المشاركة الأصلية كتبت بواسطة fbiahmed
لو توكيل معتمد مش هايغشك لان التيدا مبتتجمعش في مصر و العربيه بتتفلى في الجمارك فطبيعي يشيلو الاكياس الي على الكراسي لانها بتيجي من المينا للمخازن و بعدين للعرض
و بعدين حضرتك بتقول كان فيها خدش و هما كان اسهل ما عندهم انهم يخفوه ب بولش و كومبوند و تليع قبل ما حرتك تروح
بص انت تعمل ايه اولا
اطلب ان العربيه متتغسلش و لا تتلمس الا بعد ما تعاينها على حالها
جربها و سوقها و حاول يبقى على طريق عدل عشان تتاكد من الزوايا و خلافه عشان ساعات السواقين بيلبسوا حفر و هما بيجيبوا العربيات (عربيتي مثلا كانت عامله 70 كيلو و الطاره معووجه و عاوزه تترصص و ما اكتشفتهاش الا بعد ما رخصت)
1- الكاوتش بيبين العربيه دي مشيت قد ايه تقريبا المفروض يبقى زيرو (زيه زي الاستبن) سيبك من العداد
2- بص على العربيه من تحت عشان انا استلمت عربيتي و بعد 200 كيلو لقيتها مرشحه زيت فتيس و اتغير بالكامل في الضمان
3-اقرا موضوع الاستلام و التلين الجيد لسيارات نيسان و طبقه
و قبل كل ده توكل على الله و تمنى الخير هتلاقيه ان شاء الله
مع تحياتي و نفسنا نشوفك ان شاء الله في مقابلاتنا