الموضوع: مقارنة غريبة شوية بس فعلا محتار جدا ومحتاج مساعدة

انا معايا سيفيك 2009 وبصراحة مش مستريح فى سواقتها...انا بحب العربيات اللى قعدتها تكون عالية
ومحتار ومش عارف أجيب ايه؟؟؟؟
محتار بين المازدا 3 ......والكارينز.........طبعا حيرة غريبة وأكيد بتضحكوا
بس أعمل ايه......الكارينز كبيرة ومنتشرة وواسعة اوى وقطع الغيار موجودة
المازدا طبعا عربية محترمة ويابانى نضيفة بس قطع غيار قليلة وغالية
المهم انا عايز حد يقوللى الأفضل فى الآتى:
1. القاعدة والراحة فى السواقة فى السفر
2. العزل وعدم سماع ضوضاء أثناء السفر
3. مش فارق معايا الموتور وقوته.....انا عارف طبعا ان المازدا تكسب
4. العفشة والاحساس بالمطبات
يا ريت حد يدلنى عشان انا هبيع السيفيك ان شاء الله وعايز أستقر

بص أنا ركبت الكارنز ... مريحة جدا و التقفيل فيها حلو .
صوت الموتور معقول و السحب معقول و الحجم حلو و عائلية قوي .

بصراحة مش عارف ليه الناس بتقول الهوندا أحسن ليه ؟
مع أن دي فئة و الهوندا فئة
يعني الهوندا السيفيك أحسن من السيراتو ......... إنما أحسن من الكارنز في أيه و هما مختلفين تماما عن بعض من ناحية التصميم و الفئة ؟؟؟؟؟؟؟؟؟؟؟

معلش مش كل حاجة علشان كوري و ياباني يبقى الياباني أحسن و خلاص ........ سامحوني مش بالع الكلام ده نهائي !

شوف يا أستاذي ,,,,,,,,,,,,,,,, لازم تجرب الكارنز الأول علشان تعرف هاتناسبك و لا لاءة
و أدخل أسأل أصحابها اللي بيستخدموها في قسم كيا

هنا كل واحد هايقولك رأيه الشخصي و تفضيله للشئ بما فيهم أنا أو أي حد تاني
أنت ميال للكارنز و عايز عربية مريحة
فطبعا قسم كيا يفيدك أكتر حاجة -------- بالاضافة انها مختلفة عن السيفيك (أنا بأكد على النقطة دي علشان أحتيجاتك مش ماشية مع الهوندا )
و مش لازم تروح تشتري حاجة ألماني علشان تشعر أن العربية حلوة أو كفائتها عالية

شوف التجارب الفعلية للناس أصحاب العربية
و على فكرة أنا مش بحب كيا سيراتوا و مش بحس أن جودتها عالي و ليه عليها تحفظات كتيرة
بس مش معنى كدا أن أقفل من كل الماركة