الموضوع: اخر كلام جين 2 ولا فيات بونتو ايفو؟

المشاركة الأصلية كتبت بواسطة juventus

الجين 2 افضل كقوه موتور و ممكن تكييفها افضل بس مش متاكد
الايفو افضل في كميه الاوبشنز اللي في ال pk 2 و مواصفات الامان و استهلاك البنزين و خامات و تقفيل و رايي الشخصي كشكل كمان
انا شايف الايفو افضل
بالنسبه لموضوع عيب تصنيع الفرامل في الايفو ده حصل في عربيه واحده فقط (حاله فرديه) و قبل المشكله ما تحصل العربيه كانت بتكتب في شاشه المعلومات ان فيه خطأ و لازم مراجعه التوكيل و عموما الفرامل من مميزات العربيه دي و اصحابها بيقولو ان الفرامل قويه عليها
فا مفيش قلق اطلاقا من القصه دي

بالنسبة لسعر اعادة البيع فعلا قليل للايفو؟
اما بالنسبة للتوكيل انا شايف ان الكل بيشتكي من كل التوكيلات اذا كان عز العرب ولا اوماترا ولا غبور ولا غيره.. فعلا الحيرة بتزيد كل عربية ليها مميزاتها وعيوبها

المشاركة الأصلية كتبت بواسطة bibo252

بالنسبة لسعر اعادة البيع فعلا قليل للايفو؟
اما بالنسبة للتوكيل انا شايف ان الكل بيشتكي من كل التوكيلات اذا كان عز العرب ولا اوماترا ولا غبور ولا غيره.. فعلا الحيرة بتزيد كل عربية ليها مميزاتها وعيوبها

تصدق باللة ....
أنا كنت فى نفس الحيرة دى زيك بالظبط ....

ونفس العربيات اللى أنت بتفكر فيها أنا بردوا فكرت فيها ....
كنت مصمم أن عربيتى لازم يكون فيها Abs & ebd وقلت مش ممكن أشترى عربية من غير عوامل الأمان دى ....

ولما كنت بقول الكلام دة للناس اللى أكبر منى وعندهم بدل العربية 5 كانوا بيضحكوا عليا ....
قالوا لى الحوادث الجامدة بتعجن أجدعها عربية ....

الأميرة ديانا ماتت فى مرسيدس و كل عوامل الأمان اللى كانت فى العربية منفعتهاش بأى حااااااجة ....
الحذر لا يمنع قدر ....

يبقى خليك فى العربيات الكورى اللى مغرقة كل مصر اللى قطع غيارها متوفرة فى كل حتة وبأسعار معقولة ....
العربيات دى كل الميكانيكية بيفهموا فيها و مراكز الصيانة المعتمدة الخاصة بيهم موجودة فى كل مكان ....

هيونداى أكسنت RB الأوتوماتيك ب 103000 جنية يعنى بنفس سعر الأيفو المانيوال ....
طب أية اللى يخليك تشترى عربية هاتشباك , 1400 سى سى , قطع غيارها غالية , وسعر أعادة بيعها سىء
مع أنها بنفس سعر ال Rb الأفخم و الأكبر و شنطتها طبعآ أوسع و قطع غيارها متوفرة وسعر أعادة بيعها ممتاز
و فوق كل دة عربية أوتوماتيك هتريحك على الأخر من قرف زحمة كل يوم ....

أنا جبت لك من الأخر بعد تفكير وبحث أستمر مدة طويلة جدآ ....
ربنا يوفقك ....