الموضوع: معلومة جديدة في الجميلة byd-f3

المشاركة الأصلية كتبت بواسطة sv065

العفو يا دكتور حضرتك دايما اللي مشجعنا علي الإكتشافات الجميلة

ياريت تطمني علي عربيتك إيه الأخبار؟

خالص تحياتي لحضرتك

شكرا ياباشا وملك الاخلاق والزوق تعبتك معى فى البحث على جهاز شفط الفرامل وربنا يسهل ونلاقيه بالنسبة لاكتشاف سيادتك لم اصل الى هذه المعلومة الا بفضل سيادتك بعد الصيانة فى مركز القطامية صحيح الناس زوق ولكن الميكانيكى غير لى البوجيهات ال ngk iridium ووضع لى بوجيهات bochولكنى عند عودتى اكتشفت ان السيارة افضل مع البوجيهات القديمة ولذلك رجعت للبوجيهات ال ngk iridium اتصلت بتوكيل البوجيهات فى المعادى وكلمت البائع وراجعت معهم كود البوجيهات ووجدت انه املانى كود مختلف عن الذى باعوه لى سابقا ولايصلح للسيارة ولذلك انا فى مرحلة البحث عن بوجيهات brisk extra والكود كما عرفنى الاستاذ عبد الرؤف الصالح لسيارتنا هو dr15tc-1 ومشاركته موجوده على القسم عرفت من احد اعضاء منتدى اخر ان محل بريسك فى الاسعاف امام مسرح جلال الشرقاوى وربنا يسهل بالمناسبة البوجيهات بتفرق جدا فى تسارع السيارة وقوة الموتور
ويتبقى التيل الخلفى الذى وضعوه فى مركز الصيانة يصفر بشدة ولم اجده فى المنيا لاستبدله والتيل الامامى كان معى النوع الكورى الذى اعتز به وهو من نوع hi-q كنت اشتريته ب 85 جنيها وطبعا بسبب كثرة المطبات الصناعية فى طريق الصعيد الزراعى والاستاذ باسم جربه فيما سبق كان فيه غربلة فى الدركسيون عند الفرملة على سرعات عالية وعرف سامح الميكانيكى بالتوكيل ان السبب الطنابير وفعلا غير طنابير امامية واختفت الغربلة وغيرت سائل الفرامل بالكامل ونزل لونه اسود وبه قطع متفحمة وسمعت كلام سيادتك وغيرت سائل الفتيس الاوتوماتيك بنوع فى التوكيل mobil وغيرت سائل الباور المهم دفعت 1200 جنيه والميكانيكى تعب معى جدا وليس ذنبه ان التيل الخلفى ردئ وكنت اتمكنى ان تتم عملية bleeding and changing break fluid بجهاز الشفط افضل من مجرد الضعط على بدال الفرامل واشعر ان الفرامل ما زال بها هواء وغير راضى عنها
الاخت العزيزة داليا اتصلت بى بعد يومين من رجوعى لمعرفة مستوى الخدمة وقلت لها ان تدخل على موضوع سائل الفرامل الذى كتبته وترى فى الفيلم جهاز الشفط لتغيير سائل الفرامل
اسف للاطالة وشكرا جزيلا

معلش يا دكتور أنا عارف إنك مش راضي عن موضوع تغيير سائل الفرامل وأنا الحقيقة مضايق جدا لحضرتك من هذا الموضوع وأنا باحاول أبحث عن المسدس الخاص بالشفط في يوم أجازتي لأني مش باعرف أروح في حتة غير يوم الجمعة وجزء من يوم السبت حسب الظروف وإذا وجدته طبعا حضرتك أول من سيحصل عليه إن شاء الله وعلي فكرة أنا وجدت محل في شارع الجمهورية عنده جهاز تغيير سائل الفرامل وإيطالي وحاجة جامدة بس للأسف ده خاص بمراكز الصيانة فقط لأنه كبير جدا وسعره فوق ال 3000 جنيه وأقولك معلومة من العيار الثقيل الجهاز ده عرفت مؤخرا من مسؤللي مركز الإسكندرية إنه موجود هناك لكن بسبب تكلفة تشغيله العالية جدا مش بيستعملوه لأنه لازم يتملي التانك بتاعه كاملا عند التغير بالسائل وتانكه كبير جدا ممكن يكون أكثر من 30 لترتقريبا


