اعتصام عمال النقل يغلق طريق الاوتستراد

**Karim_Monir** · 17-01-2012 11:16 AM

اعتصم عدد من سائقي شاحنات النقل الثقيل، أمام مقر هيئة الطرق والكباري المجاور لمقرِّ وزارة النقل بمدينة نصر،
وقاموا بقطع الطريق الموازي للهيئة من الاتجاهين. كما منع السائقون المهندس محمود عز الدين، رئيس هيئة الطرق والكباري، من دخول مكتبه بالهيئة؛ مما دفعه إلى التوجه إلى مقرِّ الهيئة بشارع قصر العيني،

وطالب السائقون بتخفيض غرامات الأوزان الزائدة عن الحمولة المقررة،
وكذلك الرسوم المقررة على شاحناتهم، والتي تحصلها هيئة الطرق والكباري.

**tutankhamoun** · 17-01-2012 02:56 PM

أول مرة أشوف حرامي بيطالب بتخفيض عقوبة السرقة

يعني عايزين يحملوا زيادة و عايزين يقللوا الغرامة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

البلد كل واحد فيها بيفكر في نفسه فقط لا غير .................

أنا شايف أن لازم يكون فيه حل رادع للناس اللي بتقفل الطريق ....... إلا قفل الطريق.
أعتصم زي ما أنت عايز ......... عندك الرصيف .... أعمل عليه اللي أنت عايزه
إنما قطع الطريق ....... بجد شعب ملوش غير الكرباج .

و بعدين هو كل واحد مش عاجبه حاجة يقطلعي الطريق و يوقف حال الناس .... ده أيه القرف ده ؟؟

**MaZaGAngeE** · 17-01-2012 03:20 PM

مقفلوش الطريق همه كانوا واقفين على جنب الطريق و سايبين 3 حارات للمرور عند الجندي المجهول
و مطالبهم مشروعة و مقبولة و لو اتعملت هتفرق كتير جدا في تكاليف النقل

**تامر.محمد** · 17-01-2012 03:28 PM

المشاركة الأصلية كتبت بواسطة mazagangee

مقفلوش الطريق همه كانوا واقفين على جنب الطريق و سايبين 3 حارات للمرور عند الجندي المجهول
و مطالبهم مشروعة و مقبولة و لو اتعملت هتفرق كتير جدا في تكاليف النقل

انا شفتهم واقفين على الجنبين فعلا امبارح , كانوا مضيقين الطريق و مبطئينه جدا بس مش واقف
الله اعلم ده الوضع من الأول ولا لأ

بخصوص مطالبهم انا سمعت 3 قصص
1- تقليل الضريبة
2- تقليل الغرامة دي انا اول مرة اسمعها
3- ان الجيش بيجبرهم ياخدوا من محاجره بس

و مش عارف الحقيقة فين

بصفة عامة , بعيدا عن القصة دي , نفسي نحاول نعذر الناس الغلابة في حاجة بيعملوها للمطالبة بحقهم حتى لو كنا مش موافقين على اللي بيعملوه

بالمناسبة انا شخصيا تضررت جدا اول امبارح من قفلة الاتوستراد و صلاح سالم بالتبعية , لكني مازلت عند نفس وجهة النظر

**تامر.محمد** · 17-01-2012 03:55 PM

المشاركة الأصلية كتبت بواسطة tutankhamoun

أنا مش ضد أن حد يطالب بحق له
و لكن قطع الطرق و قطع السكك الحديدية هو تعطيل لمصالح الناس و أذى
أرجوا أنك تكون فهمتني يا أستاذ تامر

انا فاهم يا توت باشا و مش باقول وافق على كده , انا شخصيا تضررت زي ما باقول
انا باقول بس نعذر :)
و كلامي و الله مش موجه لحد بعينه ولا يحمل اي قدر من الادانة مثلا او اللوم , انا شايف حاجة و باحاول اوصلها للجميع

