ربنا يكرمه بالشفاء و يجعله فى ميزان حسناتك إن شاء الله.
عرض للطباعة
ربنا يكرمه بالشفاء و يجعله فى ميزان حسناتك إن شاء الله.
معلش يا مدام نور.........فيه فكرة خطرت على بالى مش عارف لو تقدرى تستفسرى عنها.
هل ممكن الأتصال بمعهد القلب و تحديداً بحد مسؤول هناك و إعلامه أن والد الطفل يرفض التبرع و نحاول معاه أن الموضوع يمشى قدام الأب كأنه على نفقة الدولة و نلم التبرعات بدون ما يعرف ؟
الف شكر يا بشمهندس
انا بالفعل اتصلت النهاردة وسألت على امكانية فتح حساب باسم الطفل في المعهد ويتم التبرع فيه
ومعتقدش الاب هيلاقي الفلوس موجودة والمعهد حدد له ميعاد العملية وهيقول لا
بس قلت هدي لنفسي فرصة بكرة كمان يمكن د باهر يرد على اميلي او د احمد سامي يوصل لحاجة جديدة
لو مكنش كدة هروح بنفسي افتح الحساب لكن ماينفعش من وراه لان في تفاصيل طلبها من الموظف اللي رد زي القسم واسم الطبيب وحاجات كدة عشان الحساب وطبعا لازم اعرفها من الاب
بصي يا نور ....
اطلبي البيانات اللازمة لفتح الحساب من الاب على اساس انها محاولة لاصدار قرار علاج على نفقة الدولة او على نفقة المركز بالكامل .... واعتقد انه مش ح يشك في حاجة لأنه اكيد زي الغريق اللي بيتعلق بقشة من الامل .... الله يكون في عونه
وابدأي علطول عشان لو موضوع مجدي يعقوب مش ح ينفع يبقى البيانات جاهزة وان شاء الله المبلغ يكتمل بسرعة .... وكمان اعرفي لو ح يحتاج دم وفصيلة دمه نوعها اية علشان نبقى جاهزين لما ييجي وقت العملية ومانستغرقش وقت في تجميع متبرعين .... الافضل نكون مستعدين من دلوقت وعاملين حسابنا عشان لما يحتاج يلاقي بسرعة ....
نور بلاش تقوليله ع الحساب اعرفي البيانات المطلوبة بالتليفون وفهمية انها لاجراءات علاج علي نفقة الدولة ومش لازم يعرف ابدا حتي بعد العملية لو كدا ياريت تنجزي ف الموضوع دا
مهو انا يا جماعة خايفة بردو افتح حساب والناس تتبرع الاقيه هو اتصرف بطريقة تانية او حد ساعده بطريقة تانية وفي مكان تاني وخوفي لسببين
الاول انه كان عمال يأكد في السؤال اذا كان معهد القلب فيه اهتمام ولا لأ
التاني اني عرفت انه مشي من عندي على بني سويف لدكتور هناك وقالي انه بيمشي في اي سكة تتفتح قدامه
فانا مضطرة اقوله واقنعه واقوله مثلا اعتبرهم سلف ولا ايه رأيكم .. انا عايزة بردو نفكر سوا عشان نوصل لقرار صح في مصلحة الطفل ؟
أنا بصراحة مش عارف احدد
انتي اللي تعرفي الراجل اكتر وتقدري تحددي
حاولي تطلبي منه البيانات على اساس علاج على نفقة الدولة بس تطلبي منه يقولك هو ماشي في اتجاهات إيه دلوقتي على اساس انك هتجيبيها بواسطة كبيرة و مش عاوزة بعد لما تطلبي الخدمة دى مش تستخدميها على اساس ان ممكن يكون حد تاني محتاجها
ممكن نلم الفلوس هنا فى المنتدى وبعدين حتى لو الراجل اتصرف
ممكن نستخدم الفلوس فى وجه اخر من اوجه الخير
وربنا يجازيكى خير ويجعله فى ميزان حسناتك
بعد تفكير يومين و استخرت ربنا وتوكلت عليه ولقيتني ظروفي مش سامحة اخرج بنفسي لمعهد القلب نظرا لاني معايا طفلة صغيرة ومفيش عربية قررت ابلغ الاب بالوضع الحقيقي عشان مضيعش وقته والحمد لله وافق بعد ما اقنعته ان ده رزق ابنه
وهو لو مكنش بكرة اجازة او بعد بكرة هايروح يعمل الاجراءات ويبلغني ببيانات حساب العملية وهابلغكم واللي عنده رغبه في التبرع يبقى جزاه الله خير
او
تختاروا شخص من المنتدى ثقة وعنده استعداد ووقت للسعي في الخير
(انا ارشح الحاج احمد ابراهيم او د ضحى او كريم منير بعد اذنهم لو مفيش مانع ) (ولو في اقتراحات تاني ياريت تقولوها )
ويجمع الفلوس من الاعضاء ويروح يدفعها في المعهد بنفسه
وياريت اللي يتبرع يبعتلي على الخاص اتبرع بكام ويحتفظ بايصال الدفع علشان اتابع المبلغ وصل لكام من ناحية ومن ناحية تاني لو العملية اتلغت لاي سبب او جاله قرار بالعلاج مجاني في المعهد او غيره اقدر ارجع لكل واحد فلوسه
ورجاء من الطبيب اللي اتصل من برة (مش عايزة اقول الاسم مدام هو معرضش الامر على العام ) يبعتلي على الخاص لاني لغاية دلوقت مش عارفة النك نيم بتاعه
وجزاكم الله خير جميعا
مفيش مشكلة