بعد العرض على لجنة الجراحة بيتحدد ميعاد العملية وتكاليفها بالظبط والطبيب المعالج وبناءا عليه يفتح حساب
عرض للطباعة
بعد العرض على لجنة الجراحة بيتحدد ميعاد العملية وتكاليفها بالظبط والطبيب المعالج وبناءا عليه يفتح حساب
فى الانتظار اعزك الله
في انتظار افتتاح باب التبرعات
وربنا يقدرنا ونساعدة يارب
السلام عليكم
ابو الولد كلمني دلوقت والولد اتعرض على لجنة الاطباء واتعمل له الفحوصات اللازمة للعملية
وطلبوا منه يروح يوم السبت يتحجز استعدادا لعملية قلب مفتوح
سأل عن موضوع يفتح حساب باسم الولد
الله اعلم هو مفهمش ولا هم مش فاهمين بس قالوا له مفيش حاجة اسمها فتح حساب الا في حالة التبرع للمعهد
مع اني سألت والموظف هو اللي كان قالي كدة في التليفون
المهم عشان انا عارفة ان ادراكه للامور على اده وعشان منضيعش وقت تاني لاني حاسة ان الاب نفسه مش فاهمني ومعرفش يوضح للموظف ومعتقد انه هايفتح حساب زي حساب البنك
الخلاصة انه معرفش يفتح حساب
حضراتكم تبدأوا تجمعوا االفلوس مع الحاج احمد او د ضحى ايهما اقرب واسهل ليكم بعد الحاج احمد ما يكتب رقم حسابه بالبنك
والحاج احمد بعد اذنه هانتعبه معانا شوية يقابل الاب ويروح معاه يدفعهم
تكاليف العملية حوالي 12000 او 12500 وقالوا هات 15 تحت العجز والزيادة
انا بقول ندفع ال 12 بس ولو احتاج تاني مش هايبقى صعب علينا نجمع 3000
بالمناسبة فصيلة الدم o سالب ويوم العملية لما يتحدد اكيد في ناس تحب تتبرع ان شاء الله يبقى جزاهم الله خير وان باذن الله هابقى موجودة معاهم يوم العملية
من فضلك يا حاج احمد ابعت لي رقم موبايللك
ومن فضلكم اللي يتبرع يبلغني على الخاص
وجزاكم الله خير
بسم الله الرحمن الرحيم
نبدأ التبرعات
...
...
حسابي في بنك الاهلي سوستيه جنرال رقم[gdwl] 48 - 11312030765[/gdwl] فرع العباسية
وطبعا يمكن الايداع من اي فرع للبنك المنتشرة بالجمهورية
رجاء التأكد من الاسم عند الايداع بالحساب منعا أي خطأ
الاسم : احمد ابراهيم عبد الفتاح
ومن يودع اي مبلغ يتفضل مشكورا بارسال رسالة على الخاص لي ولمدام نور فيها المبلغ الذي تم ايداعه للتأكيد
....
جزاكم الله خير
ربنا يجازيكم بكل خير ويحفظ اولادكم بخير
نسيت اشكر الدكتور احمد سامي زميلنا في المنتدى على مجهوداته
د احمد بعت لي انه ممكن يعمل العملية في المنصورة على نفقة الدولة وكان عايزه يسافر له المنصورة
لكن بعد ما عرفته ان مشي في خطوات العملية في المعهد وخلاص هانجمع المبلغ من التبرعات قال المعهد افضل ومفيش داعي نشتته ولا نضيع وقت تاني
الف شكر لدكتور وجزاك الله خير
دا شيء عظيم جدا
انا لسة قاري الموضوع دلوقتي وان شاء الله هعمل تحويل بكرة او بعده بالكتير
وبالنسبة للتبرع يوم العملية انا جاهز برده ان شاء الله بس ياريت تبلغوني قبلها بس
باذن الله بكرة او بعده بالكتير وهعمل ايداع بمبلغ الي ربنا يقدرني عليه
وبرده معاكم باذن الله يوم العمليه
وربنا يكرمكم يارب اخ احمد واختنا نور ويجعله في ميزان حسناتكم يارب
جزاكم الله خير
بالنسبة للتبرع بالدم اذا دعت الحاجة
الرجاء ممن يحملون فصيلة o سالب وعندهم الرغبة في التبرع وضع رقم الموبايل بالموضوع او ارساله على الخاص لسهولة التواصل معهم
ان شاءالله هايتم الابلاغ بميعاد العملية فور علمي به
شكرا للادارة لتثبيت الموضوع
اجمالي المبلغ اللي وصل الحاج احمد
6862
ربنا يسهل ونقدر نكمل المبلغ على يوم السبت او الاحد نظرا لان السبت اجازة بنوك
شكرًا للاخت نور القمر و الاخ aif على دورهم الجميل فى هذا الموضوع جزاهم الله كل خير
و إحنا كلنا متابعين الموقف وان شاء الله المبلغ يكتمل بسرعة مافيش مشكله خالص المهم العملية تستعمل كويس و الولد يخف
شكرا دكتور حسام على الدعوات ربنا يستجيب
السبت اجازة كمان في المعهد ان شاء الله على يو الحد يكون المبلغ كمل
هو محتاج كام متبرع o سالب يانور
4؟؟؟
وصلني 3000 من احد الزملاء مساء امس
كدة اللي عندي 9862
ولسة زملاء مأكدين عليا انهم ح يجيبو فلوس السبت والأحد
ربنا يبارك فيكم جميعا ويخلف عليكم بالخير
...
