الengine braking في الإنجكشن مبيستهلكش بنزين خالص خالص
وفي الكربيراتير بيستهلك كإنك ممور العربيه
فين بقى الإستهلاك الأعلى ده؟
http://www.nilemotors.net/Nile/267122-a-2.html
http://www.nilemotors.net/Nile/26712...post3874061159
عرض للطباعة
الengine braking في الإنجكشن مبيستهلكش بنزين خالص خالص
وفي الكربيراتير بيستهلك كإنك ممور العربيه
فين بقى الإستهلاك الأعلى ده؟
http://www.nilemotors.net/Nile/267122-a-2.html
http://www.nilemotors.net/Nile/26712...post3874061159
بالنسبة للأستهلاك كلامك سليم
وانا اقتنعت بيه فعلا
لكن بالنسبة لقواعد الموتور والفتيس ؟؟ وبلي الكبالن الداخلي ؟؟؟
انا أكمن عندي قواعد الموتور والفتيس رايحين في داهية فحاسس بالموضوع دة اوي
كل لما اشيل رجلي من علي البنزين من قبل حتي ما ادوس فرامل بسمع شوية خبط وتزييق ماتقولش لعدوك عليه
شكرا يا احمد علي اضافتك المميزة للموضوع
والله المستعان
،
،
كلام كله مظبوط يا بشمهندس سيد و ده اللي بعمله فعلا لدرجة اني اغلب الوقت بسيب العربية و أأقضيها مواصلات و العجلة موجودة برده :)
و موضوع الترييح في الغيارات و الموور ده بيحافظ كمان ع طقم الدبرياج و الفتيس
و احب اضيف بعد اذنك نقطة تانية بخصوص المطبات لما نيجي ناخد مطب نهدي العربية اوي قبل المطب و بعدين نسيبها تاخد المطب بدون ما ندوس فرامل عشان العفشة
و أفضل حل للحفاظ ع ضغط هوا العجل اطول فترة ممكنة ملئ الاطارات بالنيتروجين اخر مرة مليت نيتروحين قعد معايا بسم الله ما شاء الله حوالي 5 شهور الضغط ثابت ع 30 لحد ما ابتدت المسامير تقوم بالواجب :)
و طبعا بجانب البوجيهات و البوابة و الانجيشكن او الكربراتير فلتر الهوا برده بيكون ليه دور في استهلاك البنزين فلازم دايما ننضفه كل ما كان متاح لينا بالنسبة ليا بمعدل 3-4 مرات في الشهر بنفخه هوا
طبعا موضوع الفرامل علي المطب دة من اخطر الأشياء لأنه ممكن لا قدر الله يكسر مساعد
بس الكلام دة علي السرعات لكن لو انت مهدي وفضلت دايس فرامل مع المطب مش هيجري حاجة
وطبعا نظافة البوابة والرشاشات او الكربراتير بتأثر جدا علي الأستهلاك
كمان الشكمان
كمان نوعية زيت المحرك
في عوامل كتير اوي يا اكسل بتأثر علي الأستهلاك
نورت الموضوع
وشكرا علي اضافاتك المميزة
والله المستعان
،
،
عندي سؤال ،، حسب معرفتي و من معلومات قريبتها هنا على المنتدى !!
أنك لو كنت ماشي و مدي العربية سرعتها ،، و سبتها على الغير التالت مثلاً و مدستش بنزين ،، الموتور مش بيستهلك بنزين !!!
او بيستهلك زيه كأنه ممور يعني !!
ده صحيح ولا ؟؟
مبيستهلكش راجع الردود السابقة وده في حاله الانجكشن فقط في حاله الكاربيراتير بيستهلك كإنك ممور
حاضر يا يوكو !! حراجع ما سبق !!
مش عارف ليه فكرتني بالمعيد بتاعي !! في الكروس ،، تلاقيني عمال أقوله حاجة ،، يقولي أيوا منا قلتها الحصة الي فاتت .. أبقى ذاكر كويس !! =)))
الف شكر للنصايح الجميلة