الموضوع: ما هى الآثار السلبية للجنوط السبور على العفشة ؟

المشاركة الأصلية كتبت بواسطة fbiahmed

و رئيس حزب وسوسني شكرا بعد اذنك

هههههههههههههههههههههه معلش نسيت يا عم احمد لا مؤاخذة

المشاركة الأصلية كتبت بواسطة MMamdouh

مع الاخذ فى الاعتبار ان عربيات كتير بتنزل بكذا مقاس حسب السوق و التجهيزات فا مش قاعدة ان المقاس اللى نازلة بيه عربيتك هو الاصح و الباقى غلط او اقل صحة

زى ما قولت بالظبط حسب السوق والتجهيزات وده بيأكد الكاوتشات اللى بقللت وطلعت بلالين فى السيراتو والفيلوستر بجنوط كبيرة عشان الطرق فى مصر مليانة حفر
ده اللى اقصده ما ينفعش اجيب عربية بجنوط معينة فى السعودية مثلا وانزلها فى مصر لان فيه فروقات جوهرية فى الطرق والمطبات وغيرها
ومش معنى كده انه غلط .. انا قصدت انه ما ينفعش

المشاركة الأصلية كتبت بواسطة MMamdouh

فية ماركات محترمة زى مومو و او زى و بى بى اس دى ماركات عالمية و صناعتها تفوق الجنوط الاصلية بمراحل



فى الغالب بيبقى الجنط السبور اخف خصوصا لو بنتكلم فى نفس المقاس... و كقاعدة عامة لازم تجيب جنط يكون خفيف لان كل ما كان الوزن الغير منبوض منخفض كل ما زادت كفائة عفشة العربية و اتحسن الثبات بتاع العربية

المشكلة ان غالبا كل ما وزن الجنط خف كل ما دة اثر على متانتة... عشان كدة بتلاقى الجنوط الصينى بربع جنية ووزنها خفيف جدا... دى مع اول مطب حلو هتتفلق اتنين... انا شوفت مناظر مرعبة عند الثلاثية بتاع تصليح الجنوط فى الحرفيين لما فرجنى على جنوط صينى مكسرة... تفريبا الجنط بيتفرتك كما لو انه معمول من البسكويت

الماركات العالمية اللى ذكرتها قبل كدة بتبقى فعلا خفيفة بس متينة جدا... بس المشكلة ان سعرها مكلف جدا جدا... الحل الامثل هو ان الواحد يجيب جنط اندونيسى او تايوانى عشان يبقى جامد شوية عن الصينى و برضة مش تقيل اوى و فى نفس الوقت سعرة مناسب

MMamdouh

.. وما تنساش كمان فرق الاسعار وده اللى بيخلى كتير يركبوا صينى لمجرد الشكل وخلاص بغض النظر عن الامان
وبالنسبة للجنط اللى بينزل فى العربية من التوكيل بيكون متجرب ومعروف مدى كفاءته لأنه لو تعبان كان اتغير
واضيف ان كلامنا بخصوص الصنى تحديدا مش كل العربيات لأن الصنى كوزن وعفشة مش بيستحملها اى كاوتش ولا اى جنط واحساس اللى راكبها بيفرق جامد لو حاجة راكبة فى العربية مش ملائمة ليها .. ده كان قصدى واللى فى دماغى وانا بأرد فوق