بتستعمل حزام الامان عالطوال ولا عند الكمين فقط
عرض للطباعة
بتستعمل حزام الامان عالطوال ولا عند الكمين فقط
استعمله باستمرار حتى داخل المدن وده عشان بينرفز من الصوت اللي بتعمله العربية لو عديت 20 من غير حزام
باستعمله باستمرار
من ناحية اهو الواحد بيأخذ بالأسباب كنوع من الامان
ومن ناحية تانية عشان مش ناقصة وجع دماغ مع بهوات المرور
الحمد لله باستعمله من قبل القانون ده ما يطلع اصلا..
و عربيتي مش بتعمل صوت لو الحزام مش راكب بس برضه باستعمله..
ولو قعدت جنب حد سايق برضه باركبه.. بقي تعود..
طبعا بستعمله وبقت عندي حركة غير إرادية إني أول ما أركب العربية بحط حزام الأمان وبصراحة بشوف الشخص إللي بيستهتر بحزام الأمان او مش بيحطة إنه إنسان "غير متحضر" !
بعد ما اقفل الباب لازم اول حاجة اعملها انى احط الحزام قبل ما ادور العربية كمان
انا بستعمله علي طول
بستعمل الحزام قبل ما ادور العربيه حتى لازم اربط الحزام مش خوفا من القانون
لكن خوفا على نفسى اولا لا قد ر الله وحصل مكروه
بستعملة من قبل ما ينزل فى قانون المرور بسنين
الحزام من الحاجات اللى الواحد مبيعرفش قيمتها الا لما تحصل مصيبة.... ربنا يكفينا و يكفيكوا شر المصايب
MMamdouh
ربط الحزام عتدى اصبح عادة
الحزام بالنسبة لي عامل زي اما تنزل الهاند بريك و تدي غيار...العربية ماينفعش تتحرك من غيره...و ديما تنبيه للي قاعد جنبي لازم ربط الحزام....
ببقي حاسس اني ملهلط و انا مش لابسه :)
مبعرفش امشي من غيره بحس اني سايح في العربية و حقع !
بصراحه داخل البلد لا استعمله اطلاقا اما على الطرق السريعه لازم استعمله
مابعرفش أدور إلا بعد ربط الحزام و لو حصل سهوا بأقف و أربطه و بعدين أمشي.
اقتباس:
مبعرفش امشي من غيره بحس اني سايح في العربية و حقع !
LOOOOLاقتباس:
علي فكرة احنا لازم نتقابل :boxing_smiley:
LoL
أكيد يا كريم....ان شاء الله في أقرب فرصة:devil2:
باستعمله باستمرار الحمد لله ومن كتر التعود بقيت ألبسه وانا مش حاسس حركه لا ارادي ومابقتش اعرف اسوق من غيره خالص نفس شعور NaderNabil و CryptonX بالظبط :arghh: وكمان من كتر التعود اوقات انزل اكون مش هاتحرك بالعربيه دلوقتي هانتظر حد مثلا الاقيني قاعد في العربيه ورابطه مع اني ما شغلتش العربيه حتى.
بسم الله الرحمن الرحيم
بستعمله دائما , و وجود الحزام كان شرط أساسى بالنسبة لى فى أول عربية أمتلكها سنة 1997 , و أصبحت عادة و حركة لا أرادية أول ما أركب العربية أنى أربطه. هو معمول لسلامتك أولا بغض النظر عن القانون , داخل البلد أو خارجها واحد يا مادا لا يقل أهميته :) عود نفسك تستخدمه جوه البلد برده لوسمحت :)
شكرا جزيلا يا أستاذ أسامه على الموضوع :)
بستعمل الحزام من قبل القانون ...
بس عندي سؤال .. معايا فيرنا ..حاسس ان الحزام مبيمسكش .. ازاي نقيس الحزام بمقياس صحيح
طبعا فيه ناس هاتقول شده بعنف ان مسك يبقي شغال
بس ده مقياس مش دقيق .. لان بعنف دي تختلف من واحد لاخر .. كده كاني بسأل ازاي اعرف ان الضغط مضبوط داخل الإطارات وحد يقولي اضغط عليهم بيدك لو وجدتهم محجرين يبقي تمام ..
