اقتراحات لتعديل اللانوس و الجوليت

**ehabomar1987** · 19-01-2012 05:20 PM

بقالى فتره كبيرة بدور على اى حاجه ممكن اعدل بيها عربيتى الجوليت بس مش لاقى و التكلفه كمان متكونش غالية علشان الميزانية يعنى مثلا فوانيس ليدات خلفى و فوانيس عدسات امامى و شداد الموتور و العدادات و حاجات تانيه طبعاا ففكرت اعمل الموضوع ده علشان كده ان كل واحد معدل عربيته او عايز يعدلها يقول ازاى و ممكن نلاقى الحاجات ديه ازاى و فين اسعارها ايه لانى لاحظت ان عربيات كتيرة بتتعدل كل ما اسئال على يا ترا موجود منه للانوس او جوليت يبقى مفيش و اكيد الواحد بيبقى عايز يشوف عربيته مختلفه

**a7mous** · 19-01-2012 05:36 PM

معاك واللهى فكرة حلوه

**aliyehia** · 19-01-2012 06:36 PM

بص يا سيدى انا معايا جوليت
و العربيه دى شكلها متعدل خلقه
يعنى مش محتاجه اكثر من كاوتش عريض و ممكن طاره سبور و لو غاوى يبقى فيميه خفيف
اكثر من كده يبقى over
على فكره انا غيرت الشبكه الاماميه ببتاعه الشيفروليه اللانوس ( بتتباع جديده ب 75 جنيه) و الاول شلت الخوصه النيكل الى بتحمل شعار شيفروليه فى نص الشبكه و لزقت كلمه لانوس ( بتتباع ب 10 جنيه) الى بتبقى على الشنطه فى نصف الشبكه ودلوقت عامله شكل جديد ووقت ما احب ممكن ارجع القديمه

**lanos_power** · 20-01-2012 03:51 AM

يا سلام اخيرا حد بيفكر انه يعدل اللانوس او الجوليت اخيرا لقيت حد يظبت العربيات دى
بص يا سيدى
اولا فى الكساحه اللى بتركب على الاكصدام اللى قدام
شبكه الشيفروليه بس انا رايى ان الواحد كمان يشيل الشبكه السوده و يعملها سلك و تترش كلها اسود مط
ممكن تعمل الفوانيس اسموك
ممكن تركب مرايات الا m3

**shfra** · 20-01-2012 04:12 AM

وعلى فكره الفوانيس لما تتعديل خلفى ليدات وامامى سموك بس كده سيمبل بتكون صايعه اوى
وفيه مامادو هنا فى المنتدى بيعدهلم بس معرفش اسعار كام
وممكن تركب جنط حلو كده وكاوتش عريض انا عامل كده فى جوليتتى و تركب رابر فى الاكصدام الى قدام بس كده
اتفرج على الصياعه ولو عايز تصرف يبقى كرسين سباركو وصباح الفل :d

**ehabomar1987** · 21-01-2012 07:10 PM

انا كنت بفكر اغير العدادات حد عنده اى اقتراحات و ياريت بكام و من فين ؟
و يعنى ايه فوانيس امامى سموك ؟
و ياترا مين بيعدل الفوانيس الخلفى ليدات و بكام و فين ؟
و ياريت اللى عامل حاجه فى عربيته بصورهلنا و يرفعها .