الموضوع: ينفع احط موتور لانشيا 2000 سى سى تربو فى ؟؟؟

أنا شوفت بعينى محدش قالى واحد مركب موتور تمبرا 1400 فى عربية 128
العربية فى حالة يرثى لها مخلعة من بعضها من كل حتة
الموتور وزنة كبير شوية بس العربية تحس أنها بتجرى و بس انما مش ماسكة فى بعضها الشاسية بيفتح منة كل شوية

المشاركة الأصلية كتبت بواسطة formulator

هو فعلا كبييييييييييير جدا على حوض الـ128,
مواتير اللانشيا الديدرا دى بتركب تمام على شاسيهات التمبرا والتيبو, (عشان نفس الشاسيه)..
سواء الـ1600cc أو الـ2000cc turbo بتاع الـhf
وأنهى موتور ألفا ده اللى "كبير" وبيركب على شاسيه 128؟؟!!! :copy of majd(4):
اللى أعرفه ان موتور اللانشيا الـ1.6 هو الوحيد اللى بيدخل فـ حوض الـ28.. (وبيركب lock على فكرة), بالعافية..!!
بصرف النظر انه بيفرتك العربية بعد كدا من بعضها, أيا كانت التعديلات فـ الشاسيه والقواعد والعفشة..

ممكن تشوف موتور الأونو تربو, 1.3 turbo i.e أو الـ1.4 turbo i.e
صغيرين, وبيطلعوا هورسباور عالية (105, 118 حصان بالترتيب).. جااااااااااااامد جدا,

وبالتوفيق isa,

ادخل يا باشا على جوجل و اكتب موتور الفا روميو فى 128 و شوف الموتور عامل ازاى و الفرق بينه و بين اللانشيا

المشاركة الأصلية كتبت بواسطة yoko

خليك في موتور الأونو التربو ال1400 وغير التربينه هيوصلك مستريح 170 حصان وهيخليك من 0-100 في اقل من 7 ثواني

اقصى هورس باور للموتور ده 125 حصان مع تغيير التربينه
و كل الناس مسقطه الاونو
و انا عايز اعمل حاجه جديده متعملتش قبل كده

يسلمووو
للردودكم الجميله
بس انا شايف انها فكره جمده
و انا دلوقتى اشتريت ليها عفشه رياضى بتاعت العربيات ال 28 كامله من الالف لل ى
و جبتلها تقويات الشاسيه كمان فى الحوض و الرفرفين و الشنطه فيها 2 و تحت العريبه فيها 2 عند كل مقص و شداد من المساعد للمساعد من تحت من قدام و من المساعد للمساعد ورا
عدد الشدادات 8 شداد
ادعولى اكمل الافتكاسه دى على خير
مع العلم ان المصاريف دلوقتى لسه معدتش ال 5000 للعفشه و طقم الشدادات
و هنقول 5000 موتور و 3000 سمكره و دوكو و طقم ريكارو بحوالى 1500 جنيه يعنى العريبه ممكن تدخل من الالف للي
فى 17000 تظبيط
هبقى اوريكوا صوره العريبه ان شاء الله لما اخلصها ادعولى اخلصها على خير
و هتشوفوها ان شاء الله فى الاوتو كروس شهر 3 هيبقى لونها يا ازرق يا احمر علشان لسه مرستش على لون
بلتوفيق للجميع ان شاء الله

المشاركة الأصلية كتبت بواسطة yoko

مين الي قالك كده؟؟؟
على أساس الاونو بتاعت لؤي الكيناني مش كاسره ال180 حصان (وركبتها بنفسي)
وله على أساس عربيته ال127 مش 165 حصان من موتور أونو تربو 1.4

باشا انا عايز اعرف ال 1400 ده طلع ال 180 حصان ازاى
انا صحبى معاه بردو 28 فيها اونو 1400 لما روحنا قسنا الهورس باور بتاع العربيه بعد كل التعديلات لفقينا الموتور مطلع 135 حصان بلعافيه
اصل هقولك بدو على معلومه انا معايا هوندا برليود 2000 سى سى 195 حصان بمتورها الاصلى من غير تعديل فا من الصعب هركب عربيه مش نفس القوه بتاعت الموتور لان ده هيفرق معايا جداااااااا
تخيل نفسك كده راكب فيرارى و بعديها تركب سيات فرق السما و الارض بين الموتور بتاعى و بين الموتور الاونو