بسم الله الرحمن الرحيم
انا رايت ان الموضوع ده مهم نظرا لاختلاف البعض عن ايهما افضل والفروقات
بين المعدنى ونصف تخليقى والتخليقى
وكثيرا منا لا يعرف معلومات كافية او لا يعرف شى عن الزيوت والرموز التى تكون على العبوه الى اخره
فرايت ذلك الموضوع للعضو ls1090
الفرق بين زيت المحرك التخليقي والمعدني وايهما انسب
واللى جايب معلومات رائعة ومميزة
فحبيت انقله فى قسمنا لما به من معلومات رائعة وهامة
وهو مقسم الموضوع لعده اجزاء وانا هجمعها لكم صقورنااااااااا
المشاركة الأصلية كتبت بواسطة ls1090
المنتشر فى مصر ان فى زيت بيمشى 2000 كيلوا وزيت 5000 كيلوا وزيت 10000 تلاف
الكلام ده غير صحيح للاسف ثقافة الزيوت فى مصر معدومة
انا هعمل الموضوع جزئين فى الاول هنتكلم عن الزيوت التخليقية والزيوت المعدنية
وفى الاخر هنتكلم نعرف نترجم الرموز الى مكتوبة على العبوة
الجزء الاول
يعنى ايه
1- زيت تخليقى
هو زيت تكوينه الكيماوي معدل في المعمل من زيوت لها خواص مختلفة عن زيت المعدنى لانه زيت صناعى
مثل موبيل 1 شل التر كاسترول ايدج
2-الزيت المعدنى
هو زيت مصدره البترول المستخرج من باطن الأرض يعنى من مشتقات البترول وبيتم تكريره وتنقيته
مثل موبيل xhp وشل الاصفر وشل الاحمر
3-زيت نصف تخلقى
نوع نصف تخليقي من زيوت معدنية وزيوت غير معدنية بحيث إن الزيوت المعدنية ماتزيدش عن 30%
مميزات الزيوت التخليقية:
1- ثبات كيماوي وفيزيائي أفضل (يعني مش بيتحلل أو يفقد لزوجته بسرعة)
2- موفر في الوقود لإنه بيساعد الموتور يتحرك بسهولة أكبر
3- بيحافظ على الموتور لما بندوره الصبح لإنه بيوصل بسرعة للأجزاء اللي ما اتزيتتش
4-عمر أطول للموتور
5-سرعة تدفق أعلى من الزيت العادي، فيقدر يزيت الموتور أحسن
6-معدل بخر أقل
7- أداء أحسن في درجات الحرارة العالية قوي والمنخفضة قوي
عيوب الزيوت التخليقية
1- لازم يشتغل على مواتير بتستخدم بنزين خالي من الرصاص
2- غير مفضل في المواتير الرحوية أو الدوارة Rotary (ودي نادرة ومش موجودة إلا في المازدا RX-6، RX-7، RX-8)
الجزء الثانى قراءة الرموز
اول رمز
SAE (Society of Automotive Engineers
مثل رمز 5W-30
هو مقياس لسرعة سريان الزيت داخل المحرك كلما انخفض الرقم زادت سرعة السريان
الزيوت نوعين احادى الدرجة وده sae 50 لا يفضل للسيارات الحديثة
النوع الثانى sae 5w-30 مثلا
الرقم الاول بتاع حرف w ده المقصود بيه درجة السريان عند بدا تشغيل المحرك والرقم 5 و0 احسن رقمين لان سرعة السريان عالية والزيت اعلى يقال يتم التزيت فى خلا 1.3 ثانية علميا المحركات تتاكل فى بداية التشغيل اسرع
نجى للرقم الثانى الى هو 30 درجة سريان الزيت عند ارتفاع درجة حرارة المحرك
فى معلومة ثابتة كلما ذاد الرقم الثانى الى هو 30 الى 40 او 50 استهلاك الوقود ارتفع والاداء قل ولكن التبخير هيكون اعلى
ثانى رمز American Petroleum Institute API
معهد البترول الامريكى
ده تقيم للزيت وكفائة الزيت
مثال API SM/CF
الرمز S يرمز لمحركات البنزين ومحركات C لمحركات الديزل
الحرف الثانى M او F ده مستوى الزيت كلما تاخر الحرف كلما كان الزيت افضل يعنى M افضل من L و N افضل من M
واعلى تقيم موجود API SN/CF
الموضوع خلص
اى عضو عايز يسال يسال واى عضو عايز يصحح يصحح
وللامانة بعض المعلومات منقولة من
http://www.api.org/aboutoilgas/oilsands/ وتمت الترجمة
المشاركة الأصلية كتبت بواسطة ls1090
الجزء الرابع ايهما انسب (المعدنى , نصف تخليقى, التخليقى) كثر السؤال ايهما يصلح ..... اولا السيارات الجدية يجب (الزام ) استخدام زيت تخليقى بالكامل للحفاظ على المحرك من التلف الزيت المعدنى زيت ثقيل (هيقصف عمر المحرك) ثانيا السيارات التى تجاوزت 100 الف كيلو استخدم زيت نصف تخليقى( لو من الاول بتستخدم زيت تخليقى استمر) يعنى مفيش بخر عالى-خلوصات الموتور موسعتشى ثالثا السيارات التى تجاوزت 200 الف كيلو يجب استخدام زيت معدنى لان المحرك بدا فى مرحلة الشيخوخة (خلوصات الموتور وسعت كبس الموتور قل (لو حالة الموتور جيدة ممكن استخدام زيت نصف تخليقى شرط المتابعة لقياس الزيت) الى انا عايز اوضحه يتم اختيارالزيت المستخدم بناء على حالة المحرك يعنى لو بتستخدم زيت تخليقى منذ البداية ممكن الاستمرار فى استخدام زيت تخليقى الى اكبر مسافة ممكنه من عمر المحرك حتى ترتفع نسبة البخر هل ينفع احول من زيت معدنى الى تخليقى؟؟ نعم
بشرط عدم استخدام الزيت المعدنى لفترة طويلة (يعنى خلوصات الموتور وسعت ) استخدام زيت تخليقى ملوش لزمة الموتور هياكل الزيت لان الزيت التخليقى خفيف وسرعة سريانه عالية لازم تشوف الزيت المعدنى سبب ضرر حجمه ايه فى المحرك.. التحويل مبنى على التجربة هتجرب وانت ونصيبك قائمة بالزيوت التخليقة موبيل 1 API SM (5W-50 -- 0W-40 ---- 5W-30
شل هيلكس الترا API SM (5W-40
كاسترول ايدج (ايدج سبورت) API SL
ليكوى مولى API SM top tech 4100 5w-40 ليكوى مولى API SN Leichtlauf High Tech 5W-40 فالفولين API SM syn power 5w-40 فالفوين API SM synpower mst 5w-30 توتال كورتزAPI SM 9000 5w-40 توصيات API للاستخدام (اى زيت تخليقى ينفع لعربيتى بالنسبة لسنة الصنع)
تقبلوا تحياتى
محمد رشدى
والنهاية تقبلوا تحياتى
المفضلات