ده غسيل اموال و لا ايه بالظبط ؟ ارجو الرد

**Land_Cruiser** · 19-01-2012 06:56 PM

الموضوع ده طبعا حكايه نصب مشهوره قوى و بعدين فكر فيها بالمنطق كده هو يعرفك منين علشان يحولك ملايين ؟ و بعدين جاب ايميلك منين كمان و هيستفيد ايه؟ الناس دى بتبقى عصابات منظمه و بيحكيلك قصه طويله عريضه و بعد كده بيطلب منك رقم الحساب بتاعك علشان يحولك الفلوس عليه و شويه مصروفات اداريه و طبعا بيسرق الفلوس اللى فى الحساب و المصاريف و يخلع بعد كده و احيانا يقوللك صاحب الفلوس مات فى حادثه طياره او كان مسؤول أفريقى كبير محجوز عليه او اى قصه وهميه و طول عمرهم بيعملوها فى امريكا و اوروبا بس واضح ان الازمه الاقتصاديه ماثره و خلت الحراميه يدوروا علينا ماهم شافوا كميه الفلوس المسروقه مننا و المتهربه بره البلد و إد ايه احنا ناس طيبين قالوا طب ما ينوبنا من الحب جانب

**BLOODY_STONE** · 19-01-2012 07:05 PM

نصبايه قديييييمه اوي دي انا وصلتلي حاجات من دي من زمااااان

**mr_vampire** · 19-01-2012 08:24 PM

والله كنت داخل اقولك بتوع بوركينافاسو معهمش اصلا 15 قرش فكة ويصعبو عليك لقيته بيرد عليا وبيقول انه حساب بتاع واحد فرنسي مات هو وعيلته فحادث طيارة. وخلاص يعني هو الوريث الشرعي ( هلي اساس ان البوكينافاسويين فيهم شبه كبيييييييييييير من الفرنسيين ).

اتعملت فيا من زماااااااااااااااااان بس في صورة جايزة وانا اللي زاولته وطلب مبلغ احولهوله عشان اجراءات تحويل واستلام جايزتي اللي مش غاكر كانت كام مليون يورو ( ميعرفش انه اختار الفائز الغلط واني لو هحول جنيه واكسب مليون لاء بردووووووووووووووووو ).

فالاول قولتله اخصم اجراءات التحويل وحلاوتك وسجايرك وحاجات حلوة للعيال ولادك وابعتلي الباقي هههههههههههههههه . قالي مينفعش.

بعد كدة انا اللي استلمته وزاولته وبعتله رقمي وقولتله بعتلك المبلغ بقي يتصل بيا يوميا مرتين تلاتة ههههههههههههههه ولما يتقل ابعتله ميل اقوله بعتهولك تاني يقوم يجيلي جررررررررررررررررررررري ههههههههههههههههه.

فالاخر اتفصل مني وفاجئني المفاجاة الفوجائية اللي كسرت قلبي وحطمت احلامي وقالي انا كنت بضحك عليك وخسرتك المبلغ اللي بعتهولي مرتين . فقولتله مش لما اكون بعتلك اصلاااااااااااااااااااااا ا

لو فاضي وعايز تتسلي ابعتله رقمك وزاوله شوية وتبقي تسلملي عليه وتقوله انا اللي اخويا كسب معاكو جايزة ال50 مليون يورو قبل كدة ههههههههههههههههههههه

**SHNORY** · 19-01-2012 09:22 PM

تعالي اغسلهملك انا
اديلك عربيات من عندي واخد منك الفلوس اظبطهالك
موضوع العربيات اهوه
http://www.nilemotors.net/Nile/265259-a.html

**koheya** · 20-01-2012 03:21 AM

الميل دة بيتبعتلى من زمااااااااان قوى ووقف فترة واليومين دول رجع تانى.واحد معايا فى الشغل مشى معاهم من فترة ونصبوا علية فى 300 جنية استرلينى بس الميل كان انة اتعمل سحب على اسماء الميلات والسحب العشوائى اختار الميل بتاعة وحيكسب 500الف دولار بس يحول رسوم 300 استرلينى وفعلا حولهم ودلوقتى معاة 500الف خيبة تقيلة

**moh19227** · 20-01-2012 04:51 AM

قديمه كيك يا باشا
انا في واحد كلمني من فتره قالي هحولك مش عارف كام مليون استرليني علشان تحولهم لواحد في افريقيا مش فاكر كان فين بالظبط وهتاخد العموله بتاعتك كام مليون بردو - بس استرليني يا عم الحج - المهم قولتله ابعتهمله علي حسابه علطول قالي مينفعش قولتله ابعتهم عن طريق ويسترن يونيون تقريبا قالي مبيحولوش الكميه دي قولتله فكك مني :)

**aif** · 20-01-2012 01:57 PM

انا ح افترض جدلا انه مش نصب
و ح افترض انه ح يحوللك الفلوس بجد
مع ان ده طبعا مش حقيقي
السؤال : هل انت تقبل انك تشارك في الاستيلاء على اموال مش بتاعتك ؟؟؟
يعني الفلوس دي لو فعلا وصلتلك ..... تبقى حلال ولا حرام ؟؟؟؟

**nazekbakr** · 05-02-2012 02:10 AM

المشاركة الأصلية كتبت بواسطة mohamed_selim

لو قلتله ماشى هيطلب شوية بيانات و بعدين هيطلب منك مبلغ لدفع المصاريف بتاعة التحويلات و كده لأنه مش عايز يبان فى الصوره و الفلوس مقفوله و مش عايز يعمل دوشه حواليها عشان محدش يبص فيها و كلام هجص و هيطلب منك 50-60 الف دولار ... هتحولهم زى الشاطر و انت بتفكر فى ال 6 مليون و استنى بقى لما يبقى يكلمك !!!

تمام الله ينور عليك انته راجل فاهم وشكلك جايلك رسايل من دي كتير واللي يقولك فزت بعربية بس ادفع الرسوم كله نصب في نصب