:verygood::verygood::verygood::verygood::verygood: :verygood::verygood::verygood:
من الآخر كدة انا هكتب احتياجاتى فى العربية اللى عايزها وتقولولى أجيب ايه والترتيب بالأهمبة
1. قيادة مريحة على الطرق السريعة ( عدم الاحساس بنزلات وارتفاعات الطريق)
2. اعتمادية وقلة أعطال
3. العزل (يعنى لما أقفل الزجاج ما أسمعش صوت من الخارج - موتور + دوشة العربيات التانية)
4. جودة التقفيل من حيث الخامات والفينيش
المبلغ المتوفر : 130000
ممكن مستعمل و يا ريت زيرو طبعا بس لو مستعمل مايكونش ماشى كتير ( 50000كم بالكتير اوى اوى)
مع احترامي للتيدا اللي اكيد كويسه طالما الناس المحترمه شكرت فيها بس الموضوع زي مايكون واحد طلق مراته وراح يتجوز طلعت هي
ممكن تشوف الفلواينس زيرو او تشوف اوكتافيا مستعمل خفيف اول فئه و بالتوفيق
انا كان معايا ميجان وكرهت الفرنساوى
ال a5 بيقولوا ان عزلها وحش أوى وبتسمع صوت الموتور أوى وتقيلة
انا نفسى أعرف حاجة..........هو ايه الفرق فى الكارينز والتييدا مثلا .....أو المازدا 3 (اليابانى بوجه عام)
بعنى انا شايف ان الكارينز نجحت اوى فى مصر.......وده معناه انها كويسة
وانا مش من هواة الشد والسحب والكلام ده...........انا عايز عربية تكون مريحة وانا سايقها وتستحملنى وتعيش ومايبانش عليها العمر ..........وفى نفس الوقت قليلة الأعطال
يعنى مثلا الفوكس عربية محترمة...........لكن مش ماشية فى مصر............ليه؟؟؟؟.........أكيد عشان فيها مشاكل وقطع غيار غالة
والجيتا فيها مشاكل..........بس نوعا ما موجودة ومنتشرة
انا قربت أتجنن...........مافيش عربية فيها كل حاجة..........لكن المفاضلة صعبة أوى
على فكره المازدا 3 قاعدتها مش عاليه زي ما حضرتك متصور
حاول الاول تركب المازدا وتشوف ان كنت مستريح فيها ولا لأ
وبالنسبه لاختيارات تانيه في الانسر شارك اعلى فئة كسر زيرو وفى الكرولا 2010 الفتيس الاتوماتيك العادي
وممكن بي ام 318 مو 2005 اوتو أو 316 مو 2006 مانيوال
انا مابقصدش بالعالية تبقى زى الشيروكى ولا الكارينز.........انا قصدى زى الميجان مثلا ......المهم عندى ماتبقاش زى السيفيك عشان انا بحس ب أقل حاجة فى الطريق...بسبب قربى من الطريق
وفى نفس الوقت العزل بتاع السيفك مش مريحنى.......بس الموتور بتاعها أكثر من رائع........نااااااعم والفتيس بتاعها جميل جدا..........فا أنا خايف أنزل من السيفك وأروح للكورى والاقى حاجات تانية فى الكورى تقرفنى وتبقى عمالاى عقدة زى اللى عملتهالى السيفك والميجان
انا الميجان خلتنى أحب الركوبة العالية والعزل
والسيفك خلتنى أحب نعومة الموتور والجودة والخامات العالية
فا هل هلاقى طلبى فى المازدا أو الكارينز؟؟؟؟؟
انا بشوف المازدا 3 الشكل الجديد عالىة وبشوفها وانا راكب السيفك أكنها عربية عالية