سؤال لأبو عبدالله

**Waleed_aboammar** · 28-05-2008 10:15 AM

بقالى فترة طويلة بقارن بين عربيات كتير فى الرانج بتاع السريون و توجهت إلى معرض شارع النزهة و كنت عايز أشوف السيريون أوتوماتك و بالفعل عجبتنى جدا بس المشكلة الحالية انى سمعت ان سحبها بيضعف مع التكييف طبعا اللى ممكن يقولوا كده اللى بيحبوا الجرى و الشد و اللى انا مش منهم.

يا ترى الكلام ده صحيح و كمان أحبار المصاريف الدورية بتاعتها خلاف البنزين و الزيت.

و أخيرا اشكر لك اهتمامك بمحبى هذه الماركة الجميلة

**mohamed_rhem** · 28-05-2008 10:53 AM

اولا اهلا بيك يا استاذ وليد بيك في قسم الديهاتسو
ثانيا انا عارف ان السؤال لابو عبدالله هو إن شاء الله حيرد عليك بأستفاضه
بس احب اوكدلك ان مصاريف العربيه ممتاذه للفئه بتاعتها وتقدر تراجع احد مواضيع ابو عبدالله عن اسعار قطع الغيار مثبت في القسم
ثانيا انا لم اسمع عن مشكله التكيف علي السرعات العاليه ابدا لان تصميم البساتم مصمم لانه ياخد مشوار اكبر في الطلوع والنزول وده بيدي عزم اشد
طبعا مميزات العربيه لا تخفي علي الكل
واستني الرد الفني من ابو عبدالله حيفيدك بالحقائق والارقام

**Waleed_aboammar** · 28-05-2008 03:19 PM

جازاك الله خيرا على الرد السريع الوافى يا أبو عبدالله بس فيه حاجة كمان ممكن أطلبها منك لأنى نويت اتوكل على الله و أجيبها اوتوماتك جى ل اكس 1300 سى سى فهل تحتوى على Abs , Ebd و لا ايه

و هل ممكن استأذنك فى تجربتها؟

**أبو عبدالله** · 28-05-2008 03:26 PM

الكاملة glx
فيها ABS و EBD

اما بخصوص التجربة فانا معنديش مانع ان شاء الله
ممكن حضرتك تيجي يوم المقابلة بتاعت الأعضاء ان شاء الله وتجربها بإذن الله

**Mezox** · 28-05-2008 03:28 PM

مفيش sirion 1300 GLX دلوقتي

**أبو عبدالله** · 28-05-2008 03:33 PM

بيقولوا في شهر 6 ان شاء الله هتيجي

**aliabutaleb** · 28-05-2008 03:58 PM

المشاركة الأصلية كتبت بواسطة Waleed_aboammar

جازاك الله خيرا على الرد السريع الوافى يا أبو عبدالله بس فيه حاجة كمان ممكن أطلبها منك لأنى نويت اتوكل على الله و أجيبها اوتوماتك جى ل اكس 1300 سى سى فهل تحتوى على Abs , Ebd و لا ايه

و هل ممكن استأذنك فى تجربتها؟

ما بلاااااااااااااااااااش 1300 GLX

انا باهزر طبعاً
المهم استفيد من تجارب الآخرين اللي زيي
وحاول بقدر المستطاع تحجز بدري
لاني حاجز بقالي شهر ونص ولسة مش واضح الاستلام إمتى
هما كل شوية بوعد
وآخر وعد بالنسبة لي 15 يونيو
لعلهم صادقين
وإن كنت أظن إنهم في الفترة الجاية مش هايخلوا فيه فترات كبيرة في التسليم لأن الطلب هايزيد خصوصاً على الـ 1300
ممكن يزودوا الكميات المطلوبة أو يكثفوا الشحنات إنما بعدهم عن السوق في الفترة الجاية أكيد مش هايكون في صالحهم

**Waleed_aboammar** · 31-05-2008 09:51 AM

أكون شاكر بس هو المعاد امتى و فين

**أبو عبدالله** · 31-05-2008 11:58 AM

المشاركة الأصلية كتبت بواسطة Waleed_aboammar

أكون شاكر بس هو المعاد امتى و فين

لو تقصد ميعاد المقابلة
ان شاء الله المفروض في معرض السيارات القادم بإذن الله
ممكن حضرتك تتابع في ساحة الاجتماعي
بنبقى نكتب عن المقابلة ونحدد فيها كل حاجه ان شاء الله