الموضوع: اخر كلام جين 2 ولا فيات بونتو ايفو؟

المشاركة الأصلية كتبت بواسطة Ghosts

طبعآ أنا مهما أتكلمت وفتيت فى العربيات مش ممكن أكون فى خبرة formulator ....
يمكن أنت متعرفشى أنى حبيت العربيات الأوروبى بسبب مشاركاتك المبنية على خبرة ودراية واسعة ....

و عايز أقولك أنى كنت مصمم أنى أشترى عربية أوروبى عشان عوامل الأمان اللى فيها ....
بس ال Turning point اللى خليتنى أقول أن كلة فى الحوادث بيتعجن كانت الفيديوهات اللى فى الموضوع دة ....
http://www.nilemotors.net/Nile/238613-a.html

بص يا باشا مع احترامي للفيديو ده بس لازم تكون حاطط في حسابك ان ممكن العربية تتعجن واللى جواها يطلع سليم

وانت برضوا ماتضمنش ظروف الحادثة

ماتبقاش ماشي فوق 200 وتنزل تحت ترلا وتقول انا راكب مرسيدس والمفروض ماتتعجنش

انا عايز اقول لحضرتك انا ليلة واحد رمضان اللى فات عملت حادثة مع واحد زميلي بعربيته BMW 530i موديل 2007

انا عايز بس اقول لحضرتك احنا عاملين الحادثة على الصحراوي على سرعة 240 تقريبا انا مش متذكر بالظبط بس هي فوق 200 لاننا كنا مقفلين العداد قبل الحادثة بحجات بسيطة !

تخيل ماشي 240 ولبست في الخرسان اللى بيفصل بين الاتجاهين هوب العربية تلف حولين نفسها وتقطع الطريق وتلبس في الاتجاه التاني

طبعا انا محستش بكل ده يدوب اول خبطة في الخرسان اللى مابين الاتجاهين واغمى عليا وفوقت بعدها شايف العربية الجمب ضايع وعكس اتجاه ومش فاكر اي حاجة

اسمع بقى التالي :

اولا احنا فقنا من الحادثة العربية مدية انتظار وبتتصل بالاسعاف ! ! لوحدها ومافيش فيها شريحة موبايل وماتسالش اتصلت ازاي

ثانيا : airbags محاوطة العربية بالكامل انا ماحستش بيها وهي بتفتح بس شفتها بعد مافتحت يكاد يكون مافيش خرم ابرة ال airbags ماوصلتلوش

ثالثا : العربية لا اتقلبت ولا اي حاجة يدوبك خدت الخبطة من هنا ومن هنا ولفة حولين نفسها وشكرا على كدة وقفت مكانها

رابعا : احنا الاتنين قمنا مافيش اي مشاكل ولا حتى خدوش ولا كسور مع ان الحادثة مش قليلة وحادثة جامدة ! ! مجرد انا كدمة بسيطة في جمبي اليمين وزميلي اللى سايق كدمة في ظهره (راحة يومين في السرير بقينا زي الفل)

خامسا : ماكناش رابطين الحزام

تخيل بقى حضرتك انا لو كنت شفت الفيديو ده وقلت كل العربيات بتتعجن ورحت شاري عربية مافيش فيها وسائل امان ابدا والطريق قدامي فاضي وجريت ورحت لابس حادثة زي دي تفتكر كان زماني بكتب الرد ده دلوقتي ؟ ؟ ؟

انا عايز اقول برضوا والله انا لولا ان الياريس فيها abs ماكنش زماني بكتب الرد ده دلوقتي

كتيييييييييييييييييير اوي ابقى بجري وهوب فرامل مفاجاة لاي حاجة ظهرت قدامي وابقى مضطر اغير اتجاه العربية مع الفرامل

او طوب او رمل او اي شئ وبحس بال Abs اشتغل (من خلال الرعشة اللى بتحصل في دواسة الفرامل)

وعلى الرغم من ان الياريس ثباتها في الضياع الا ان عمر العربية ماحدفت مني وانا بفرمل على سرعة حتى ولو بكسر الدركسيون اثناء الفرملة

مجرد بيحصل ميلة بسيطة وبتعدل نفسها في ثواني