ربنا يتمم شفاؤه على خير يا رب
عرض للطباعة
ربنا يقومه بالسلامة جزا الله خيرا كمل من شارك و ساعد و لو حتى بالدعاء
ان شاء الله يقوم بالسلامة
شكرا لكل من الحاج احمد ومدام نور وربنا يجازيكم خير
والله يا كفرواي اناالوحيدة اللي مغملتش اي مجهود
انا قعدة في بيتي معززة معملتش اكتر من مشاركات كتابة واتصالات موبايل
بجد اللي تعب اكتر حد الحاج احمد وضحى بمجهودها ودمها
اصلا الولد سمعت عنه انه ماشاء الله دمه خفيف و بعد مااخد دم ضحى الخفيف مش هايبقى في حد زيه
بمناسة دمه الخفيف ضحى حكيت لي موقف عنه
بتقوله قبل العملية انت هاتدخل تعمل شوية تحاليل قالها منا عارف اني هاعمل عملية المهم هاتأكلوني آه بعد العملية بجى :)
وفي ناس مش معروفة ساهموا بمجهودهم في نواحي تانية في طرق صحيح مستخدمنهاش لكن ثوابهم عند ربنا زي د احمد سامي توصل لعلاج على نفقة الدولة في المنصورة بس كنا خلاص مشينا في خطوات العملية هنا وتم تجميع جزء من المبلغ وفي شنوري جزاه الله خير كمان هو اللي وصلني بيه لانه مش بيدخل المنتدى من زمان
فالحمد لله الخير موجود في الناس بالفطرة وكل اللي قدر يساهم بحاجة ساهم
الحمد لله الولد خرج من الرعاية المركزة اليوم للغرفة العادية ووالده بيقول انه كويس الحمد لله
بعد ما اطمئنينا على الولد احب اقول ان المبلغ الخاص بالعملية تم دفعه مباشرة للدكتور محمد نصر اللي عمل العملية وهو 15000 جنيه
وباقي المبلغ وقدره 1462 جنيه تم تسليمه لوالد الطفل لزوم المصروفات اثناء الفترة الحالية بعد العملية
وقمت بتسليم المبلغين بحضور زميلتنا الدكتورة ضحى
انا باقول كدة مش عشان حاجة غير انه لزوم الشفافية الواجبة في الامور التي تتعلق بأموال يتم جمعها من مجموعة من الناس
لازم يبقى معروف الفلوس التي تم جمعها بالتفصيل وكيفية انفاقها بالتفصيل برضه
والد الطفل كلفني بابلاغ سلامه وشكره وامتنانه لكل من ساهم في هذا العمل بأي وسيلة ويسألكم الدعاء للولد بالشفاء
اخيرا تقبل الله منا جميعا وجعله في ميزان حسنات كل من تبرع بمال او جهد او وقت او معلومة او ساعد او شجع او قام بالدعاء
والسلام عليكم ورحمة الله وبركاته
بارك الله فيكم
بجد ربنا يباركلكو