المشاركة الأصلية كتبت بواسطة smsm_cato
انا معارض حضرتك فى الموضوع ده اولا لانى مش مقتنع ان العداد هيشتغل على الفاضى من غير ما يضخ بنزين والدليل ان العداد بيشتغل بسرعة الضخ وده هتلاحظة لما بيكراك فى الاخر لما التانك بيتملى بيخف ايده فى الضغط وبالتالى البنزين الخارج اقل والعداد سرعتة بتقل فى الحساب على حسب الكمية اللى خارجة نيجى بقى لسبب انه بيكارك اساسا لان معظم العربيات وخصوصا الجديدة وعلى راسهم الرينو اللوجان الزور بتاع التانك صغير يعنى لو سرعة المضخة عالية بتفصل على اساس ان التانك اتملى فبيضطر يكارك او يهدى سرعة المضخة علشان يقدر يفول واحنا ايام الازمة وانا اولكم كنت بخلية يفضل يكارك فى الاخر علشان املى التانك على اخرة لغاية اخر الزور علشان مش ضامن الاقى بنزين فى اى وقت ارجو تحرى الدقة والملاحظة الدقيقة قبل ما نتكلم وعلى فكرة انا بتكلم عن تجربة لانى بتعامل مع محطة مصر اللى جنب شغلى فى العبور بقالى فترة كبيرة جدا ولما بيكارك بيخلى راس المسدس برة وببقى شايف البنزين وهو خارج من المسدس وبلاحظ زى ما قولت انخفاض الضخ مقابل ليه انخفاض فى سرعة العداد