بعد اكتمال الموضوع ح امتب كشف بالزملاء المتبرعين والمبالغ والمسدد للمعهد مؤيد بالايصالات ان شاء الله
لو قلب مفتوح بيحتاجو عالاقل اربع متبرعين نفس الفصيلة ف نفس يوم العملية عشان يكون فريش
لا هو اخر زيارة له يوم الخميس للمستشفى قالوا له قسطرة
معرفش بقى هو اللي مش فاهم وكل شوية يقول حاجة ولا القرار الاخير كان للجراح
ربنا يشفيه ويعفى عنه
وصلني منذ ساعة ونص تقريبا 1100 جنيه من احد الزملاء والمبلغ منه ومن اصدقاء له وسلملي الفلوس باليد في العباسية
ربنا يباركله ويخلف عليه بالخير
...
العملية بتاعت الولد مش ح ينفع تتعمل في معهد القلب نظرا للتعقيدات والطلبات الكتير اللي طلبوها والاوراق والقرارات والتأمين الصحي والتقارير وانتظار دور وعقدو الراجل ومش ح يقدر ينتظر لان حالة الولد مستعجلة
العملية ان شاء الله ح تتعمل جراحة يوم الثلاثاء بعد غدا في مستشفى دار الشفاء بحلوان .....
ح يعملها دكتور محمد نصر وعنوانه 114 شارع التحرير بالدقي
العملية المفروض ح تتكلف 25000
الدكتور خفض المبلغ الى 15000 نظرا لظروف الراجل المادية ... واكيد حيحتاج برضو فلوس تاني للمصاريف والعلاجات وخلافه بعد العملية ح نقدرها وندفعها للمستشفى ولوالد الطفل وربنا يسهل وان شاء الله الفلوس تكفي
وان شاء الله ح اكون في المستشفى يوم الثلاثاء صباحا لدفع المبلغ للدكتور هناك قبل العملية
وان شاء الله ح تكون مدام نور هناك برضو
ولسة ح نرتب موضوع المتبرعين بالدم لأن القلب المفتوح لازم يبقى المتبرعين موجودين في يومها ولازم نفس الفصيلة
ومش عارف لسة عدد المتبرعين المطلوب وجودهم
وبعد العملية ح نطمنكم ولو حد حب يروح يزور الولد في المستشفى يبقى ان شاء الله له ثواب عظيم عند الله
جزا الله خير يا حاج احمد
والله متعرفوش دوشنا الحاج احمد بتليفونات اد ايه وتعب بجد وربنا يجازيه خير دنيا واخرة على تعبه واخلاصه
باذن الله غالبا هابقى موجودة
انا اتصلت بالدكتور وسألته على موضوع التبرع قالي كفاية واحد هنحتاج كيس صغير وممكن يكون حد من اهله
وصلني اليوم 5000 جنيه اللي كانو من احد الزملاء طرف الدكتورة ضحى واودعو بحسابي اليوم وصرفتهم
وكمان 500 جنيه من احد الزملاء اودعو بحسابي وصرفتهم وهو بعتلي رسالة ع الموبايل الظهر النهاردة
كدة المبلغ اللي معايا
5362 دكتور ح . ط عبارة عن 250 دينار كويتي
1500 الزميل أ. إ اودعهم بحسابي من كام يوم
3000 الزميل م. ح تسليم يدا بيد في مكتبي
1100 الزميل ا ح تسليم يدا بيد عند بيتي
5000 الزميل أ ك. اودعهم بحسابي اليوم
500 زميل مش عارف اسمه اوعهم بحسابي اليوم وبعتلب رسالة من موبايل آخر ارقامه 45
الاجمالي16462
...