زي الكلمتين دول , عجبوني جدا

أصحاب السيارات مش مستحملين ازمة البنزين وانهم يقفوا في الطابور معززين مكرمين بسيارتهم الملاكى الفاخرة مستنيين دورهم ..!!
أحب اقولهم ...( هو دا حال الفقراء طول عمرهم امام مخبز العيش واقفين على ارجلهم من الساعة 7 وصاحب المخبز بيتحكم فيهم بالجنية اللى هيشتروا بية ) ( وهو دة حال الفقراء امام مستودعات الانابيب .. وغيرة وغيرة وغيرة .!!) ولهذة الاسباب هناك ثــــــــــــــــــورة ..!!
لازم كلنا نحس بعض .. يوم ليك ويوم عليك

**SYD** · 17-01-2012 04:56 PM

غلابة ؟؟؟؟

بتوع العربياتت النقل غلابة ؟؟؟؟؟؟

راكب عربية اقل واحدة تمنها بيعدي ال3/4 مليون وغلابة ؟؟؟؟؟

بياخد في النقلة 3 و 4 الاف جنيه وغلابة ؟؟؟؟؟

مين الي غلابة ؟؟؟؟؟

دوول كمان بيحملوا فوق الوزن
بيتسببوا في حوادث مروعة بسبب الجنون والمخدرات والسهر

دة وهو ماشي بيقفل الطريق يقوم يعتصم ويقفل الطريق ؟؟؟

انا بصراحة شايف انه لازم يدفع مقابل الوزن لو بتحمل اكتر انت بتسبب مشاكل اكبر يبقي تدفع غرامة اكبر

دة رأيي الشخصي

والله المستعان
،
،

**تامر.محمد** · 17-01-2012 05:06 PM

يا بيه انا باقول

المشاركة الأصلية كتبت بواسطة تامر.محمد

بصفة عامة , بعيدا عن القصة دي , نفسي نحاول نعذر الناس الغلابة في حاجة بيعملوها للمطالبة بحقهم حتى لو كنا مش موافقين على اللي بيعملوه

بالمناسبة انا شخصيا تضررت جدا اول امبارح من قفلة الاتوستراد و صلاح سالم بالتبعية , لكني مازلت عند نفس وجهة النظر

انا مازلت مش عارف مطالبهم ايه و هي مشروعة ولا لأ :)

و طبعا طبعا انا لا اعفي اي حد بيعمل اللي بتقوله ده خالص , ما انا عندي عربية و باموت من الخوف منهم و باقعد اشتمهم مع نفسي و انا سايق ههههههههههههههههه

لهم اخطاء و خطايا بشعة بيضيع فيها ناس , تمام

نقطة اغنيا ولا فقرا , و صاحب العربية هو السواق ولا لأ دي مش عارفها بصراحة و اللي يقدر يقول معلومات عن النقط دي يا ريت يبقى افادنا بمعلومة

النقطة الاكيدة عدم قبول الظلم (ان كان فيه ظلم) لحد لأن الظلم حرام , حتى لو الحد ده له اخطاؤه و خطايا , برده ربنا حرم الظلم , ده من الجانب الاخلاقي
من الجانب الميكيافيللي بتاع المصلحة , الظلم على فئة عادة بتمتد اثاره لفئات كتير جدا
نفس نظرية سواق المكروباص و امين الشرطة

الحكومة تدي لأمين الشرطة مرتب قليل
امين الشرطة يفرض اتاوة على سواق المكروباص مقابل انه يسيبه يشتغل , و طبعا ممكن يفوت له شوية تجاوزات
سواق المكروباص يزود الاجرة عشان يعوض اتاوة امين الشرطة
سواق المكروباص بيسوق بتهور ولا مسئولية لأن امين الشرطة بيحميه

في الآخر الراكب متضرر مع انه مالوش دخل , بيدفع اجرة اكتر و بيركب مع سواق متهور
و اللي راكب عربيته كمان متضرر , من سلوك سواقين المكروباص

كل دول متضريين و المصدر الاصلي , الحكومة , على قلبها مراوح !