الموضوع: ولد وبنت

المشاركة الأصلية كتبت بواسطة a7med_pharma

أنا أصحابي كلهم رجالة
ماتيجوا نروح عند شوقي ف العوامة

شوقى زمانه روح بيتهم يا عم
كلمه شوفه كده

المشاركة الأصلية كتبت بواسطة A7MED_PHARMA

الولد والبنت

مين فيهم الي بيظلم التاني
يعني لما ولد بيعرف بنت ... ويكون الولد مش بيحبها لكن بيكلمها وخلاص
والعلاقة تنتهي
الولد بيكون غلطان ومش محترم.. والبنت ( ياعيني) بتكون مظلومة؟؟؟
لااااااااا

حكاية من الخيال بطريقة الدكتور / أحمد فارما
في المقهى كان إحد الشباب فيه الكثير من الوسامة تبدو عليه الأناقة المفرطة يعطي رقم هاتفه إلى فتاة بدون أي إعتبار لأحد من الموجودين قائلا لها بصوت عالي على الساعه تاسعة ونص
قلت له : فين الإنترنت والبلوتوث – أنت مش ماشي على الموضه...!؟؟

فقال : كلنا ثعالب... فقلت طيب يا ثعلب مش خايف إن هذه البنت المسكينه تكتشف إنك ثعلب وساعتها تعطيك على رأسك

فقال : مش مهم ألقى غيرها الفاضيات كثير وغير كدا .. مستحيل تكشفني .
فقلت وليه يا أخي مستحيل تكشفك إذا دخلت قصة حب بتقولك تعال أخطبني قولي هتقول أيه وقتها ؟

فضحك ضحكة عاليه وقال باين عليكي غشيمه ، طبعا لازم قصة حب هل تتوقعي أقول ألو... لو سمحتي ممكن أتسلى شويه

رفع ضغطي ولكن مسكت أعصابي وقلت ما رديتش علي سؤالي لو قالت تعال أخطبني

ضحك مرة أخرى وقال .. أول عذر (أكمل)
فقلت تكمل إيه : فقال : أكمل أي حاجه ... أكمل المدرسة ..أكمل الجامعه ..أكمل المعهد ..لسه ما توظفت ..أكمل الشقه المهر المهم أكمل أي شي ناقص

فقلت: إفرض يا ذكي قالت تعال أخطبني وكمل على مهلك ، فقال : هقول ..(أهلي...أهلي)

فقلت :سلامة أهلك ،
فقال لا .. أهلي مش موافقين ، فقلت والله عذر .. لكن إفرض قالت لك أهلك وليه أهلك إنت طفل ! تعال أخطبني لو راجل .. قوللي لو إنت حريف كيف تفك من هذه ، فقال أولا.. مافيش بنت تقول كدا ولو قالت بسيطه أقولها .. (السكر)

فقلت : أيه في السكر

أقول .. أمي عندهاالسكر أو أبوي عنده القلب والكلام الفاضي كثير.. إنتي ما بتشوفشتمثليات ،

فقال: الأعذاركثير بس أنا أعطيك أشهرها خذي مثلا .. إذا إنت ولد مدلع هقول لازم نتعرف علىبعض أكثر مش معقول نتزوج على طول لازم نحب بعض

فقلت الله يخرب بيتك هذا معناه كلام بالتلفون ومقابلات و.. و .. و

فقال طبعا .. أُمال أنا مديها الرقم ليه

قلت طيب غير عذر نعرف بعض فيه غيره

فقال : أنا قاموس أعذار وحجج خذي عندك مثلا اقولها (عمي)

فقلت يا أخي قرفتني بتقول كلمه كلمه أنا عايزة جمل مفيده .. مره أكمل وبعدين سكر وشويه أهلي ودلوقتي عمي
ضحك وقال : أنا خاطبين لي بنت عمي ثم تنهد وقال بصوت رومانسي يحمل الأسى والحزن إنتي عارفه عاداتنا في الزواج يا منال .. أعطيني فرصة وأناحتصرف

فقلت لاحول ولا قوة إلا بالله ثم سألته طيب يا أخي ليه تتنقل من وحدهلوحده وليه بنت وحده ما تكفي ؟

فقال : اللي تعرفهم من زمان خلاص ملهموش طعم والجديد دائما له طعمه

فقلت طيب فين الحب الأول والكلام الكبير إلي يقولوا عليه

فقال : شوف اول فتاه لها سحر خاص وأولمكالمه وأول جواب لكن أعطيك مثال شفت الصياد إللي يصيد سمك تلقى أول سمكه صادها فرحان فيها وتلقاه حاطها قدامه طوال الرحله لكن أول ما يوصل هو بنفسه يحطها في النار وهو أول واحد يأكل منها والبنات زي الشباب يدوروا الحب ومع أول بنت أوشاب يقولوا هو هذا الحب لاغية ما العلاقة تبرد ويدوروا حب ثاني وثالث .. وهكذا

فقلت يعني إنت تعترف إن مافي حب بين الشاب والفتاه

فقلت كلام منطقي ومعقول لكن ليه كل الشباب بدون إستثناء يحبوا يتكلموا عن البنات إلي يعرفوهم قدام بعض ، فقال : بأفتخر بيها ، فقولت : الواحد يفتخر بشي يملكه كيف تفتخر بإنسانه لا تملكها؟

فقال : أنا أملكهاونص .. يعني أمها وأبوها يقولوا لها لا تكلمي أحد وتكلمني، ويقولوا لا تخرجي معأحد وتخرج معاي، وأقدر أكلمها أي وقت وأشوفها أي وقت، يبقى أملكهاونص، دا ربنا يقولها لاتختلي بغريب وبتقابلني يعني عصت ربها عشاني ، إزاي تقولي لا أملكها ؟

رفع ضغطي بقوه لكن كلامه صح
بكل صدق مع نفسك ، هل أنت راضي عن نفسك ، هل لديك بقايا ضمير ، فلتعلم إن كل شئ عائد لك أو عليك عاجلاً أم آجلاً – فأتق الله في بنات الناس ، وعلى البنات أيضاً أن تتقي الله في نفسها

وفي الآخر لي وجهة نظر مرتبطة بكلام الأغلبية إن البنات هما اللي بيجرو وراء الشباب ودا علشان (الرجل مش هوالي بيتجوز و لكن البنت هي الي بتتجوزه) بمعني : ان الرجل لا يسعي الي الزواج و لكن الموضوع في رأسه الي أن تجذبه فتاة و تشدة الي الزواج

مع احترامى لسعادتك وانتمائى لجيل قديم شوية عن جيلكم ياشباب اظن انه الكلام ده متوفر فى الاقاليم بس (ثقافة الاقاليم) انما دلوقت اللى بتعرف شاب عشان تتسلى متوفرة وبكثرة وربما الشاب دلوقت هو اللى البنت بتضحك عليه وتوهمه انها هتتجوزه وبعدين تقلب -الكلام ده كان فى القاهرة من 20سنة لما كانت البنات كل املها ترسم على شاب مريش عشان تتجوزه