يا رجالة فى حد عندة خبرة فى الحكاية دى وبالذات الشركة العلمية لالحاق العمالة المصرية للخارج
هما كلمونى بخصوص سفر للسعودية بس انا بقلق من الشركات دى
لو حد جرب التعامل معاها ياريت يطمنى ويقولى اية نظامهم و هل بيبقى فى عمولة ولا العملية ماشية ازااى ؟ وشكرا
حضرتك ايه ظروف التعاقد؟؟؟
اتأكد من المكان و قلهم عايز سكن عائلي عشان اهلي هيقولولك تيجي لوحدك الاول وبعد كده نجبلك سكن عائلي
متوفقش عشان مش هيجبولك لكن اشرط الاول انك تقعد لوحدك في السكن العائلي عشان متقعدش مع حد
و اتأكد من المكان يعني انا كنت روحت قالولي تبوك طلعت تبوك نفسها المحافظة يعني ناس تانية قالولهم تبوك لكن ودوهم حتة اسمها حقل بعيده عنها و طبعا ريف و بدو و حاجة وحشة جدا
العمولة بئا هيوقولك مرتب شهر هناك قلهم طبعا لا و اتقل و اديهم الفين 3 و اتقل عليهم بس كده و ربنا يوفقك
انا شخصيا مش مقتنع بفكره انى ادفع فلوس لحد يشغلنى
اعرف ناس كتير سافرو عن طريق شركات زيها بس دايما كان بيبقى فيه خوازيق قى العقد او الاقامة او المهنه فى الفيزا او مصروفات مخفيه و تاخير (هيجيلك وقت بعد تمطيط المواضيع تحس انهم نصابين) بس فى الأخر سافرو و اشتغلو و بقالهم سنين و محدش طايق يرجع تانى
المهم اطلب شروطك بما يتناسب مع المؤهل و الخبرة و اطلب رقم يستاهل انك تسيب بلدك عشانه و ياصابت يا خابت
ودايما خلى ليهم فلوس عندك و بلاش تشترى سمك فى ميه
الشركة دى شخصيا ماعرفهاش ...... استنى شويه ممكن تلاقى حد اتعامل معاهم
كمان ادخل دور فى موقع محاورات المصرين هتلاقى مواضيع كتير عاملها مصرين مغتربين و تجاربهم
[url=http://www.egyptiantalks.org/invb/]
السلام عليكم ورحمة الله وبركاته
أنا أعمل كطبيب وسافرت عدة مرات للعمل بالسعودية وجايز بالنسبة لى يكون الموضوع أسهل لأنى لا أسافر إلا عن طريق شركة أكون عرفت تاريخها كويس وأيضا يجب أن يكون العقد واضحا فى بنوده ويتاح لك قرائته بتمعن ويجب أن تستشير شخص أخر سافر قبلك. هذه الشركة التى ذكرتها لا أعرفها إسأل عنها وادخل على النت لترى أى تعليقات عليها. أخيرا: هناك فعلا عمولة رسمية معترف بها من حكومتنا لشركات التوظيف وهى 2% من مرتب سنة
:flower4u:
جرب بس حاول ما تقعلهمش بفلوس كتيير يعنى ممكن الف او الف و نص بالكتيير لتخليص الاوراق
طبعا اتفق معاهم قبل مايبدوا يعملوا اي حاجة و برضه في الاخر فاصل معاهم يعني بالكتير اوي ياخدوا الفين او الفين و نص لو اقل يبقى خير و بركه غير كده يبقى استهبال
و طبعا اعمل حسابك مايقوللكش تمن التاشيره للكفيل كمان يبقى اهرب بجلدك من الكفيل و الشركه دي لو حصل كده اصلا
و طبعا ماتدفعش اي فلوس غير لما تاخد جواز سفرك وعليه التاشيره
و ماتسمعش كلامهم لو قالولك ادينا دفعه مقدم قبل مايبدوا في اجراءات التاشيره خلي كل الفلوس بعد التاشيره
و بالنسبه لعقدك في السعودية
اهم حاجة لو انت متجوز تكون اصلا مسمى التاشيره بيجيب استقدام و تكون متفق معاهم على استقدام زوجتك و اولادك و تذاكر الطيران و تأمينهم الطبي عليهم و بدل سكن 3 شهور و ده حسب الراتب
و بدل موصلات او سياره بتاعتهم يدوهالك
و طبعا كله ده حسب طبيعه شغلك
ولو الشركه في الرياض قولي اسمها و انا اسالك عليها و معاملاتهم عامله ايه و اقولك متوسط رواتبهم كام هنا لو انت لسه بتتفاوض معاهم في الراتب
الموضوع ده مراحل
انت بسال على اول مرحلة وهي مكاتب السفريات
مفيش اي مشكلة فيها ياباشا
العمولة الرسمية 2% من أجر سنة شاملة كل الرسوم (يعني انت بتسلمهم الشهادات والباسبور وتمضي على العقد وترجع تاني تستلمهم متوثقيق والباسبور عليه التأشير والعقد موثق من القنصلية السعودية ومكتب العمل المصري)
لو عايز تطمئن من جهة مكتب السفريات طبعا بعد ما تعمل المقابلة تروح مكتب العمل اللي في صلاح سالم بجوار بنك القاهرة (مش فاكر بالظبط اسم الشارع هو آخر النفق اللي واخد من صلاح سالم من امام عمارات العبور لمدينة نصر طريق الاوتوستراد عند المخرج بتاع مدينة نصر)
دي اول مرحلة لما ربنا يتتمها بخير وتعمل المقابلة وتقبل وتاخد عرضهم قولهم هفكر وارد عليكم وتعالى ياباشا نتناقش في المرحلة التانية
انا لسة مروحتلهمش بجهزلهم الورق اللى طلبينة الاول وربنا يسهل
ممكن حضرتك تقولنا اسماء و عناوين المكاتب اللى بتتعامل معاها و محترمةاقتباس:
المشاركة الأصلية كتبت بواسطة mostafa53
اقتباس:
المشاركة الأصلية كتبت بواسطة mostafa53
يا ريت عنوان وبيانات الإتصال بشركة أكونـ
اى شركة تجيبلك عقد حكومة
متابعة و بالذات لو شركة تجيب عقود حكومية في الكويت او الامارات
مدرسة انجليزى
اﻻخ الفاضل اﻻستاذ احمداقتباس:
المشاركة الأصلية كتبت بواسطة ahmed1981
الدكتور ﻻ يقصد من كلمة ( أكون ) انها شركة
هو يقصد انه ﻻ يسافر من خﻻل شركة اﻻ ( لو كان ) عرف تاريخها كويس
تحياتي اليك
اقتباس:
المشاركة الأصلية كتبت بواسطة م. حاتم السباعي
جزاك الله خيراً
هههههههههههههه
أصلها ركبت معايا شركة أكون
ولقيت ليها موقع
مؤسسة أكون
ـ