اعتقد كفاية كدة لأن العملية ح يندفع لها 15000 بكرة الصبح للدكتور والطاقم والمصروفات ان شاء الله و الباقي 1462 ح اديه لوالد الطفل لزوم المصاريف والعلاج بعد العملية .... وده ح يكون برضو بحضور احد الزملاء غالبا مدام نور او دكتورة ضحى
ربنا يبارك في كل من تبرع او ساعد او تعاطف او قام بالدعاء .... والدعاء بظهر الغيب قد اهم عامل في هذه العوامل
يمكن حد مقدرش يتبرع لكن دعا لهذا الطفل وأخلص الدعاء واستجاب له الله .....
ان شاء الله ح اروح بكرة ادفع الفلوس للدكتور قبل العملية مباشرة واطمنكم
لمن يريد ان يزور هذا الطفل في المستشفى
الطفل اسمه محمود رضا
المستشفى اسمها دار الشفاء في حلوان .... ولما اعرف العنوان بالتفصيل والتليفون ح اكتبلكم
الزيارة برضو مهمة للعامل المعنوي للولد والأهل كمان ..... ده غير ثواب عيادة المريض
نسيت اذكر ان احد الزملاء كان مخصص مبلغ عند لتكملة اي مصاريف
ربنا يباركله
ان شاء الله لو احتاجنا اي فلوس زيادة مستقبلا ح يبقى له اولويو ان شاء الله
وكمان احد الزملاء في الامارات كان ح يبعت فلوس البوم على حسابي
نفس الوضع اذا كان فيه احتياج لأي مصاريف اخرى ح اكلمه ويبقى له اولوية ان شاء الله
وكفاية جدا نيتهم الحسنة ..... انما الاعمال بالنيات
....
وكمان شكري للدكتور المحترم اللي ح يعمل العملية لأنه خفض تكاليف العملية الى اقصى حد ... ربنا يباركله
ولنا لقاء غدا ان شاء الله
العملية الساعه كام ؟؟ نور انتي متأكدة ان حد من اهله O-ve ?????
وهيتبرع فين؟ دار الشفاء دي مفيهاش بنك دم غالبا...
والكيس لازم يكون فريش
طمنونا على الاخبار اول باول
الولد الآن في المستشفى من الظهر وبيعملو الفحوص للتجهيزللعملية ومعاد الكتور الساعة 10.30 صباحا
ان ح اكون ان شاء الله 10.00 في المستشفى
أستأذن الناس اللى هتروح يتابعونا أول بأول إن شاء الله...........و مينسوناش.
جزاكم الله خيراً جميعاً.
ربنا يشفيه يا رب
الحمد لله خلاص موضوع الدم
د ضحى مناسبة
ربنا يشفيه و يقومه بالسلامه بس مظنش انه ممكن الاعتماد علي الدكتوره ضحي و بس الحاج احمد كان قال انهم عايزين ٤ اشخاص
دعواتكم للولد ربنا يشفيه ويخرج بالسلامة من العملية عشان المستشفى امكانياتها متطمنش
لسه داخل من نص ساعة تقريبا
الدكتور اخر والحاج احمد وضحى استنوه اكتر من ساعتين
اللهم اشفه شفاء لا يغادر سقماً
اعتقد مستشفى الاطفال الجامعى فى المنصوره بيشتغلوا فى العمليات دى وبالمجان
هتأكد وهبلغكم
ربنا يشفيه واضح انه دخل العمليات ويقوم بالف سلامه
العمليه دى سهله ان شاء الله لو الطفل سنه صغير
السلام عليكم
انا لسة راجع من شوية
الولد دخل العمليات الساعة 12.15 تقريبا والدكتورة ضحى كانت معايا واتبرعت للولد بالدم والحمد لله فصيلتها متشابهه مع فصيلة الولد لانها نادرة شوية
وانا لسة مكلم والده دلوقت والولد لسة في العمليات لغاية دلوقت
دعواتكم للولد ربنا يشفيه ويعافيه