الموضوع: دردشه بخصوص أرتفاع أو أنخفاض درجة حرارة محرك الويرا أو أى سياره

عاوز ابدل ياجماعه العدادات بعدادات اربي ام

المشاركة الأصلية كتبت بواسطة abdohod

موضوع جميل ولكن أضيف تجربتي مع الواجا ...كانت بتسخن مع تشغيل أي أنوار ثم ترجع الحرارة عادية بعد إطفاء الأنوار فورا .... وكان التشخيص الطبيعي لأي حد بيفهم هو أنه في أرضي ملمس إما في حوض العربية أو بداخل الصالون ... وبعضهم قال ريداتير ... وبعضهم قال شاشة عدادات .... وطبعا كتير قالوا ثرموستلت الكوعة .... والبعض قال جوان وش سلندر .... ولأني متأكد من سيارتي وبعد عذاب حوالي شهرين أقنعت الميكانيكي أنه يحل طلمبة المياه وكان رافض لأنها مابتسربش مياه إذن سليمة ولكن بعدما طلبت منه فكها كانت المفاجأة الكبرى ..... الطرمبة المفروض إن فيها عمود (أكس) ومثبت عليه ريش (بالضبط مثل ريش المروحة العادية) فوجدنا الأكس ولم نجد أي ريشة (المياه العادية أكلتها) وبالتالي أصبح العمود بيلف لوحده أي أنه لا يوجد تقليب في مياه السيارة أصلا فكانت الحرارة ............!!!!!!!!!!!!!

تشخيص مشكلة طلمبة المياه سهل جدا ، تفتح غطاء الردياتير ( طبعا و العربية باردة ) و لو لقيت الميه مش بتتحرك جوه الردياتير تبقى الطلمبة مش شغالة.

بس ايه علاقة مروحة طلمبة المياه بالانوار ؟ لو ريش المروحة مكسورة مش هتتأثر بالكهرباء ؟؟

ما هو ده اللي كان هيجنني ولم أجد إلا تفسيرا واحدا لذلك وهو:
بما أن المياه لا تتحرك في دورتها العادية تجد المروحة تعمل بشكل شبه مستمر وبسرعتها القصوى ولكنك عندما تستخدم الأنوار ... يسحب هذا من سرعة دوران المروحة قليلا فتقل عملية التبريد والتي هي أصلا غير كافية لعدم دوران المياه الطبيعي وبالتالي يزداد درجة الحرارة ويرتفع المؤشر

لو سمحت المكان الى اسحب منه الهوا الى فى الصوره الاولى هوا المسمار ابو راس الانكيه ولا حاجه تانيه
عندى درجة الحراره دايما ثابته على الشرطه 3
انا عملت دورة غسيل للرداتير وحطيت ميه خضرا
وهى زى ما هى على شرطه 3 دا عادى وهل لازم اسحب الهوا ده من دورة التبريد ولا مفيش مشكله

انا عربيتي برسونا 2012 وعندي مشكلة انا مروحة الراديتير بتشتغل فترات طويلة جدا وروحت التوكيل كذا مرة وغيروا ترموستات الكوعة مرتين بس بصراحة مؤشر الحرارة عندي ثابت علي معدله يعني المؤشر مش بيزيد عن النسبة الطبيعية واخر ما زهقوا مني في التوكيل المهندس قالي يا باشا طاملا مؤشر الحرارة تمام ما لكش دعوة بالمروحة تدور وتشتغل براحتها طالما بتفصل ومؤشر الحرارة ثابت