انفراج نسبي في ازمة البنزين وتواجد بنزين بالعديد من محطات الوقود

**alsad** · 17-01-2012 10:58 PM

في حلوان بنزينة وطنية الجديدة خلف جامعة حلوان
طابور طويــــــــــــــــــــــ ـــــــــــــــــــــــــ ـــــل بتاع 50 او 60 عربية

**me_medoo** · 18-01-2012 12:15 AM

ياجماعة انا بعد ما فولت العربية من يومين حاسس ان سحب عربيتي قل جداً جداً ... وحتى المدام طلبت مني أفولها عربيتها كنت سايق عربيتها زي الفل رحت فولتهالها بعد ما مليت بانزين حسيت أن العربية بقت زي الززززززفت .

انا حاسس انهم بيدونا بانزين 80 على أنو 92 .
وفي ظل الازمة مين هيحاسب اصحاب البنزينات المهم الناس تفول انشالله حتى جااااااز .

ألطف بينا يارب ... ومفيش أخبار عن أنابيب الغاز ...

**ahmedezzat78** · 18-01-2012 06:16 AM

اول امبارح لفيت كتير مش لاقى بنزين خالص فى محطات
1-شيل المقطم
2- كالتكس المقطم
3-شيل الطيران
4- شيل مصطفى النحاس
5-مصر للبترول محور الشهيد
6-وطنيه na
7-وطنيه اسفل كوبرى الشهيد
8- موبيل الطيران

و فى الأخر مونت امبارح من وطنيه اسفل كوبرى الشهيد

**mesaharaty** · 18-01-2012 10:16 AM

بوجه عام تقريبا كل المحطات اللى بعدى عليها يوميا وكانت قافلة أو مزدحمة فاليوم لقيتهم شغالين بس عليهم تزاحم ضئيل يعن أقدر أقول فيه تحسن نسبى إلى حد ما ملحوظ
أنا ولله الحمد راكن من يوم السبت لأنى خايف أطلع بالعربية شوية البنزين اللى فيها يخلصوا أحتاس وأرجع زق .
(كلام فى سركم بقى واحد صحبى امبارح جاب لى 5 لتر بنزين 92 بالليل والدنيا ضلمة وحطيناه فى التنط ولا من شاف ولا من درى حاجة كده زى شغل العصابات) علشان قدر أمشى مطمئن وأروح أمون
وأنا أصلا زهقت من العربيات والسواقة والتموين والأزمات وغلو الاسعار وزحمة الطرق والمرور و.......... إلخ

الله معنا