الناس مبقاش عندها دم ليه ؟!

**نور القمر** · 18-01-2012 10:25 PM

حالة في شارعنا لطفلة 5 سنين
انا معرفش اهلها الا بالاسم كدة دول عيلة كذا
سمعت ان الام منهارة وبيغمى عليها كتير من كتر الحزن والبكاء
نويت اروح اعزي بكرة ان شاء الله عشان النهاردة يارا سخنة ومش هاينفع اسيبها مع اني معرفش اهلها بس صعبت عليا الام
من شوية صوت دي جي وفرح شعبي مثير للاشمئزاز وللاسف الافراح دي بقت من السمات المميزة لمنطقة الهرم وعلى بعد امتار من سرادق العزاء بدون اي مراعاة لظروف الجيران وحالتهم النفسية ولا مراعاة للقرآن اللي صوته متداخل مع صوت الموسيقى
مش بقول الغي الفرج لكن ابسط قواعد الزوق والدم عموما حتى لو مفيش وفاة ان الصوت يكون على اد الفرح مش يسمع ل 10 كيلو
...............
لما بابا توفى عملنا العزاء في البلد ورجعت بعد 3 ايام
العيلة اللي عندها حال وفاة النهاردة كانوا بيفتتحوا محل بعد وفاة بابا ومشغلين دي جي 3 ايام وانا مكنتش طايقة اسمع صوت الموسيقى او الاغاني من حالة الحزن اللي كنت فيها
بعت ابني طلبت منهم يخفضوا الصوت وتجاوبوا لطلبي كام ساعة ورجع علوه تاني
بعدها عرفوا من حد ان عندنا حالة وفاة جه راجل من العيلة كبيرهم يعتذر على الدي جي انهم مكنوش عارفين وانا احترمت تصرفه جدا

**mohammedabdallh** · 18-01-2012 11:29 PM

نفس الى حصل يوم افتتاح المحل بتاعى
كنت جايب دى جى ومشغله قران فالناس هنا قالو ا لبتاع الدى جى يشغل اغانى وانا مكنتش موافق خالص المهم اصحابى قعدوا يزنوا على دماغى وشغلوا اغانى وشويه وحصلت حالة وفاه
قمت مزعق لبتاع الدى جى وخليته يشغل قران لحد الاخر ((على فكره انا بكره الاغانى ))

**samyyousef** · 18-01-2012 11:52 PM

السلام عليكم
الإجابة على سؤال حضرتك: هو بسبب غياب دولة القانون
الشعوب الأخرى ليست أكثر تحضرا, و لكن تعيش في دولة القانون
بمعنى أنه لو هناك ضوابط لاستخدام مكبرات الصوت لما حدث ما ذكرتيه
لو هناك حد أدنى من تطبيق للقانون لما ركن أحد الأشخاص سيارته خلف سيارة اخرى بشكل يعيقها من الحركة و لم يكلف نفسه حتى الاعتذار بعد غياب ساعة
و الأمثلة كثيرة و لا يمكن حصرها و ترجع في النهاية لغياب دولة القانون..فالمفروض اننا نعيش في دولة...لكن واقع الأمر اننا نعيش في مجتمع بدائي

**mostafa3000** · 18-01-2012 11:55 PM

للاسف موضة الدي جي في افتتاح المحلات والافراح مزعجة جدا
ودايما الناس فاهمة ان لازم الصوت يكون عالي جدا جدا مش عارف لية
ربنا يهدي

**A7MED_PHARMA** · 19-01-2012 01:18 AM

أفراح الشوارع والدي جي والصوت العالي
مخالفة للقانون الصريح
وأمناء الشرطة بيروحوا الأفراح دي .. بحجة إن حد إشتكى من الصوت العالي
وطبعا
بياخدوا الواجب بتاعهم ( بيرة + حشيش + شريط بتاع) وبيمشوا
يعني هي فعلا مخالفة
لكن الناس دايما بتقول .. أهو بنشيل بعض
لكن نشيل بعض في فرح ف الشار.. بيقفل الشارع لمدة يومين بشكل كامل
وصوت عالي .. ورقص مسخرة .. وغالبا بيرة وحشيش ع الطرابيزات عادي جدا

ولاحول ولاقوة إلا بالله
الحل فعلا زي ماقال الزميل الفاضل .. دولة القانون

**فتح الباب** · 19-01-2012 02:59 AM

نفسى فعلا اشوفنا ههههههههههه حضاريين قبل ما اموت انما للاسف

**rompo10** · 19-01-2012 03:46 AM

الموضوع مش موضوع دوله قانون لازن الاخلاق ترجع تاني

-

الموضوع: الناس مبقاش عندها دم ليه ؟!

LinkBack

أدوات الموضوع

عرض

-

-

-

المواضيع المتشابهه

سؤال ( الناس كلها عندها نفس الرأي نفس الاجابة بدون اسباب )

استفسار لكل الناس الى عندها جولف 2

سؤال الناس اللى عندها خبره ؟؟

الناس الى عندها احساس رومانسى بس ........

الناس اللى عندها السكر وارتفاع ضغط الدم ..... ماتدخلش

الكلمات الدلالية لهذا الموضوع

المفضلات

المفضلات

ضوابط المشاركة