يا جماعه ايه المقياس ؟؟
بسم الله ما شاء الله الواضح ان الناس في مصر بقي عندها وعي بدواعي الامن والامان وده حاجه جميله
بس انا شخصيا مش عارف ليه ببقي مخنوق وانا رابطه مش عارف بس ده عاده بقالها 15 سنه
يعني بحاول لما اكون مسافر اربطه او لما يكون في كمين مش عارف ممكن يجي وقت واربطه قبل ما ادور العربيه ؟؟ كل شيء جايز
أنا أربطه بمجرد جلوسي على المقعد ، وأشير لأي حد راكب جنبي أنه لازم يربطه
الحزام عندي عادة باعملها بشكل لا إرادي
باستعملة بإستمرار وباربط الحزام قبل ما أطلع ... والموضوع عندي بقى إدمان لدرجة إني لما مبربطوش بحس إني هقع من العربية ... أوعى حد يضحك
حزام الامان هام جداً حتى وانت ماشي على الغيار التاني على سرعة
40!!، متعرفش ممكن تلاقي عربية خبطتك من الخلف ولا تلاقي انتحاي
من اللي بيعدوا الشارع اترمى امامك فهتضطر انك تقف مرة واحدة.
انا اساسا بحب البسه من زمان من و انا صغير و انا لما كنت اقعد جنب والدى و هو سايق كنت بلبس الحزام بس احيانا الناس كانت بتتريق عليا فمكنتش بلبسه علطول لحد ما موضوع القانون ده طلع ما صدقت اتلككت بيه و بقيت البسه علطوللللللللللللل:049:
برده انا مبعرفش اسوق من غير الحزام بحس اني هتنطر برة العربية!
و بحس انه امان في الطرق السريعة اللي اشبه بالسيرك القومي
اوحتي داخل المدينة عشان ممكن واحد سكران يلبس فيك من الخلف و يلبسك في الإزاز
اضافة الي انه بجد بيديني احساس السواقة بالكامل خاصة في الطرق السريعة
والله أنا مبسوط من نتيجة الاستطلاع ده
انا طبعا بستعمله على طول
ما شاء الله الاراء كلها تنادى بربط حزام الامان ! مع احترامى لوجهة نظر جميع الزملاء بس اعزرونى هختلف معاكو بصراحة اول ما باربط حزام الامان دة بحس ان خنقنى وكان شئ ثقيل جاسم على صدرى - مبرتحش خالص وانا لبسه وبصراحة باستعمله مضطر فى السفر او لو حسيت ان فى كمين مرور .
لكن انا لى وجهة نظر فى الموضوع دة - مبنكرش ان هو ليه فوائد - بس فى عيوب ايضا بخلاف ما اوضحت - ماذا يحدث لوانه لاقدر الله اثناء القيادة حدث حريق فى السيارة او وقع حادث وسقطت السيارة فى المياة - ما فائدة حزام الامان بالعكس ارى انه فى هذه الحالتين السابقتين اصبح حزام الخطر والموت . وهذا رأى الشخصى:dots:
زى ما بدور العربية وبنقل على الd بربط الحزام
بقى حاجة روتينية عندى
بستعمله بإستمرا داخل المدن و فى السفر
الحزام ده مهم جدا جدا
ورغم إنى بستخدمه بإستمرار
لكن يشاء السميع العليم إنى فى مره مربطهوش وعملت حادثه وكسرت قزاز عربيتى براسى
والحمد لله على كل شىء
بحس بحاجة غلط و انى حقع و حتدلق قدام مع الفرامل وى كريم و نادر و بحطة اول ما اركب العربية قبل ما ادور
أكيد بلبس الحزام .. مش عشان الأمان أو كده ... لكن أكيد عشان المخالفات ... عندنا في المنصورة الموضوع ده صعب أوي ...
مسميين عساكر المرور عين الصقر (ده غير عبن القط) ... ملهمش شغلانة إلا إنهم يشوفوا مين الي نسى يحط الحزام
وزي ما أستاذ إمام قال فعلا ً في قانون المرور الدولي ممنوع إنك تلبس الحزام في طريق فيه مجرى مائي ... ومعظم الطرق في مصر عندنا كده ... بس هوا تقليد أعمى وخلاص
باستعمله من ساعة لما تعلمت السواقة و علشان كده اول حاجة باعملها بعد دعاء ركوب العربية هو ده - بس للاسف لما باكون مش سائق مابستعملوش.