وساعتها انت اللى حتكون فى الصورة وتتحاسب قدام ربنا على المعلومة اللى بتعطيها للناس

فياريت متسمعش من المصدر ده تانى

تحياتى ليك
وتحياتى لكل مراكز خدمة نيسان

استاذ أحمد مع تحياتى انا اللى بلغنى اوتو ايجيبت نفسها وحضرتك ممكن تتاكد منهم

**mohamed10** · 21-01-2012 11:11 AM

اتصلت بخدمة السبع اليوم السبت 21/1 الساعة 11 صباحا واجابت المتحدثة انها ليس لديها علم بالعرض ثم عادت وقالت انها ستبداء من السبت القادم واحساسى انها كانت تتخلص من الاحراج باى كلام ونرجو التدقيق فى المعلومة قبل نشرها وشكرا

**Bishoy.Girgis** · 22-01-2012 01:31 AM

فعلا يا جماعة انا كنت في اوتوايجيبت النهاردة و اكدوا ان عرض الخصومات ديه من نيسان ايجيبت و كل مراكز الصيانة هيمشي فيها العرض ده و بالفعل تم تأجيله لمدة اسبوع علي ان يبدأ من يوم 28/01/2012

**ahmed9111** · 22-01-2012 10:28 AM

في حاجة غريبة لما واحد صاحبي راح يعمل صيانة في السبع يونم 21 لقيت رد غريب ان العرض اتغير توقيتة و مينفعش يتعمل و المفاجاة ان دة عرض نيسان ايجبت اصلا مش السبع و العرض تم تاجيلة الي 28 من الشهر الحالي و العرض دة جاي من نيسان ايجبت لكل مراكز خدمة نيسان في مصر