الكاوتش فيه عالي و واطي؟!

**SoFiMaN** · 22-01-2012 06:26 PM

السلام عليكم

بقالي فترة حاسس ان في زي رفة في التارة و بتحدف شوية كده بسيطة.. رحت انهاردة بريدجستون ارصص .. قبل ما يرصص قعد يحسس على الكاوتش شوية و قالي من الاخر هتدفع ترصيص على الفاضي. الكاوتش كله عالي و واطي!! مفهمتش اوي غير انها حاجة مش كويسة. و الغريب انه معايا بقاله 25 الف كيلو بس و ميشلان الماني. بس انا على طريق صحراوي يومياً, هل ممكن يكون ده طبيعي ولا ايه؟

و لو كده اسيبه ولا ايه عيوبه؟ و ايه افضل حاجة متوفرة و ياريت لو نقشة رياضية(عجباني جداً :d ) و سعرها تقريباً, مقاس 16/205/45

شكرا

**Ahmed Selim** · 22-01-2012 07:27 PM

بص يا باشا.........على حسب معلوماتى أن كل حاجة بايظة فى العفشة بتأثر على حاجة تانية

يعنى مثلاً لو المساعدين عندك بايظة أو ضعيفة ممكن تعمل كده فى الكاوتش

و برضه ممكن لو كانت الزوايا بايظة و أنت سبتها كتير تعمل كده .....بس مش متأكد قوى
اللى متأكد منه أن الزوايا لو بايظة و سبتها كتير هتخلى ناحية فى العجلة الواحدة متاكله أكتر من التانية.

حاول تكشف على السبب اللى خللى الموضوع ده يحصل خصوصاً ان الميشلان كاوتش محترم و انا مجربه قبل كده و قعد حوالى 50 ألى 60 الف و كان ممكن يكمل بس أنا غيرته.

و ممكن برضه الراجل كان بيحاول يعمل عليك شغل.......مش بعيدة.

**SoFiMaN** · 23-01-2012 02:14 AM

اه هم المساعدين بقى ان شاء الله سعرهم كام ؟ :d لو اصلي او في حاجة افضل. لأن مش هجيب تركي او استيراد تماماً.

**Col. Eng. Khaled** · 23-01-2012 03:51 AM

حضرتك بتجيب يمين و شمال للآخر كتير و انت راكن في مكان ضيّق عشان تطلع ؟

**Col. Eng. Khaled** · 23-01-2012 11:49 PM

حضرتك ده أحد الأسباب الرئيسية .... بالنسبة للمساعدين ، ميكانيكي أو عفشجي محترم هو اللي يحدد حالة المساعدين

من خلال تجاربي أميل إن عفشجي (إن أمكن) هو إللي يشكف عليهم .

**bmya** · 30-01-2012 02:51 AM

ههههههههههههه هما الناس بتوع بريدجشتون دول حافظين الكلمتين دول ولا ايه !!!!!!!!!!!
انا برده كا عهندي رعشه في العربيه من اول 100 تقريبا والعفشه عندي تمام والحمد لله قلت يبقى ترصيص روحت فيكس و فيت في عباس العقاد قلتله عاوز ارصص عشان في رعشه راح العامل برده قعد يحسس على الكاوتش وقالي نفس الكلام اللي قالهولك بالحرررررررررررف المهم قلتله مش مهم رصص وخلاص اللي قدام بس ورصصهم فعلا وطعت جربت لقيت الرعشه تكاد تكون اختفت يعني موجوده بسيط اوي وبتزيد شويه من اول 140