لزمته ايه التشكيك في الذمم ؟؟؟؟؟؟؟
عرض للطباعة
الحمد لله الذى لا يحمد على مكروه سواه ... لو علمتم الغيب لأخترتم الواقع
و الله رفعتوا روحي المعنويه و ان شاء ابتدي اشتغل اي شغل حاليا لحد ما اقف علي رجليا من تاني ........... ............
هو دا الكلام
قول الحمد لله الف مرة
المكان اللي انت بتكتب فيه الفضفضة بتاعتك دي وقع وقعة زي الفل
ابتداء من قطع الانترنت وتاخير الترتيب والرانك
لغاية ما الترافيك وقع بسبب تحول وانشغال معظم الناس لمواقع الاخبار
وانهيار سوق العربيات في مصر وبالتالي تخفيض نفقات الاعلانات
وطالما عارف يعني ايه الكترونيك بيزنس اكيد عارف وقوع الدخل من جوجل لمستوي منحدر جدا
ومع ذلك عندي امل في ربنا يرجع
واهو الرانك رجع بفضل الله
بس الصبر
مش قادر اقولك على الشهور اللي كنت بدفع فيها تكلفة المكان ده من فلوس عيالي وبيتي عدت ازاي
والحمد لله عدت وطلعت عمرة كمان وربك اللي بيهون
بس دور واسعي وشغل دماغك ما تقفش
الضربة اللي تنزل على ضهرك وما تكسروش... تقويه
ارجع اقف تاني وامشي ببطء وحذر وباذن الله المركب تمشي تاني معاك ومع كل اللي اتضر
وان شاء الله اللي جاي احسن
احنا عملنا اللي علينا
انا بشتغل في شركة عالمية ولما نزلت يوم 25 يناير نزلت عشان اغير البلد دي للاحسن وعشان مستقبل ولادي
وان شاء الله ربنا مش هايخذلنا طول ما احنا مصفيين النية والاخلاص موجود
متابع
هما كلمتين
خليها علي الله وابتدى من جديد
وربنا هيكرمك بأمر الله
؟؟؟؟؟؟؟
الحلال والحرام في مصدر الفلوس مش شرط ان ربنا يبتليه فيها
ممكن اوي واحد كل فلوسه حرام ... وربنا يزيده كمان وكمان والامثلة اكثر من ان تحصى
وجايز جدا واحد كل فلوسه حلال وربنا يبتليه بفقدها
....
يعني سيدنا ايوب عليه السلام لما ربنا ابتلاه في ماله وأهله وجسده ...... هل ده بسبب انه ( حاشا لله ان يكون كذلك ) كان فلوسه حرام ؟؟؟
....
والوليد بن المغيره الذي آتاه الله القوة والمال والبنين ..... هل كان برا مؤمنا...؟؟؟؟
....
..
..
احسن الظن بأخيك
mustafavet : نفس الكلمتين دول سمعتهم من ناس متشددين جدا و شايفين العمل مع الاجانب و الشغل الاون لاين حرام
احمد كمال : شكرا لرد حضرتك و انا و الحمد لله بطلع زكاه المال بالضعف تملي و فلوسي كلها بتتصرف علي كل ما هو حلال و اه في شويه فلوس بتتصرف علي هلس زي لعب البلاي استيشن هههههههههههه
كريم منير : كان عندي موقع ترتيبه في الكيسا في المليون الاول و كان عندي شويه اعلانات زي الفل و كل ده عملته في شهرين اتنين و لما النت اتقطع كان معاد دفع فلوس السيرفر و طبعا الخدمه اتوقفت ده غير هروب العملاء فاضطريت اسفا اني اجيب درفها و الحمد لله