-
المكنه مش عاوزة تدور
المكنه بتاعتى مش راضيه تدور هى سى بى فور
راكنها بقالى 3 ايام ونزلت انهارده اجربها لقيتها مش راضيه تقوم خالص
بتدى مارش بس مبتلقتش مش عارف بقى البوجيهات باظت ولا ايه
حد يقولنا رأيه ولو حد بيحصل معاه نفس الكلام ده يقولى علما بان انا مغير البوجيهات من 10 ايام
-
كل الى اقدر افيدك فيه جرب ترملها..
-
المكنة مش بدور من الركنة ٣ ايام والسقعي اللي اخنا فيها ارفع الشفات وحاول تدور لو مكنش كدة اديها غيار وارملها لو مش عوزة تستجيب شوف البوجيهات ممكن تكون رطبت
-
متقلقش البطاريه تلاقيها بعافيه شويه من الساقعه
-
.. زقها وارميلها على الناقله الاولى مدرتش ومجبتش اديها عالنقله التانية وجرب تاني
هي غالبا بتبقى البوجيهات مرطبة .. واتاكد انو فيها بنزين .. لحسن تكون ناسي انها فاضيه
واول ما تدور اتاكد ان البوجيهات كلها شغاله وربنا معاك
-
بنسبة كبيرة بطارية!
و فعلاً الحل الامثل زق و ارمى على الاول او التانى
ان شاء الله خير
-
بلاش ترمى ع الاولانى خليك ع التانى
-
جماعة انا جربت كل اللى بتقولوه ده منفعش
وكان الحل انى غيرت البوجيهات ودارت على طول
بس مفيش حل للموضوع ده؟ انا غيرت البوجيهات 3 مرات فى الجو ده
-
الجو سقعي اوي اليومين دول والبوجيهات معرضة ان هي تبوظ في اي وقت
-
متغيرهاش سخن عليها بشبورى بتاع اللحام بس
ومتنساش تدورها كل يوم مره او تنين
Content Relevant URLs by
vBSEO 3.6.0 PL2