وبخصوص التيل الخلفي أنا باعتذر جدا جدا أني مالحقتش أجيبه لحضرتك كما وعدتك آخر مرة لكن الإسبوع القادم إن شاء الله أجيبه لحضرتك وأبعته لك إذا سمحت لي

خالص تحياتي لحضرتك

شاكر افضالك ياباشا انا مقدر طبيعة عملك ومشغوليات ومشاوير القاهرة من مكان لمكان براحتك خالص وعلى مهلك جدا لما تسنح الظروف

أيوة فعلا الكلام ده مظبوط وأنا أكتشفته أول ما إستلمت السيارة بالصدفة لأن مالوش أى أثر فى الكتالوج
هو بيخليك تختار شدة الإضاءة من بين 3 مستويات حسب راحة العين

المشاركة الأصلية كتبت بواسطة harmadan

ان شاء الله ربنا يجعل لنا فيها نصيب قريب سياره جميله وعمليه وربنا يبارك لحضرتك فيها ويديك خيرها ويكفيك شرها.

آآآآآآمين إن شاء الله يرزقك الطيبات وأنصحك بالإستخارة قبل الشراء



خالص تحياتي

رائعة جدا هذة المعلومة
ولى طلب بعد اذنك
محتاج شرح مبسط لوظيفة مفتاح تصفير العداد
شاكر افضالكم مقدماً
خالص تحياتى

المشاركة الأصلية كتبت بواسطة elswaha

رائعة جدا هذة المعلومة

ولى طلب بعد اذنك
محتاج شرح مبسط لوظيفة مفتاح تصفير العداد
شاكر افضالكم مقدماً
خالص تحياتى

السلام عليكم ورحمة الله

مفتاح تصفير العداد كما هو واضح من إسمه يستخدم للتنقل بين الأوضاع الثلاثة لعداد عداد الكيلو متر وكذلك لتصفير عدادي الكيلومتر trip a و كذلك trip b فضلا عن وظيفة ظبط نور التابلوه السابق توضيحها

وطريقة تصفير العدادات يفضل أن تتم والنور الصغير مغلق منعا للدخول علي خاصية تغيير شدة إضاءة التابلوه وبالضغط ضغطة واحدة خفيفة علي هذا الزرار يتم التنقل بين ثلاث أوضاع للعداد:-

أولهم يسمي odo وهو يعتبر العداد الرئيسي للكيلومترات التي قطعتها السيارة وهو غير قابل للتصفير لأنه يعبر عن المسافة الفعلية الإجمالية من لحظة الخروج من المصنع ولا يتصفر حتي في حالة فصل البطارية

ثانيهم يسمي trip a وهو عداد أقصي قراءة له 999.99 كم ويتم تصفيره أثناء عرضه علي الشاشة عن طريق ضغطة طويلة علي زرار تصفير العداد فتجد العداد أصبح 000.00 ولا يهم هنا إذا كان النور الصغير مفتوح أم لا

ثالثهم يسمي trip b وهولا يختلف عن نفس الخاصية السابقة تماما لكن يزيد عليها خاصية ضبط شدة إضاءة نور العدادات في حالة فتح النور الصغير

ووجود trip a وtrip b تفيد لقياس المسافات بين نقطة وأخري أو قياس إستهلاك الوقود بين نقطة وأخري عن طريق معرفة المسافة التي قُطعت بين هاتين النقتطين

أرجو أن أكون قد وضحت



خالص تحياتي