الموضوع: القبض على لصوص المرايات فى مصر الجديدة

والله انتم من افضل الشباب اللى شوفتهم فى حياتى
علشان انا كمان اتسرقت مرايتى اليمين من الاميريه
حسبى الله و نعم الوكيل

السلام عليكم و رحمة الله و بركاته

ربنا يبارك فيكم, أنتوا فعلا عملتوا حاجة محترمة أوى.

المشاركة الأصلية كتبت بواسطة anxs111

طبعا الحوار مشترك فيه نوعين ...

النوع الأول صاحب الموضوع
النوع التاني الفخورين بصاحب الموضوع ...

أنا بئه نوع جديد ....
الشباب اللي عمل الكمين عيال رجاله مفيش كلام بس وخدين إسلوب غلط لأن العيال اللي بتسرق مش مستموتة لكن هتعملو إيه لو عيال مستموتين ومعاهم سلاح مثلا ....

أما اللي عمال يقول برافو عليكم ويا ريت تروح الحتة الفلانيه والمكان الفلاني ... أنا مش فاهم دة بجد ولا بيسخنهم عشان ينتقمولو من ناس سرقته ....

يا أخ tam77 ...أنت وأصحابك خدتو حقكو بدراعكو من عيال سرقوا واحد صاحبكو أنا لو مكانكم يمكن كنت أعمل زيكو بس عشان اربي إللي سرقني وعشان ما بسبش حقي بس دة مش معناه أني بطل قومي ولا فتوة ولا من اللي عبرو في ٧٣ ...دة مجرد رد إعتباري عشان الشرطة مش هتجبلي حقي ...وخلصت الليلة على كدة ...

أما أني انكل الكمين بناء علي طلب الجماهير ما تسيب كل واحد يجيب حقه بنفسو عشان لو أنت انضربت ولا إتئزيت ماحدش من اللي سقفولك هيفيدك بأكتر من سلامتك وأنت راجل والرجال قليل ...

دي نصيحتي عشان ما حدش يوجهك ودة مش عمل قومي ...لو عايز تعمل عمل مفيد وعندك طاقة روح زور ناس عيانة في مستشفي أو دار مسنين فيها إباء عيالهم رمينهم فيها عشان مش فضينلوهم أو تعليم جاهل القراءة والكتابة ....
وربنا يهدينا جميعا لفعل الخير ...

متشكرين جدا على أستهانتك بالعملناه وأحنا مش أبطال ياسيدى لو أنت بتخاف أقعد فى البيت وخلى الشرطة تجبلك حق و أنت لما هتتسرق هتغير كلامك وبعدين مش عجبك الموضوع متعلقش علية وياريت نبطل السلبية دى وعلى فكرة أحنا بنعمل أعمال خيرية كتير بس دى منتدى بالأشياء المتعلقة بالسيارات وأحنا مش عيال أحنا أقل سن واحد فينا 34 سنة

المشاركة الأصلية كتبت بواسطة anxs111

أنا مش واخد بالي أنت فهمت كالآمي ولا قريته بسرعة ولا إيه بالظبط ....

أنا ما أعتقدش إن من شروط المنتدي أني إكتب في مواضيع معينه يعني ببساطه أنا أقول رأيي في أي حته ....

ثانيا أنا قلتلك أنا لو مكانك هعمل كدة لو حد سرقني لاكن مش هعيش في دور بطل والناس تهتفلي ....

يا tam77 الوضع ببساطة إن حكاية نقل الكمين لمدينة نصر عشان تحكي للشباب علي مغمرتك الجديدة وتسمع الهتافات دة عبارة عن تضييع وقت وتعريض نفسك للخطر .... إوزنها، الناس اللي قالت لك بص في عيال سرقتني في مدينة نصر وأنت حابب توجب كام واحد منهم نازل معاك في الكمين ...أنت رايح تعرض نفسك للخطر عشان واحد ما حاولش يعمل حاجة عشان يجيب حقه وسلبي تمام وحطك في المواجهة وهيسكفلك لو اصطدت الحراميه ولو الحراميه ادوك علقة موت ولا هتفرق معاه بس سعادتك معتبره إيجابي عشان وهو قاعد في بيتهم قال لك أنت بطل قومي ...

أنا بقي خفت عليك ونصحتك وقلت لك أنا لو مكانك وحد سرقني هعمل نفس اللي أنت عملته بس مش هعمل أكتر من كدة وقلت لك اللي يفيدك ...

وعموما يا سيدي ولا تزعل ...ربنا يكتر من أمثالك وعقبال ما تعمل عشر كماين تمسك فيهم الحراميه وكمان كان في واحد ثبتني في مكرم عبيد يا ريت تبقي تقبض عليه ...كدا أنا إيجابي صح ....

متشكرين يا سيدى على النصيحة وألف سلامة عليك لما الحرامى ثبتك الرة الجاى متبقاش تمشى فى الشارع لوحدك

الله ينور عليكم يا رجالة يا ريت الناس كلها تكون عندها ايجابيه زيكم