الزور عندي ضيق جدا والمسدس بيعمل كدا طول منا بفول ف كل محطات البنزين..افرق ازاي بقي
الزور عندي ضيق جدا والمسدس بيعمل كدا طول منا بفول ف كل محطات البنزين..افرق ازاي بقي
ياجماعة الراجل ده بيتكلم صح كده انا فهمت اللى حصل معايا فى بنزينة بالمريوطية كنت بفول وكان التانك فيه ربعه مثلا قعد يدوس ويسيب طول ماهو بيملىء بطريقة ملفته للنظر وبعد مافول لقيت العداد 42 لتر قولتله ازاى اذا كان التانك 40 يبقى كده انا كنت جاى بيها زق بقى مش دايره قالى حضرتك يبقى العوامة بتاعتك بايظة ماهو العداد قدامك طيب هقول ايه دفعت ومشيت وانا واثق ان فيه حاجة مش صح حصلت بس هقول ايه انا ظننت ان العداد كان عادد قبل ما يمون بس كده لو حسبنا ان عربيتى كان فيها من 8 -10 لتر ونقول الزور بياخد 4-5 لتر يبقى كده هو مزود حوالى 5 -7 لتر معقول
كلام حضرتك يمكن يكون فيه شئ من الصحة
انا هتكلم بناء علي خبرتي مع محطات البنزين
في محطة بتكون محترمة اوي علي سبيل المثال محطة شل في نهاية شارع فيصل تقريبا اخر محطة في فيصل قبل ما تدخل ميدان الرماية
المحطة دي بيكتب علي المكنة المبلغ او الكمية الي انت عايزها وبيسيب المسدس خالص ولما المكنة بتوصل للمبلغ او الكمية المحددين بتفصل طبعا لوحدها بيقوم شايل المسدس مرجعه مكانه
والمحطة دي للعلم محترمة جدا جدا جدا سواء في خدماتها او منتجاتها
وفي محطات تانية بتكون نصابة وحرامية ودة بيبقي حرامي في كل حاجة في خدماته (كاوتش وغسيل) ومنتجاته والمحطات الي من النوعية دي ممكن يغش البنزين بالمياة او بخلط البنزين وبعضه ومش هتفرق معاك 90 من 92 لأن الأتنين مخلوطين ببعض او 80 و 90
ومن ضمن النصب والسرقة انه مايظبطش المعيار بتاعه
يعني ايه المعيار ؟؟؟
المعيار دة عبارة عن مكيال سعته 20 لتر (عامل زي المكيال بتاع اللبان الي سعته مثلا نص كيلو فلو انت عايز كيلو بيعبي المكيال مرتين) المهم
المفروض كل محطة تعمل موضوع المعيار دة كل يوم علي الأقل وياحبذا لو عملته مرتين في اليوم زي معظم محطات on the run ولكن النصابين بيسيبه باليومين والثلاثة
طب ولو سابه ايه الي هيحصل ؟؟؟؟ الي هيحصل ان المكنة بتبقي عايزة ضبط عشان يظبط الكمية مع قراية العداد يعني المكيال يملي عند قراية 20 لتر بالظبط
مع الوقت وكتر التموين المكنة بطلع نسبة هوا مع البنزين عند بداية الضغط علي المسدس وبتفضل تسيل بنزين بعض ترك المسدس ويمكن دي بتلحظوها
وفي محطات تالتة مفيش فيها اهتمام ومش بتهدف للنصب زي معظم محطات التعاون والي احيانا بيخليك تمون بنفسك ودي عن تجربة شخصية انك وانت بتكارك المسدس بيجيب بنزين بس يمكن أقل من العداد ويمكن زيه بصراحة ماحسبتهاش ولكن مع المكاركة بتجيب بنزين
عموما
شكرا علي تحذيرك
وتقبل مروري
والله المستعان
،
،
تمام كدة قلى انا بقولو ما هو كل ما تكون الكمية كبيرة كل ما ها تكون السرقة حلوه و هيكون عدد الليترات قلى هيسرقها اكتر و كل ما بيكارك كتير كل ما بيخلى الطلمبة بتعد على الفاضى
دة اثبات كمان
ياجماعة انا مش برمى التهم بالباطل بس انا لما شوفت الموضوع ده بيتكرر ومش فى بنزينة واحده
قولت فى حاجة مش مظبوطة فى القصة دى
يارب ارحمنا من النصب والجشع والطمع
انا حبيت اقول للاخوانى و اصدقائى هنا فى المنتدى علشان يعرفو
يارب اهدى انفسنا يارب
طب واللى يلاقى طابور طويل ويخش من الجنب وبالعرض على حساب اللى واقف مستنى بنزين من ساعه تقول عليه ايه ؟
واللى تلاقيه يهرب البنزين للتكاتك والموتوسكلات تقوله ايه ؟
واللى ياخد بقشيش بمزاجه هو بمعنى مش عاجبك زوقك فيه ويشترط عليك المبلغ ؟ تخيل ؟
المصيبة الكبرى ان كل ده عيني عينك بمنتهى الفجور
صبرنا يارب
قصدك اسو الي بعد المريوطية ولا توتال الي علي المريوطية ؟؟؟؟
رجاء التوضيح لأن الأتنين دوول انا شاكك فيهم اساسا وحاسس انهم مش مظبوطين
وعلي العموم انا بحذر بشدة من اسو الي بعد المريوطية واوعي تزود فيها العجل او تمون لأنهم احيانا بيغشوا البنزين مياة
والله المستعان
،
،